ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນ​ວັນ​ທີ 9 ສິງ​ຫາ 2022 ທ່ານ ບຸ​ນາ​ໂຮມ ເທດ​ທາ​ນີ ປະ​ທານ​ສະ​ພາ​ປະ​ຊາ​ຊົນ​ແຂວງ​ຊຽງ​ຂວາງ ພ້ອມ​ດ້ວຍ​ຄະ​ນະ ລົງ​ຊຸກ​ຍູ້​ວຽກງານຢູ​່ກອງ​ຮ້ອຍ​ຊາຍ​ແດນ 221 ແລະ ດ່ານ​ສາ​ກົນ​ນ້ຳ​ກັ່ນ ມີ​ບັນ​ດາ​ທ່ານ ສະ​ມາ​ຊິກ​ສະ​ພາ​ແຫ່ງ​ຊາດ​ ປະ​ຈຳ​ເຂດ​ເລືອກ​ຕັ້ງ, ສະ​ມາ​ຊິກ​ສະ​ພາ​ປ​ະ​ຊາ​ຊົນ​ແຂວງ ປະ​ຈຳ​ເມືອງ​ໜອງ​ແຮດ, ຄະ​ນະ​ເລ​ຂາ​ທິ​ການ, ກຳ​ລັງ​ຂອງກອງ​ຮ້ອຍ​ຊາ​ຍ​ແດນ 221 ແລະ ພະ​ນັກ​ງານ​ປະ​ຈຳ​ດ່ານ​ສາ​ກົນ​ນ້ຳ​ກັນ​ເຂົ້າ​ຮ່ວມ.              ໃນ​ໂອ​ກາດ​ລົງ​ຕິດ​ຕາມ ແລະ ຊຸກ​ຍູ້​ວຽກ​ງານນີ້ ຍັງ​ໄດ້​ຮັບ​ຟັງ​ການ​ລາຍ​ງານ​ຂອງ​ທ່ານ ຮອ ກູ້​ຢ່າ ລີ​ຝູງ ຫົວ​ໜ້າ​ກອງ​ຮ້ອຍ​ຊາຍ​ແດນ 221 ກ່ຽວ​ກັບ​ການ​ຈັດ​ຕັ້ງ​ປະ​ຕິ​ບັດ​ພາ​ລະ​ບົດ​ບາດ, ສິດ ແລະ ໜ້າ​ທີ ​ເປັນ​ກຳ​ລັງ​ຕົ້ນໃນ​ການຄຸ້ມ​ຄອງ, ປົກ​ປັກ​ຮັກ​ສາ​ເສັ້ນ​ຊາຍ​ແດນ, ຫຼັກ​ໝາຍ​ຊາຍ​ແດນ​ແຫ່ງ​ຊາດ, ເຄື່ອງ​ໝາຍ​ຊີ້ບອກ​ເສັ້ນ​ຊາຍ​ແດນ, ເຂດ​ຫວງ​ຫ້າມ, ບັນ​ດາ​ແຫ່ງ​ຊັບ​ພະ​ຍາ​ກອນ​ທຳ​ມະ​ຊາດ ສິ່ງ​ແວດ​ລ້ອມ ເປັນ​ກຳ​ລັງ​ຈັ້ງ​ທ່າ​ຢູ່​ດ້ານ​ໜ້າ ເພື່ອ​ສ້າງ​ເງື່ອນ​ໄຂ​ໃຫ້​ກຳ​ລັງ​ທ້ອງ​ຖິ່ນ ແລະ ໄດ້​ຮັບ​ຟັງ​ການ​ລາຍ​ງານ​ຂອງ​ທ່ານ ພັ​ທ ແພງວັນ ເພັດ​ວົງ​ກົດ ຫົວ​ໜ້າ​ດ່ານ​ສາ​ກົນ​ນ້ຳ​ກັ່ນ ກ່ຽວ​ກັບ​ການ​ເຄື່ອ​ໄຫວ​ວຽກ​ງານ ໃນ​ໄລ​ຍະ​ຜ່ານ​ມາເປັນ​ຕົ້ນ​ແມ່ນ ເອົາ​ໃຈ​ໃສ່​ກວດ​ກາ​ຄົນ, ພາ​ຫະ​ນ​ະ, ສິນ​ຄ້າ​ເຂົ້າ-ອອກ​ໃຫ້​ຖືກ​ຕ້ອງ​ຕາມ​ລະ​ບຽບ​ການ, ໄດ້​ສົບ​ທົບ​ກັບ​ເຈົ້າ​ໜ້າ​ທີ ພາກ​ສ່ວນ​ກ່ຽວ​ຂ້ອງ ຕິດ​ຕາ​ມກວດ​ກາບຸກ​ຄົນ ແລະ ກຸ່ມ​ຄົນ​ທີ່​ບໍ່​ຫວັງ​ດີ, ພ້​ອມ​ກັນ​ເປັນ​ເຈົ້າ​ການ ໃນ​ການ​ປະ​ຕິ​ບັດ​ໜ້າ​ທີ່​ວຽກ​ງານ​ຂອງ​ຕົນ.

