ຕອນບ່າຍຂອງວັນທີ 4 ກັນຍາ 2024 ນີ້ ທ່ານ ຄຳຟອງ ອິນມານີ ຮອງເລຂາຄະນະບໍລິຫານງານພັກແຂວງ ປະທານສະພາປະຊາຊົນແຂວງ ຜູ້ຊີ້ນຳວຽກງານຂົງເຂດສານ, ອົງການໄອຍະການປະຊາຊົນ, ພະແນກຍຸຕິທຳ ໄດ້ລົງເຄື່ອນໄຫວໂອ້ລົມ,​ຊີ້ນຳ ແລະ ຊຸກຍູ້ວຽກງານຢູ່ອົງການໄອຍະການປະຊາຊົນ ໂດຍການເຂົ້າຮ່ວມຂອງ ທ່ານ ນາງ ວອນແສງ ບົວດອກທອງ ຫົວໜ້າອົງການໄອຍະການປະຊາຊົນແຂວງຫລວງນໍ້າທາ, ມີພະນັກງານນຳພາ-ຄຸ້ມຄອງ, ພະນັກງານຫຼັກແຫຼ່ງ ຕະຫລອດຮອດພະນັກງານ-ລັດຖະກອນອົງການໄອຍະການປະຊາຊົນ ເຂົ້າຮ່ວມທັງໝົດ 22 ທ່ານ, ຍິງ 8 ທ່ານ.

ໃນກອງປະຊຸມ ທ່ານ ນາງ ວອນແສງ ບົວດອກທອງ ໄດ້ລາຍງານການເຄື່ອນໄຫວວຽກງານຮອບດ້ານອົງການໄອຍະການໃນໄລຍະຜ່ານມາ ຄະນະພັກ-ຄະນະນໍາອົງການໄອຍະການປະຊາຊົນແຂວງໄດ້ຕັ້ງໜ້າເຮັດໜ້າທີ່ການເມືອງ-ນໍາພາແນວຄິດ ໃຫ້ແກ່ພະນັກງານ-ລັດຖະກອນ ດ້ວຍການເຊື່ອມຊຶມ ມະຕິກອງປະຊຸມໃຫຍ່ຄັ້ງທີ່11  ຂອງສູນກາງພັກ, ມະຕິກອງປະຊຸມໃຫຍ່ຄັ້ງທີ່ 8 ຂອງອົງຄະນະພັກແຂວງ ມະຕິຂອງສະພາແຫ່ງຊາດ ມະຕິຂອງສະພາປະຊາຊົນແຂວງ ມະຕິກອງປະຊຸມໃຫຍ່ຄັ້ງທີ່ 5  ຂອງອົງຄະນະພັກປະຊາຊົນສຸງສຸດ, ມະຕິກອງປະຊຸມໃຫຍ່ ຄັ້ງທີ່2  ຂອງໜ່ວຍພັກອົງການໄອຍະການປະຊາຊົນ ໂດຍລວມແລ້ວ ພະນັກງານ-ລັດຖະກອນ ພາຍໃນອົງການໄອຍະການປະຊາຊົນ ມີຄຸນທາດການເມືອງໜັກແໜ້ນ ມີຄວາມຈົງຮັກພັກດີຕໍ່ພັກ-ຕໍ່ລັດ ເຊື່ອໜັ້ນຕໍ່ການນຳພາຂອງພັກ ເປັນເອກະພາບສູງຕໍ່ແນວທາງນະໂຍບາຍຂອງພັກ ປະຕິບັດສິດ ແລະ ໜ້າທີ່ດ້ວຍຄວາມຮັບຜິດຊອບສູງ ມີຄວາມສັດຊື່ບໍລີສຸດ ສະກັດກັ້ນ ແລະ ຕ້ານປະກົດການຫຍໍ້ທໍ້ຢ່າງເປັນເຈົ້າການ ເຮັດໃຫ້ຄວາມເຊື່ອໜັ້ນຂອງປະຊາຊົນຕໍ່ການປະຕິບັດໜ້າທີ່ຂອງອົງການໄອຍະການປະຊາຊົນເພີ່ມຂື້ນ ແລະ ຫ່າງສຽງຈົ່ມວ່າຂອງສັງຄົມຕໍ່ອົງການໄອຍະການປະຊາຊົນຫຼຸດລົງ, , ໃນໜື່ງປີຜ່ານມາອົງການໄອຍະການປະຊາຊົນແຂວງ ແລະ ເຂດ ໄດ້ອອກຄໍາສັ່ງຕາມການສະເໜີຂອງອົງການສືບສວນ-ສອບສວນ ຄື ອອກຄຳສັ່ງຈັບຕົວ 12 ຄົນ; ອອກຄໍາສັ່ງກັກຂັງພາງ 18 ຄົນ; ອອກຄໍາສັ່ງຕໍ່ການກັກຂັງພາງ 82 ຄົນ; ຄໍາ​ສັ່ງ​ປ່ອຍ​ຕົວ 01 ສະບັບ. ເຂົ້າຮ່ວມກວດກາເຄື່ອງຂອງກາງຄະດີນໍາເຈົ້າໜ້າທີ  4 ຄັ້ງການຄົ້ນຄວ້າຄະດີອາຍາ ໄດ້ຮັບສໍານວນຄະດີອາຍາຂັ້ນຕົ້ນຈໍານວນ 165 ເລື່ອງ, ​ໄດ້ຖະແຫຼງ ​ແລະ ສັ່ງຟ້ອງຂື້ນສານ  148 ເລື່ອງ, ສົ່ງຄືນເຈົ້າໜ້າທີ 10 ເລື່ອງ,ລວມແກ້ໄຂຄະດີອາຍາຂັ້ນຕົ້ນ 158 ​ເລື່ອງ,  ພວມຄົ້ນຄ້ວາ 07 ຄະດີ.ເຂົ້າຮ່ວມຖະແຫຼງໃນທີ່ປະຊຸມສານຄະດີ​ອາຍາ 76  ​ເລື່ອງ,ສານ​ຕັດ​ສີນ​ເອົາ​ຕາມ​ຄຳ​ຖະ​ແຫຼ​ງຂອງ​ໄອ​ຍະ​ການ 76 ​ເລື່ອງ,​ເທົ່າ​ກັບ 100% ພ້ອມທັງໄດ້ລາຍງານອົງການໄອຍະການປະຊາຊົນພາກເໜືອຊາບ. ໃນ 06 ເດືອນຜ່ານມາໄດ້ປະສານສົມທົບກັບຂະແໜ່ງປະຕິບັດຄໍາຕັດສີນຂອງສານພະແນກຍຸຕິທໍາ ເກັບກໍາຂໍ້ມູນສະຖິຕິ ການຈັດຕັ້ງປະຕິບັດຄຳຕັດສີນຂອງສານທີ່ໃຊ້ໄດ້ຢ່າງເດັດຂາດມີຄື:ຄະດີອາຍາ 1,191 ເລື່ອງ,ເຂົ້າໃໝ່ 23 ;ລວມ 1,214; ປະຕິບັດສຳເລັດ 75 ເລື່ອງ,​ໂຈະ​ປະຕິບັດ 43 ​ເລື່ອງ,ມອບ​ເງີ​ນ​ໃຫ້​ຄູ່​ຄວາມ​ຄະດີ​ແພ່ງ,ຄະດີ​ອາຍາ,​ເງີ​ນອາກອນ ​ແລະ ​ເງີ​ນປັບ​ໃໝມີ​ຄື: ​ເງີ​ນອາກອນ ​ແລະ ​ເງີ​ນປັບ​ໃໝ​ລວມທັງ​ໝົດ   536.535.000 ກີບ ໄດ້ຮັບການລາຍງານບັນຊີຊັບສີນທີ່ສານຕັດສີນຮີບເປັນຂອງລັດມີ ໂທລະສັບຈໍານວນ 81 ໜ່ວຍ,ລົດຈັກ 57 ຄັນ,ລົດໃຫ່ຍ 02 ຄັນ;ໄດ້ຮັບການລາຍງານຈາກອົງການກວດກາຂອງລັດແຂວງມີຊັບທີ່ຖືກຍຶດ,ອາຍັດທີ່ດີນ 31 ຕອນ,ເງີນກີບ 4,944,179,000 ກີບ;ເງີນຍວນ 3,822,500 ຢວນ,ເງີນບາດ 322,000 ບາດ;ເງີນໂດລາ 4,800 ໂດລາ,ເງີນດົງ 33,300,000 ດົງ;ວັດຖຸມີຄ່າມີ ຄຳ ຈຳນວນ 2,903,49 ກາມ ແລະ ອື່ນໆ .