ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

       ​(ສພຊ) ໃນຕອນເຊົ້າຂອງວັນທີ 12 ມັງກອນ 2022 ທີ່ຫ້ອງຮັບແຂກສະພາແຫ່ງຊາດ, ທ່ານ ພົຕ ວົງສັກ ພັນທະວົງ ປະທານກຳມາທິການປ້ອງກັນຊາດ-ປ້ອງກັນຄວາມສະຫງົບ (ກປຊສ) ສະພາແຫ່ງຊາດ ໄດ້ຕ້ອນຮັບເຂົ້າຢ້ຽມຂໍ່ານັບຂອງທ່ານ ພົຈວ Jamsran BYAMBASUREN ເອກອັກຄະລັດຖະທູດ ແຫ່ງມົງໂກນ ປະຈໍາ ສປປລາວ ໃນໂອກາດຮັບຕໍາແໜ່ງເປັນເອກອັກຄະລັດຖະທູດ ແຫ່ງມົງໂກນ ປະຈໍາ ສປປລາວ ຄົນໃໝ່.

      ​ທັງນີ້, ກໍເພື່ອສືບຕໍ່ເພີ່ມທະວີຊຸກຍູ້ເສີມສ້າງສາຍພົວພັນມິດຕະພາບ ແລະ ການຮ່ວມມືອັນເປັນມູນເຊື້ອທີ່ດີງາມມາແຕ່ດົນນານ ລະຫວ່າງ ສປປລາວ ແລະ ມົງໂກນ ກໍຄືໃນການພົວພັນຮ່ວມມື ແລະ ປະສານງານ ລະຫວ່າງ 2 ສະພາ ລາວ-ມົງໂກນ, ມົງໂກນ-ລາວ ໃຫ້ນັບມື້ນັບຂະຫຍາຍຕົວຍິ່ງຂຶ້ນ ທັງເປັນການສະເຫລີມສະຫລອງການສ້າງຕັ້ງສາຍພົວພັນການທູດລາວ-ມົງໂກນຄົບຮອບ 60 ປີ (ວັນທີ 12 ກັນຍາ 1962-12 ກັນຍາ 2022)

              (ພາບ ແລະ ຂ່າວ: ອາລິນ ສຸພິມມະປະດິດ)