ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

 ມື້ນີ້ ເປັນມື້ທີສອງຂອງການຢ້ຽມຢາມ ແລະ ເຮັດວຽກຢູ່ແຂວງຫລວງພະບາງຂອງທ່ານ ປອ. ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານສະພາແຫ່ງຊາດ ພ້ອມດ້ວຍຄະນະ ໃນຕອນເຊົ້າຂອງມື້ນີ້ ຄະນະໄດ້ສືບຕໍ່ເຄື່ອນໄຫວວຽກງານຢູ່ເມືອງໂພນໄຊ ແຂວງຫລວງພະບາງ ໂອກາດດັ່ງກ່າວ ຄະນະ ໄດ້ນໍາເອົາເຄື່ອງຊ່ວຍເຫລືອປະກອບມີ: ເຄື່ອງປ້ອງກັນໂຄວິດ-19 ແລະ ເຄື່ອງອຸປະໂພກ-ບໍລິໂພກ ຈໍານວນໜຶ່ງ ມອບໃຫ້ເມືອງໂພນໄຊ ເຊິ່ງຕາງໜ້າກ່າວມອບໂດຍທ່ານ ນາງ ວັນດີ ບຸດທະສະວົງ ຮອງປະທານກໍາມາທິການການຕ່າງປະເທດ ສະພາແຫ່ງຊາດ ແລະ ຕາງໜ້າກ່າວຮັບໂດຍທ່ານ ທອງຈັນ ລັດຕະນະປະດິດ ເຈົ້າເມືອງໆໂພນໄຊ. ຈາກນັ້ນ, ຄະນະໄດ້ສືບຕໍ່ຢ້ຽມຢາມ ແລະໃຫ້ກໍາລັງໃຈຄົນເຈັບ ຢູ່ໂຮງໝໍເມືອງໂພນໄຊຕື່ມອີກ.