ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

(ສພຊ) ວັນທີ 27 ມັງກອນ 2022 ທີ່ຫ້ອງຮັບແຂກສະພາແຫ່ງຊາດໄດ້ມີພິທີມອບຮັບເຄື່ອງຊ່ວຍເຫລືອຈາກສູນລວມຄຣິສຕະຈັກຂ່າວປະເສີດສປປລາວ ເພື່ອເປັນການຊ່ວຍເຫລືອຜູ້ທຸກຍາກທີ່ຢູ່ເຂດຫ່າງໄກສອກຫລີກຕ່າງໆຂອບເຂດທົ່ວປະເທດ ໃນການຕ້ານກັບອາກາດໜາວເຢັນ ໂດຍຜ່ານສະມາຊິກສະພາແຫ່ງຊາດ ປະຈຳເຂດເລືອກຕັ້ງ ເພື່ອນຳໄປສົ່ງມອບຕໍ່ ໂດຍຕາງໜ້າມອບໂດຍທ່ານ ຄຳແດງ ກຸນທະປັນຍາ ຮອງປະທານຜູ້ປະຈຳການບໍລິຫານສູນລວມຄຣິສຕະຈັກຂ່າວປະເສີດ ສປປລາວ ແລະ ຕາງໜ້າຮັບໂດຍທ່ານ ຄຳຈັນ ໂສຕາປະເສີດ ປະທານກຳມາທິການບັນດາເຜົ່າ (ກບຜ) ເຊິ່ງເຄື່ອງທີ່ນຳມາມອບໃນຄັ້ງນີ້ປະກອບມີ: ຜ້າຫົ່ມ, ເຄື່ອງກັນໜາວ ທັງເດັກນ້ອຍ ແລະ ຜູ້ໃຫຍ່ ລວມມູນຄ່20.000.000 ກີບ.

ໃນໂອກາດດັ່ງກ່າວ, ທ່ານປະທານ ກບຜ ກໍໄດ້ມອບໃບຍ້ອງຍໍ ເພື່ອເປັນການຂອບໃຈ ແລະ ຈາລຶກຄຸນງາມຄວາມດີຕໍ່ການຊ່ວຍເຫລືອເພື່ອຕ້ານກັບອາກາດໜາວໃນຄັ້ງນີ້.

(ພາບ ແລະ ຂ່າວ: ສອນສັກ ວັນວິໄຊ)