ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

 

(ສພຊ) ໃນໂອກາດເດີນທາງໄປຢ້ຽມຢາມສັນຖະວະໄມຕີ ຢູ່ ສສ.ຫວຽດນາມ ຢ່າງເປັນທາງການ ຂອງຄະນະຜູ້ແທນຂັ້ນສູງຂອງສະພາແຫ່ງຊາດລາວ ເຊິ່ງໃນຕອນແລງຂອງວັນທີ 6 ທັນວາ 2021, ນຳໂດຍສະຫາຍ ປອ. ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານສະພາແຫ່ງຊາດ ແຫ່ງ ສປປລາວ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ຂອງສະພາແຫ່ງຊາດ ແຫ່ງ ສປປລາວ ໄດ້ເຂົ້າຢ້ຽມຂໍ່ານັບສະຫາຍ ຫງວຽນ ຊວນ ຟຸກ ກຳມະການກົມການເມືອງສູນກາງພັກກອມມູນິດຫວຽດນາມ, ປະທານປະເທດ ແຫ່ງ ສສ.ຫວຽດນາມ ແລະ ໄດ້ຢ້ຽມຢາມພົບປະສະຫາຍ ຟາມ ມິງ ຈິງ ກຳມະການກົມການເມືອງສູນກາງພັກກອມມູນິດຫວຽດນາມ, ນາຍົກລັດຖະມົນຕີ ແຫ່ງ ສສ.ຫວຽດນາມ ເພື່ອປຶກສາຫາລືທິດທາງໃນການພົວພັນຮ່ວມມື ລະຫວ່າງສອງປະເທດລາວ-ຫວຽດນາມ ອ້າຍນ້ອງ ພ້ອມທັງລາຍງານໃຫ້ຊາບກ່ຽວກັບຜົນຂອງການພົບປະສອງຝ່າຍ ລະຫວ່າງສອງປະທານຂອງອົງການນິຕິບັນຍັດ; ຈາກນັ້ນ, ສະຫາຍປະທານສະພາແຫ່ງຊາດລາວ ຍັງໄດ້ໃຫ້ການຕ້ອນຮັບການເຂົ້າຢ້ຽມຂໍ່ານັບຂອງສະຫາຍປະທານຄະນະມິດຕະ ພາບລັດຖະສະພາຫວຽດນາມ-ລາວ ຂອງສະພາແຫ່ງຊາດຫວຽດນາມ.
ໃນຕອນຄໍ່າຂອງວັນດຽວກັນ, ຄະນະ ຍັງໄດ້ເຂົ້າຮ່ວມງານລ້ຽງຕ້ອນຮັບ ເຊິ່ງຈັດໂດຍສະຫາຍປະທານສະພາແຫ່ງຊາດຫວຽດນາມ
( ຂໍຂອບໃຈພາບຈາກ ຂ່າວສານຫວຽດນາມ )