ອົງການໄອຍະການປະຊາຊົນແຂວງໄດ້ເກັບກໍາສະຖິຕິ ຜູ້ດັດສ້າງ,  ຜູ້ຖຶກຫາ ແລະ ນັກໂທດເປັນປົກກະຕິ ລາຍລະອຽດມີຄື: ຜູ່​ຖຶກດັດສ້າງ ມີ  432  ຄົນ, ຍິງ 49  ຄົນ,ຕ່າງປະ​ເທດ 02 ຄົນ; ຜູ່ຖືກຫາ  623 ຄົນ, ຍິງ 22 ຄົນ, ຕ່າງປະເທດ 02 ຄົນ;ນັກ​ໂທດ  414 ຄົນ, ຍິງ 48 ຄົນ, ຕ່າງປະ​ເທດ  09 ຄົນ, ຍິງ 01 ຄົນ.ໄດ້ຮ່ວມຄົ້ນຄ້ວານັກໂທດທີ່ມີເງື່ອນໄຂສະເໜີໃຫ້ອະໄພຍະໂທດຫຼຸດຜ່ອນໂທດປະຈໍາປີ 2024 ມີທັງໝົດ 57 ຄົນ,ຍີງ 04 ຄົນ,ພິຈາລະນາເພື່ອສະເໜີໃຫ້ອະໄພຍະໂທດລະດັບຊາດ ຈໍານວນ 01 ຄັ້ງ;

ໃນຕອນທ້າຍ ທ່ານ ຄຳຟອງ ອິນມານີ ໄດ້ມີຄຳເຫັນໂອ້ລົມ ແລະ ເນັ້ນໜັກ ກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານຫຼາຍດ້ານທີ່ອົງການໄອຍະການປະຊາຊົນຍາດມາໄດ້ໃນໄລຍະຜ່ານມາ ພ້ອມທັງເນັ້ນໜັກໃຫ້ຄະນະນຳຈົ່ງເພີ່ມທະວີວຽກງານສຶກສາອົບຮົມການເມືອງແນວຄິດໃຫ້ພະນັກງານມີແນວຄິດອຸ່ນອຽນທຸນທ່ຽງ ຕິດພັັນກັບການ ປັບປຸງແບບແຜນວິທີນຳພາ, ວິທີ່ເຮັດວຽກ, ມີການວາງແຜນ ພ້ອມທັງຕິດຕາມກວດກາການຈັດຕັ້ງປະຕິບັດຕາມແບບແຜນທີ່ວາງໄວ້ ຖ້າຫາກບໍສອດຄ່ອງຕ້ອງຮີບຮ້ອນປັບປຸງ ແລະ ແກ້ໄຂ, ເປັນແບບຢ່າງທີ່ດີໃນການຈັດຕັ້ງປະຕິບັດກົດໝາຍ, ເພີ່ມທະວີການຈັດຕັ້ງປະຕິບັດວຽກງານວິຊາສະເພາະ,ຄວາມສາມັກຄີເປັນເອກະພາບ ທັງນີ້ກໍເພື່ອເຮັດໃຫ້ອົງການໄອຍະການປະຊາຊົນນັບມື້ເຕີບໃຫຍ່ເຂັ້ມແຂງ,ການຄົ້ນຄວ້າແກ້ໄຂຄະດີມີຄວາມຖືກຕ້ອງ, ພາວະວິໄສ, ໂປ່ງໃສ ແລະ ຍຸຕິທຳ.

                                                                                                                                                                                          ໂດຍ ນາງ ອຳພອນ ສີປະເສີດ