ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

       ​(ສພຊ) ວັນທີ 17 ມັງກອນ 2022 ທີ່ຫ້ອງຮັບແຂກສະພາແຫ່ງຊາດ ທ່ານ ລິນ​ຄຳ ດວງ​ສະ​ຫວັ ປະທານກຳ​ມາ​ທິ​ການ​ເສດ​ຖະ​ກິດ, ເຕັກ​ໂນ​ໂລ​ຊີ ແລະ ສິ່ງ​ແວດ​ລ້ອມ (ກສຕສ) ສະພາແຫ່ງຊາດ ທັງເປັນປະທານຄະນະມິດຕະພາບລັດຖະສະພາລາວ.ເກົາຫລີ ໄດ້ພົບປະກັບທ່ານ ອິມມູຮົງ ເອກອັກຄະລັດຖະທູດແຫ່ງ.ເກົາຫລີ ປະຈໍາ ສປປລາວ ໂດຍມີບັນດາຄະນະຜູ້ແທນທັງສອງຝ່າຍເຂົ້າຮ່ວມ ເຊິ່ງການພົບປະຄັ້ງນີ້ ເພື່ອເປັນປຶກສາຫາລືກ່ຽວກັບການຊຸກຍູ້ ແລະເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງສປປລາວ ແລະ .ເກົາຫລີ ກໍຄືລະຫວ່າງສອງອົງການນິຕິບັນຍັດ ໃຫ້ໄດ້ຮັບການພັດທະນາ ແລະ ຂະຫຍາຍຕົວຍິ່ງໆຂຶ້ນ.

       ​ທ່ານປະທານ ກສຕສ ໄດ້ກ່າວສະແດງຄວາມດີໃຈ ແລະ ຕ້ອນຮັບອັນອົບອຸ່ນຕໍ່ທ່ານເອກອັກຄະລັດຖະທູດ ພ້ອມດ້ວຍຄະນະ ເຊິ່ງທ່ານດ້ໃຫ້ຮູ້ໂດຍຫຍໍ້ກ່ຽວກັບພາລະບົດບາດ, ສິດ ແລະ ໜ້າທີ່ ຂອງ ກສຕສ ພ້ອມທັງໃຫ້ຮູ້ວ່າຄະນະມິດຕະພາບລັດຖະສະພາລາວ-ສ.ເກົາຫລີ ຂອງສະພາແຫ່ງຊາດລາວ ຊຸດທີ IX ມີທັງໝົດ 13 ທ່ານ ເຊິ່ງໃນໄລຍະຜ່ານມາເຫັນວ່າການຮ່ວມມືໃນຂະແໜງການຕ່າງໆມີຄວາມຄືບໜ້າ ແລະ ແຕກດອກອອກຜົນ ໂດຍສະເພາະການລົງທຶນຂອງ.ເກົາຫລີ ຢູ່ ສປປລາວ ກໍມີຄວາມຄືບໜ້າເປັນທີ່ໜ້າພໍໃຈ; ສຳລັບການຊ່ວຍເຫລືອລ້າຈາກ .ເກົາຫລີ ໃນໄລຍະຜ່ານມາມີຫລາຍໂຄງການ ເຊັ່ນ: ການພັດທະນາຊົນນະບົດ, ການພັດທະນາດ້ານການສຶກສາ ແລະ ການພັດທະນາດ້ານສາທາລະນະສຸກ ແລະ ການແລກປ່ຽນທິດທາງແຜນການການພົວພັນຮ່ວມມື ລະຫວ່າງສອງອົງການນິຕິບັນຍັດຂອງສອງປະເທດ ເປັນຕົ້ນການແລກປ່ຽນການຢ້ຽມຢາມເຊິ່ງກັນລະກັນໃນແຕ່ລະຂັ້ນ.

       ​ໂອກາດດັ່ງກ່າວ, ທ່ານ ອິມມູຮົງ ກໍໄດ້ກ່າວສະແດງຄວາມຂອບໃຈຕໍ່ການຕ້ອນຮັບຂອງທ່ານປະທານ ກສຕສ ພ້ອມດ້ວຍຄະນະ ທີ່ໄດ້ໃຫ້ການຕ້ອນຮັບອັນອົບອຸ່ນໃນຄັ້ງນີ້ ພ້ອມທັງຕີລາຄາສູງຕໍ່ການຮ່ວມມືອັນດີງາມ ລະຫວ່າງ.ເກົາຫລີ ແລະ ສປປລາວ ກໍຄືລະຫວ່າງສອງອົງການນິຕິບັນຍັດ.

             (ພາບ ແລະ ຂ່າວ: ສອນສັກ ວັນວິໄຊ)