ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນລະຫວ່າງວັນທີ 02 ຫາ 05 ມີນາ 2022 ຜ່ານມານີ້ ທ່ານ ກົງແກ້ວ ມີວໍລະຈັກ ຮອງເລຂາພັກແຂວງ, ປະທານສະພາປະຊາຊົນແຂວງ ໄດ້ລົງ ຕິດຕາມຊຸກຍູ້ ການສັກວັກຊິນຕ້ານພະຍາດໂຄວິດ-19 ທີ່ເມືອງເຊໂປນ;  ເຊິ່ງໃຫ້ກຽດຕ້ອນຮັບໂດຍ ທ່ານ ວົງສະຫວັນ ວຽງມະນີ ກຳມະການພັກແຂວງ ເລຂາພັກເມືອງ ເຈົ້າເມືອງໆນອງ ພ້ອມດ້ວຍຄະນະນຳຂອງເມືອງ, ຕ່າງໜ້າພະແນກສາທາລະນະສຸກແຂວງ, ຕ່າງໜ້າຫ້ອງການສາທາລະນະສຸກເມືອງ, ຈຸດສຸມ, ນາຍບ້ານ, ພາກສ່ວນທີ່ກ່ຽວຂ້ອງ ແລະ ຕະຫຼອດຮອດພໍ່ແມ່ປະຊາຊົນຕ້ອນຮັບຢ່າງອົບອຸ່ນ.

ໃນການລົງເຄື່ອນໄຫວຕິດຕາມຊຸກຍູ້ ການສັກວັກຊິນກັນພະຍາດໂຄວິດ-19 ຄັ້ງນີ້ມີ 05 ຈຸດຂອງເມືອງຄື: ບ້ານວັງກຸງ, ບ້ານນາຫົວນ້ຳ, ໂຮງໝໍນ້ອຍແດນສະຫວັນ, ບ້ານອາຫໍ້, ບ້ານຕໍເຮືອ; ໃນແຕ່ລະຈຸດກໍ່ໄດ້ຮັບຟັງການລາຍງານສະພາບການສັກວັນຊິນຕ້ານພະຍາດໂຄວິ-19 ຈາກ ຄະນະສະເພາະກິດຕ້ານໂຄວິດ-19 ຂັ້ນເມືອງ; ແຕ່ລະຈຸດກໍ່ໄດ້ມີຄຳເຫັນ ແລະ ໂອລົມ ອໍານາດການປົກຄອງເມືອງ, ຈຸດບ້ານ, ຕະຫຼອດພໍ່ແມ່ປະຊົນ ໃຫ້ຮັບຮູ້, ເຂົ້າໃຈ ກ່ຽວກັບຄວາມໝາຍ ຄວາມສຳຄັນ ແລະ  ປະໂຫຍດຂອງການສັກວັກຊິນເພື່ອເປັນການສ້າງພູມຄຸ້ມກັນໃນການຕ້ານພະຍາດໂຄວິ-19 ພ້ອມກັັນນັ້ນກໍ່ມີການຊຸກຊູ້ໃຫ້ທຸກຄົນມີສ່ວນຮ່ວມ ເອົາໃຈໃສ່ໃນການໂຄສະນາ ເພື່ອໃຫ້ພໍ່ແມ່ປະຊາຊົນໄດ້ເຂົ້າເຖິງການສັກວິນຊິກຫຼາຍຂຶ້ນ; ຕິດພັນກັບການລົງຕິດຕາມຊຸກຍູ້ການສັກວັກຊິນໃນຄັ້ງນີ້ກໍ່ໄດ້ມີການເຜີຍແຜ່ຜົນສຳເລັດຂອງກອງປະຊຸມສະໄໝສາມັນເທື່ອທີ 02 ຂອງສະພາແຫ່ງຊາດ, ສະພາປະຊາຊົນແຂວງ ຊຸດທີ II ເຊິ່່ງໄດ້ຍົກໃຫ້ເຫັນເຖິງບັນດາມະຕິທີ່ສຳຄັນທີ່ໄດ້ຮັບຮອງໃນກອງປະຊຸມ ໂດຍສະເພາະແມ່ນວຽງານທີ່ຕິດພັນກັບສອງວາລະແຫ່ງຊາດກ່ຽວກັບການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ບັນຫາຢາເສບຕິດ. ນອກຈາກນີ້ກໍ່ໄດ້ໄປຢ້ຽມຢາມ ແລະ ໂອ້ລົມ ຈຸດສຸມລະໂກ, ກອງຮ້ອຍທະຫານຊາຍແດນ 321, , ຈຸດສຸມຈຽງຕູບ, ຢ້ຽມຊົມ ຫຼັກໝາຍຊາຍແດນ 597, 591, 584, ນ້ຳຕົກຕາດສະແລນ ແລະ ນໍ້ຳຕົກຕາດສະວີ; ໂອກາດດຽວກັນກໍ່ໄດ້ຮັບຟັງຄຳສະເໜີ ເຖິງຂໍ້ສະດວກ, ຂໍ້ຫຍຸ້ງຍາກ  ແລະ ບັນຫາຕ່າງໆຂອງ ອຳນາດການປົກຄອງໃນແຕ່ລະເຂດຕະຫຼອດຮອດພໍໍ່ແມ່ປະຊາຊົນເປັນຕົ້ນ: ຕົວເລກລັດຖະກອນຄູອາສາສະໝັກທີ່ຈຸດສຸມຈຽງຕູບ, ບັນດາພື້ນຖານໂຄງລ່າງເຊັ່ນ: ໄຟຟ້າ, ຫົນທາງ, ນ້ໍຳກິນ, ນ້ຳໃຊ້…

ໃນການເຄື່ອນໄຫວໃນຄັ້ງນີ້ ທ່ານ ປະທານສະພາປະຊາຊົນແຂວງ ພ້ອມດ້ວຍການການນຳຂອງເມືອງກໍ່ໄດ້ມອບເຄື່ອງອຸປະກອນກິລາໃຫ້ພໍ່ແມ່ປະຊາຊົນບ້ານ ວັງກຸງ, ບ້ານນາຫົວນໍ້າ, ບ້ານອາຫໍ້, ຈຸດສຸມລະໂກ, ຈຸດສຸມຊຽງຕູບ, ກອງຮ້ອຍທະຫານຊາຍແດນ 321 ປະເພດ ບານເຕະ 10 ໜ່ວຍ, ກະຕໍ້ 05 ; ມອບ ຜ້າຮົ່ມ, ເຂົ້າສານ ມອບໃຫ້ ພໍ່ແມ່ປະຊາຊົນ ບ້ານຈຸດສຸມລະໂກ 320 ໂລ, ຜ້າຮົ່ມ 19 ຜືນ, ຈຸດສຸມຊຽງຕູບ ເຂົ້າສານ 380 ໂລ, ຜ້າຮົ່ມ 55 ຜືນ.