ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ວັນສຸກທີ 22 ເມສາ 2022 ທ່ານ ຄໍາດີ ວົງລ້ອມ ຮອງເລຂາຄະນະບໍລິຫານງານພັກແຂວງ, ປະທານສະພາປະຊາຊົນແຂວງ ແລະ ທ່ານ ອິນທາ ລືນາມມະຈັກ ກຳມະການພັກແຂວງ, ເຈົ້າເມືອງເມືອງຮຸນ ພ້ອມດ້ວຍຄະນະ ໄດ້ມອບເຄື່ອງຮັບໃຊ້ຫ້ອງການ ແລະ ວັດຖຸສໍາລັບການກໍ້ສ້າງຈໍານວນຫນຶ່ງ ໃຫ້ແກ່ກອງບັນຊາການ ປກຊ ເມືອງຮຸນ ແລະ ກອງພັນ 424 ແລະ ບ້ານ ນໍ້າພູນ, ຕາງໜ້າຮັບໂດຍ ທ່ານ ພັທ ບຸນທຽນ ທ່ຽງມະນີ ຫົວໜ້າກອງບັນຊາການ ປກຊ ເມືອງ ຮຸນ, ທ່ານ ພັທ ສົມພອນ ຄຳພູມີ ຫົວໜ້າການເມືອງກອງພັນ 424 ແລະ ນາຍບ້ານບ້ານນໍ້າພູນ, ເຂົ້າຮ່ວມມີ ທ່ານ ອາລຸນ ບຸນວິໄລ ຫົວໜ້າພະແນກພະລັງງານ ແລະ ບໍ່ແຮ່, ທ່ານ ທອງຄານ ວັດສະດາກອນ ສະມາຊິກສະພາປະຊາຊົນແຂວງປະຈຳເຂດເລືອກຕັ້ງເມືອງຮຸນ ແລະ ຄະນະທິມງານ.
ເຄື່ອງທີ່ນໍາມາມອບຄັ້ງນີ້ປະກອບມີໂທລະໂຄ່ງ 1 ຊຸດ ມອບໃຫ້ບ້ານນໍ້າພູນ ແລະ ຄອມພີວເຕີຈໍານວນ 3 ຊຸດ ແລະ ຊີມັງ 4 ໂຕນ ມອບໃຫ້ກອງບັນຊາການ ປກຊ ເມືອງຮຸນ ແລະ ກອງພັນ 424.
ທັງນີ້ກໍ່ເພື່ອເປັນການສະໜອງອຸປະກອນທີ່ຈໍາເປັນຮັບໃຊ້ເຂົ້າໃນວຽກງານຂອງບ້ານ ແລະ ປະກອບສ່ວນເຂົ້າໃນວຽກງານຂອງກຳລັງປ້ອງກັນຊາດ ໃຫ້ມີຄວາມວ່ອງໄວ ສະດວກສະບາຍຂຶ້ນກວ່າເກົ່າ, ພ້ອມກັນນນັ້ນ ປະທານ ສພຂ ໄດ້ເໜັ້ນໜັກໃຫ້ນຳໃຊ້ອຸປະກອນ ແລະ ວັດຖຸດັ່ງກ່າວຖືກຕາມເປົ້າໝາຍ ເຂົ້າໃນວຽກງານຕົວຈິງໃຫ້ເກີດຜົນປະໂຍດໃຫ້ສູງສຸດ.
(📸✍️: ແສງພອນ ອິນນະລົງ).