ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

       ຜົນງານທີ່ພົ້ນເດັ່ນ ໃນປີ 2021 ຜ່ານມາ ຂອງ ສປຈີນ ໃນຄຳເຫັນສ່ວນຕົວແມ່ນສະແດງອອກໃນ 3 ດ້ານຄື:

      1. ແກ້ໄຂໄດ້ການແຜ່ລະບາດຂອງພະຍາດໂຄວິດ-19 ຢູ່ພາຍໃນປະເທດຈີນ ພ້ອມໄດ້ມອບວັກຊີນປ້ອງກັນພະຍາດໂຄວິດ-19 ໃຫ້ທົ່ວໂລກຕື່ມອີກເກືອບ2 ຕື້ໂດສ;

      2. ເປັນເຈົ້າການໃນການປົກປັກຮັກສາສັນຕິພາບໂລກ ດ້ວຍການຊູນະໂຍບາຍປະຕິບັດລັດທິຫລາຍຝ່າຍ ແລະ ຕ່າງຝ່າຍຕ່າງໄດ້ຮັບຜົນປະໂຫຍດ;

      3. ປະເທດຈີນປະສົບຜົນສຳເລັດໃນການເປີດປະຕູສູ່ໂລກພາຍນອກ ແລະຍຸດທະສາດໜຶ່ງແລວໜຶ່ງເສັ້ນທາງຂອງ ສປຈີນ ໄດ້ຮັບຜົນສຳເລັດ ເຊິ່ງມີ 100າປະເທດໃຫ້ການຮ່ວມມື ແລະ ເຂົ້າຮ່ວມ. ພິເສດ ສປປລາວ ດ້ຮັບຜົນປະໂຫຍດຫຼາຍທີ່ສຸດຈາກໂຄງການດັ່ງກ່າວ, ພາຍຫລັງເສັ້ນທາງລົດໄຟລາວຈີນ ໄດ້ເປີດນຳໃຊ້ນັບແຕ່ວັນທີ 3 ທັນວາ 2021 ເປັນຕົ້ນມາ.

      ສະຫາຍ ສັນຍາ ປຣະເສີດ ໄດ້ໃຫ້ສຳພາດກ່ຽວກັບທັດສະນະ ແລະ ຄຳຄິດຄຳເຫັນຕໍ່ກອງປະຊຸມສະພາປະຊາຊົນຈີນ ແລະ ກອງປະຊຸມສະພາປຶກສາການເມືອງປະຊາຊົນຈີນ (ກອງປະຊຸມສອງສະພາ) ຄັ້ງທີ 5 ສະໄໝທີ 13 ໃນຕອນເຊົ້າຂອງວັນທີ 9 ມີນາ 2022 ຢູ່ທີ່ສະພາແຫ່ງຊາດ ນະຄອນຫລວງວຽງຈັນ.

      ພ້ອມນັ້ນ, ສະຫາຍ ຍັງໄດ້ໃຫ້ຄຳຄິດຄຳເຫັນຕືມອີກວ່າ: ໃນປີ 2022 ສປຈີນ ອາດຈະມີການພັດທະນາໃນຂົງເຂດວຽກງານຕ່າງໆ ຂ້າພະເຈົ້າເຫັນດີເປັນເອກະພາບກັບການລາຍງານຂອງສະຫາຍ ຫຼີ້ ເຄີ້ ສຽງ ນາຍົກລັດຖະມົນຕີຈີນ ທີ່ໄດ້ສະເໜີເປົ້າໝາຍຕົ້ນຕໍໃນການພັດທະນາຂອງຈີນ ໃນປີ2022; ໃນນັ້ນ, ໜຶ່ງ: ລວມຍອດຜະລິດຕະພັນພາຍໃນ ຫລື GDP ຂອງຈີນຈະໃຫ້ເຕີບໂຕປະມານ 5,5%. ສອງ: ຜູ້ປະກອບອາຊີບໃນຕົວເມືອງໃຫ້ມີຈຳນວນເພີ່ມຂຶ້ນຫລາຍກ 110 ລ້ານຄົນ; ສາມ: ອັດຕາຫວ່າງງານໃນຕົວເມືອງບໍ່ໃຫ້ກາຍ 5,5%; ສີ່: ລາຄາເຄື່ອງອຸປະໂພກບໍລິໂພກ ຂອງປະຊາຊົນເພີ່ມຂຶ້ນປະມານ 3%; ຫ້າ: ການເຕີບໂຕຂອງລາຍຮັບປະຊາຊົນ ແລະເສດຖະກິດ ໃຫ້ເປັນຈັງຫວະດຽວໂດຍພື້ນຖານ; ຫົກ: ຮັບປະກັນຄວາມໝັ້ນທ່ຽງ ແລະ ຍົກສູງຄຸນນະພາບດ້ານການສົ່ງອອກ ແລະ ນຳເຂົ້າ, ລາຍຮັບ ແລະລາຍຈ່າຍສາກົນ ມີຄວາມດຸນດ່ຽງໂດຍພື້ນຖານ; ເຈັດ: ຜົນຜະລິດທັນຍາຫານໃຫ້ບັນລຸຫລາຍກ່ວາ 650 ຕື້ກິໂລກຣາມ ແລະ ແປດ: ຄຸນນະພາບຂອງສະພາບແວດລ້ອມທຳມະຊາດສືບຕໍ່ໃຫ້ດີກາເກົ່າ ແລະ ຍອດປະລິມານລະບາຍມົນລະພິດໃຫ້ໜ້ອຍລົງ.

   (ພາບ ແລະ ຂ່າວ: ນາງ ໄຊໂສພາພອນ ມິ່ງມຸງຄຸນ)