(ສພຊ) ໃນຕອນເຊົ້າວັນທີ 8 ພຶດສະພາ 2023, ທ່ານ ຮສ. ປອ. ລິນຄໍາ ດວງສະຫວັນ ກໍາມະການສໍາຮອງສູນກາງພັກ, ກຳມະການຄະນະປະຈໍາສະພາແຫ່ງຊາດ, ປະທານກໍາມາທິການເສດຖະກິດ ເຕັກໂນໂລຊີ ແລະ ສິ່ງແວດລ້ອມ ພ້ອມດ້ວຍຄະນະ ໄດ້ເຄື່ອນໄຫວຕິດຕາມກວດກາ ແລະ ຊຸກຍູ້ການຈັດຕັ້ງປະຕິບັດວຽກງານຂົງເຂດເສດຖະກິດ ຢູ່ແຂວງຈໍາປາສັກ ຕາງໜ້າຄະນະນຳຂອງແຂວງຈໍາປາສັກ ໃຫ້ການຕ້ອນຮັບຄະນະໂດຍທ່ານ ສາຍທອງ ໄຊຍະວົງ ຮອງເລຂາພັກແຂວງ, ປະທານສະພາປະຊາຊົນແຂວງ ທັງເປັນປະທານຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 15 ແຂວງຈໍາປາສັກ ເຊິ່ງຄະນະໄດ້ຮັບຟັງການລາຍງານກ່ຽວກັບການຈັດຕັ້ງປະຕິບັດວຽກງານ ການສົ່ງເສີມການຜະລິດກະສິກໍາ, ການຄຸ້ມຄອງການນໍາເຂົ້າສິນຄ້າ, ການຄຸ້ມຄອງລາຄາສິນຄ້າ ແລະ ການຟື້ນຟູປ່າໄມ້ ຢູ່ແຂວງຈໍາປາສັກ ຈາກພະແນກການ ແລະ ພາກສ່ວນທີ່ກ່ຽວຂ້ອງຂອງແຂວງ. ຈາກນັ້ນ, ຄະນະ ກໍໄດ້ເຄື່ອນໄຫວຢ້ຽມຢາມ ດ່ານສາກົນວັງເຕົ່າ, ເຂດພັດທະນາທ່າບົກວັງເຕົ່າ ແລະ ເຂດພື້ນຖານໂຄງລ່າງຜະລິດກະສິກຳເປັນສິນຄ້າ ຢູ່ເມືອງປາກຊ່ອງ.

(ກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ)