ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

(ສພຊ) ວັນທີ 23 ສິງຫາ 2022 ທ່ານ ຮສ. ປອ. ລິນຄຳ ດວງສະຫວັນ ກຳມະການສຳຮອງສູນກາງພັກ, ປະ ທານກຳມາທິການເສດຖະກິດ, ເຕັກໂນໂລຊີ ແລະ ສິ່ງ ແວດລ້ອມ ສະພາແຫ່ງຊາດ ທັງເປັນສະມາຊິກສະພາແຫ່ງ ຊາດ ປະຈຳເຂດເລືອກຕັ້ງທີ 1 ນະຄອນຫຼວງວຽງຈັນ ພ້ອມດ້ວຍຄະນະ ໄດ້ລົງພົບປະຜູ້ມີສິດເລືອກຕັ້ງ ແລະ ເຜີຍແຜ່ຜົນສຳເລັດຂອງກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ IX ແລະ ກອງປະຊຸມສະໄໝສາມັນເທື່ອທີ 3 ຂອງສະພາປະຊາຊົນນະຄອນຫຼວງ ຊຸດທີ II ຢູ່ 3 ບ້ານຄື: ໂພນເຄັງ, ທາດຫຼວງເໜືອ ແລະ ວຽງຈະ ເລີນ ທີ່ສະໂມສອນຫ້ອງການບ້ານ ບ້ານວຽງຈະເລີນ ໂດຍມີອໍານາດການປົກຄອງເມືອງໄຊເສດຖາ, ຄະນະບ້ານ ແລະ ພໍ່ແມ່ປະຊາຊົນທັງ 3 ບ້ານເຂົ້າຮ່ວມ.
ໂອກາດດັ່ງກ່າວ ຄະນະຜູ້​ແທນ ໄດ້ເຜີຍ​ແຜ່ຜົນ​ຂອງກອງ​ປະ​ຊຸມ ປະ​ກອບ​ມີ ບັນດາມະຕິ, ກົດໝາຍ ແລະ ເນື້ອໃນບົດລາຍງານຕ່າງໆ ທີ່ນຳເຂົ້າພິຈາລະນາ ແລະ ຮັບຮອງເອົາຢູ່ໃນກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ IX ແລະ ບັນດາເນື້ອໃນເອ​ກະ​ສານ ບົດລາຍງານຕ່າງໆ ທີ່ນຳເຂົ້າພິຈາລະນາ ແລະ ຮັບຮອງເອົາຢູ່ໃນກອງປະຊຸມສະໄໝສາມັນເທື່ອທີ 3 ຂອງສະພາປະຊາ ຊົນນະຄອນຫຼວງ ຊຸດທີ II; ຈາກນັ້ນ, ຜູ້ເຂົ້າຮ່ວມກອງປະ ຊຸມ ກໍໄດ້ມີການແລກປ່ຽນຄຳຄິດເຫັນ ແລະ ຮັບຄຳສະເໜີຈາກຜູ້​ມີ​ສິດ​ເລືອກ​ຕັ້ງ ແລະ ພາກສ່ວນກ່ຽວຂ້ອງ.
(ພາບ ແລະ ຂ່າວ: ປອ. ຄໍາພູ ຜຸຍຍະວົງ)