(ສພຊ) ວັນທີ 24 ທັນວາ 2021, ທີ່ຫ້ອງຮັບແຂກສະພາແຫ່ງຊາດ ໄດ້ມີພິທີມອບ- ຮັບເຄື່ອງຊ່ວຍເຫລືອຈາກສູນລວມຄຣິສຕະຈັກຂ່າວປະເສີດ ສປປລາວ ເພື່ອເປັນການຊ່ວຍເຫລືອຜູ້ທຸກຍາກເຂດຫ່າງໄກສອກຫລີກຕ່າງໆຂອບເຂດທົ່ວປະເທດໃນການຕ້ານກັບອາກາດໜາວເຢັນ ໂດຍຜ່ານສະມາຊິກສະພາແຫ່ງຊາດ ປະຈຳເຂດເລືອກຕັ້ງ ເພື່ອນຳໄປສົ່ງມອບຕໍ່ ໂດຍຕາງໜ້າກ່າວມອບ ໂດຍທ່ານ ຄຳແດງ ກຸນທະປັນຍາ ຮອງປະທານຜູ້ປະຈຳການບໍລິຫານສູນລວມຄຣິສຕະຈັກຂ່າວປະເສີດ ສປປລາວ ແລະ ຕາງໜ້າກ່າວຮັບໂດຍທ່ານ ຄຳຈັນ ໂສຕາປະເສີດ ປະທານກຳມາທິການບັນດາເຜົ່າ; ໂດຍເຄື່ອງທີ່ນຳມາມອບໃນຄັ້ງນີ້ປະກອບມີ: ຜ້າຫົ່ມ, ເຄື່ອງກັນໜາວທັງເດັກນ້ອຍ ແລະ ຜູ້ໃຫຍ່ ລວມມູນຄ່າ 20 ລ້ານກີບ.

            (ພາບ ແລະ ຂ່າວ: ອາລິນ ສຸພິມມະປະດິດ)