ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນລະຫວ່າງວັນທີ 23-24 ມີນາ 2022 ນີ້, ທ່ານ ປອ ລີເບີ ລີບົວປາວ ກໍາມະການສູນກາງພັກ, ປະທານກໍາມາທິການແຜນການ, ການເງິນ ແລະ ການກວດສອບ ສົມທົບກັບ ທ່ານ ສາຍທອງ ໄຊຍະວົງ ຮອງເລຂາພັກແຂວງ, ປະທານສະພາປະຊາຊົນແຂວງຈໍາປາສັກ ພ້ອມຄະນະ ສືບຕໍ່ລົງເຄື່ອນໄຫວເຄື່ອນໄຫວຢ້ຽມຢາມເຂດເສດຖະກິດພິເສດນິຄົມອຸສະຫະກໍາ ປາກເຊ-ຢີປຸ່ນ ເອັສເອັມອີ ແລະ ໂຄງການການກໍ່ເສັ້ນທາງຍຸດທະສາດຊາຍແດນ (ເຂດ ບ້ານໂນນດິນຊາຍ ຫາ ບ້ານອ່າງຄໍາ) ຢູ່ແຂວງຈໍາປາສັກ.

ການເຄື່ອນໄຫວ, ໄດ້ຮັບຟັງການລາຍງານຫຍໍ້ຈາກທັງ 2 ພາກສ່ວນ, ກ່ຽວກັບການຈັດຕັ້ງປະຕິບັດວຽກງານ ແລະ ທິດທາງແຜນການ, ຂໍ້ສະດວກ ແລະ ຂໍ້ຫຍຸ້ງຍາກ. ຢ້ຽມຊົມຜະລິດຕະພັນທີ່ເປັນສິນຄ້າສົ່ງອອກໂດຍສະເພາະ ຂອງນິຄົມອຸສະຫະກໍາ ປາກເຊ-ຢີປຸ່ນ ແລະ ລົງກວດການເບິ່ງຕົວຈິງໂຄງການການກໍ່ເສັ້ນທາງຍຸດທະສາດຊາຍແດນ (ເຂດ ບ້ານໂນນດິນຊາຍ ຫາ ບ້ານອ່າງຄໍາ). ເຊິ່ງສາມາດເຫັນໄດ້ສະພາບລວມ ແລະ ເກັບກໍາຂໍ້ມູນທີ່ສໍາຄັນ ທີ່ສອດຄ່ອງກັບຈຸດປະສົງ ແລະ ລະດັບຄາດໝາຍຂອງການລົງເຄື່ອນໄຫວ.

(ພາບ-ຂ່າວ: ສົມວິຈິດ ໄຊມົນຕີ)