ໃນ​ຕອນ​ທ້າຍທ່ານ ບຸນ​ໂຮມ​ ເທດທາ​ນີ ຍັງ​ໄດ້​ໂອ​ລົມຕໍ່​ກັບ​ພະ​ນັກ​ງານ ໃຫ້​ທຸກ​ທ່ານ​ຈົ່ງ​ພ້ອມ​ກັນ​ເອົາ​ໃຈ​ໃສ່​ປະ​ຕິ​ບັດ​ໜ້າ​ທີ່​ວຽກ​ງານດ້ວຍ​ຄວາມ​ຮັບ​ຜິດ​ຊອບ​ສູງ ຮັບ​ປະ​ກັນ​ໃຫ້​ມີ​ຄວາມ​ເປັນ​ລະ​ບຽບ​ຮຽບ​ຮ້ອຍ, ຖືກ​ຕ້ອງ​ສອດ​ຄອງ​ກັບ​ລະ​ບຽບ​ກົດ​ໝາຍ ແລະ ບັນ​ຫາ​ທີ່​ຍັງ​ມີ​ຄວາມ​ຫ​ຍຸງ​ຍາກ ທີ່​ກ່ຽວ​ຂ້ອງ​ກັບ​ຂັ້ນ​ເທິງ​ແມ່ນ​ຈະ​ນຳ​ໄປ​ພິ​ຈາ​ລະ​ນາ, ແກ້​ໄຂໃຫ້​ທວງ​ທັນ​ກັບ​ເວ​ລາ, ​ແທດ​ເ​ໝາະຕາມ​ສະ​ພາບ​ຄວາມ​ເປັນ​ຈິງ. ໃນ​ໂອ​ກາດ​ດັ່ງ​ກ່າວ​ຍັງ​ໄດ້​ນຳ​ເອົາ​ເຄື່ອງ​ຊ່ວຍ​ເຫຼືອ​ມີ ເກີບ, ແຈວ​ລ້າງ​ມື້, ຜ້າ​ປິດ​ປາກ ມອບ​ໃຫ້​ກອງ​ຮ້ອຍ​ຊາຍ​ແດນ ແລະ ຄອມ​ພີວ​ເຕີໂນດ​ບຸກ 1 ໜ່ວຍ, ໂທ​ລະ​ໂຄງ 1 ຊຸດ ມອບ​ໃຫ້​ດ່ານ​ສາ​ກົນ​ນ້ຳ​ກັ່ນ ລວມ​ມູນ​ຄ່າ 19 ລ້ານ​ກວ່າ​ກີບ ເພື່ອ​ປະ​ກອບ​ສ່ວນ​ເຂົ້າ​ໃນ​ວຽກ​ງານ​ຂອງ​ສອງ​ພາກ​ສ່ວນ.

ສະ​ພາ​ປະ​ຊາ​ຊົນ​ແຂວງ​ຊຽງ​ຂວາງ

ຂ່າວ​ໂດຍ: ທ. ບຸນ​ສີ ສິດ​ທິ​ເດດ