ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

(ສພຊ) ວັນທີ 8 ກຸມພາ 2022 ທີ່ສະພາແຫ່ງຊາດ, ທ່ານ ສັນຍາ ປຣະເສີດ ປະທານກໍາມາທິການການຕ່າງປະເທດ (ກຕທ) ສະພາແຫ່ງຊາດ ໄດ້ຕ້ອນຮັບການເຂົ້າຢ້ຽມຂໍ່ານັບຂອງທ່ານ ດິນກາ ອັດທະນາ ( DinkarAsthana) ເອກອັກຄະລັດຖະທູດ ແຫ່ງ ອິນເດຍ ປະຈໍາ ສປປລາວ ພ້ອມດ້ວຍຄະນະ.

ໂອກາດດັ່ງກ່າວ, ທ່ານປະທານ ກຕທ ໄດ້ສະແດງຄວາມຍິນດີຕ້ອນຮັບແລະ ຕີລາຄາສູງຕໍ່ການເຂົ້າຢ້ຽມຂໍ່ານັບຂອງທ່ານເອກອັກຄະລັດຖະທູດແຫ່ງ ອິນເດຍ ໃນຄັ້ງນີ້ ເຊິ່ງເປັນການປະກອບສ່ວນສ້າງສາຍພົວພັນມິດຕະພາບ ແລະ ການຮ່ວມມືລະຫວ່າງ ສປປລາວ ແລະ ອິນເດຍ ເວົ້າລວມ, ເວົ້າສະເພາະແມ່ນລະຫວ່າງສະພາແຫ່ງຊາດລາວ ແລະ ສະຖານເອກອັກຄະລັດຖະທູດ ອິນເດຍ ປະຈໍາ ສປປລາວ, ສປປລາວ ແລະ ອິນເດຍເຊິ່ງໄດ້ມີສາຍພົວພັນມິດຕະພາບ ແລະ ການຮ່ວມມືທີ່ຍາວນານ ແລະເກົ່າແກ່ ເຊິ່ງສ້າງຕັ້ງສາຍພົວພັນການທູດນໍາກັນຢ່າງເປັນທາງການ ຕັ້ງແຕ່ປີ 1956 ເປັນຕົ້ນມາ.

ພ້ອມດຽວກັນນັ້ນ, ທ່ານເອກອັກຄະລັດຖະທູດອິນເດຍ ກໍໄດ້ກ່າວສະແດງຄວາມຂອບໃຈທີ່ທ່ານປະທານ ກຕທ ພ້ອມດ້ວຍຄະນະ ໄດ້ໃຫ້ກຽດຕ້ອນຮັບອັນອົບອຸ່ນ ແລະ ແຈ້ງຈຸດປະສົງຂອງການເຂົ້າຢ້ຽມຂໍ່ານັບໃນຄັ້ງນີ້.

(ພາບ ແລະ ຂ່າວ: ສອນສັກ ວັນວິໄຊ)