ສະຫາຍ ນາງ ມະນີວັນ ເຢຍປາວເຮີ ຄະນະບໍລິຫານງານສູນກາງສະຫະພັນແມ່ຍິງລາວ, ປະທານສະຫະພັນແມ່ຍິງສະພາແຫ່ງຊາດ ໄດ້ໃຫ້ສໍາພາດເນື່ອງໃນໂອກາດການສະເຫຼີມສະຫຼອງ ວັນສ້າງຕັ້ງສະຫະພັນແມ່ຍິງລາວ ຄົບຮອບ 67 ປີ (20 ກໍລະກົດ 1955-20 ກໍລະກົດ 2022) ວ່າ: ມີຄວາມພາກພູມໃຈເປັນຢ່າງຍິ່ງ ແລະ ຂໍສະແດງຄວາມຮູ້ບຸນຄຸນຢ່າງລົ້ນເຫຼືອຕໍ່ການນໍາພາຂອງພັກປະຊາຊົນປະຕິວັດລາວ, ສະພາແຫ່ງຊາດ, ລັດຖະບານ, ຄະນະພັກແຕ່ລະຂັ້ນ ເຊິ່ງຍາມໃດກໍໄດ້ມີນະໂຍບາຍ,  ໃຫ້ຄວາມເອົາໃຈໃສ່ຊີ້ນໍາ-ນໍາພາ ແລະ ສ້າງເງື່ອນໄຂອໍານວຍຄວາມສະດວກ, ພັດທະນາແມ່ຍິງລາວບັນດາເຜົ່າ, ມີຄວາມສະເໝີພາບຍິງ-ຊາຍ ແລະ ຖືແມ່ຍິງເປັນພາກສ່ວນໜຶ່ງໃນກໍາລັງແຮງປະກອບ ສ່ວນໃນວຽກງານສໍາຄັນຂອງພັກ ແລະ ລັດ  ທາງດ້ານການເມືອງ, ເສດຖະກິດ, ວັດທະນະທໍາ-ສັງຄົມ. ພັກ ໄດ້ມີການຊີ້ນໍາ-ນໍາພາ ໃຫ້ແມ່ຍິງລາວ ໄດ້ມີສອງວັນປະຫວັດສາດຂອງຕົນນັ້ນກໍຄື ວັນທີ 8 ມີນາ ວັນແມ່ຍິງສາກົນ ແລະ ວັນທີ 20 ກໍລະກົດ ເຊິ່ງເປັນວັນສ້າງຕັ້ງອົງການຈັດຕັ້ງສະຫະພັນແມ່ຍິງລາວ. ໃນຕະຫຼອດໄລຍະ 67 ປີຜ່ານມາ ພັກ ແລະ ລັດ ໄດ້ເອົາໃຈໃສ່ສ້າງເງື່ອນໄຂ ແລະ ຈັດຕັ້ງການສະເຫຼີມສະຫຼອງ, ສ້າງກິດຈະກໍາຕ່າງໆ ເພື່ອປູກຈິດສໍານຶກ ໃນສອງວັນປະຫວັດສາດດັ່ງກ່າວ ເປັນຂະບວນການຟົດຟື້ນໃນທົ່ວປະເທດ.

ເນື່ອງໃນໂອກາດຂໍ່ານັບຮັບຕ້ອນ ແລະ ສະເຫຼີມສະຫຼອງ ວັນສ້າງຕັ້ງອົງການຈັດຕັ້ງສະຫະພັນແມ່ຍິງລາວ ວັນທີ 20 ກໍລະກົດ ຄົບຮອບ 67 ປີ ໃນປີນີ້ ສູນກາງສະຫະພັນແມ່ຍິງລາວ ກໍຄືສະຫະພັນແມ່ຍິງບັນດາກະຊວງ,​ອົງການ​ກໍ່ໄດ້ມີການເຄື່ອນໄຫວຫລາຍກິດຈະກຳ ເປັນຕົ້ນ ຈັດຕັ້ງການປາຖະກະຖາປະຫວັດຄວາມເປັນມາຂອງອົງການສະຫະພັນແມ່ຍິງລາວ ແລະມູນເຊື້ອອັນດີງາມຂອງແມ່ຍິງລາວບັນດາເຜົ່າ,​ ຈັດກອງປະຊຸມສຳມະນາໃນຫົວຂໍ້ຕ່າງໆ,​ ກາບໍລິຈາກເລືອດ,​ການຢ້ຽມຊົມຫໍມູນເຊື້ອແມ່ຍິງລາວ ແລະອື່ນໆຕາມສະພາບ​ ເງື່ອນໄຂຕົວຈິງ ຂອງຕົນ,.​

ສຳລັບສະຫະພັນແມ່ຍິງສະພາແຫ່ງຊາດ ໃນໜຶ່ງປີຜ່ານມາ ກໍໄດ້ເອົາໃຈໃສ່ຈັດຕັ້ງຜັນຂະຫຍາຍ ມະຕິກອງປະຊຸມໃຫຍ່ ຜູ້ແທນແມ່ຍິງລາວທົ່ວປະເທດ ຄັ້ງທີ VIII, ມະຕິກອງປະຊຸມໃຫຍ່ ຄັ້ງທີ IV ຂອງອົງຄະນະພັກສະພາແຫ່ງຊາດ ແລະ ມະຕິກອງປະຊຸມໃຫຍ່ ຄັ້ງທີ V  ຂອງສະຫະພັນແມ່ຍິງສະພາແຫ່ງຊາດ​ແລະຈັດຕັ້ງປະຕິບັດ ຂໍ້ແຂ່ງຂັນ 3 ດີ ຂອງສູນກາງສະຫະພັນແມ່ຍິງລາວ ຕິດພັນກັບການປະຕິບັດຂໍ້ແຂ່ງຂັນຮັກຊາດ ແລະ ຄໍາຂວັນ​ວັນແມ່ຍິງລາວ ປີ 2022  “ພັດທະນາຄວາມສະເໝີພາບຍິງ-ຊາຍ ຕິດພັນກັບການພັດທະນາປະເທດຊາດ” ຢ່າງຕັ້ງໜ້າເຊິ່ງມີຜົນສໍາເລັດພົ້ນເດັ່ນໃນຫຼາຍດ້ານ​ເປັນຕົ້ນ:

        _ ເອົາໃຈໃສ່ສຶກສາອົບຮົມການເມືອງ-ແນວຄິດ ສະມາຊິກສະຫະພັນແມ່ ຍິງດ້ວຍຫຼາຍຮູບການ ທີ່ສອດຄ່ອງກັບຈຸດພິເສດຂອງ​ສະ​ພາ​ແຫ່ງ​ຊາດ ໄດ້ຈັດຕັ້ງ​ແລະ​ຊຸກຍູ້ໃຫ້ເຂົ້າຮ່ວມເຊື່ອມເອກະສານສຳຄັນຂອງພັກ ຂອງຊາດ, ມະຕິກອງປະຊຸມໃຫຍ່ ຄັ້ງທີ IV ຂອງອົງຄະນະພັກສະພາແຫ່ງຊາດ, ຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດ ຄັ້ງທີ VIII ແລະ ມະຕິກອງປະຊຸມໃຫຍ່ ຄັ້ງທີ V ຂອງສະຫະພັນແມ່ຍິງສະພາແຫ່ງຊາດ​ກໍ່ຄືຄຸນລັກສະນະທີ່ເປັນມູນເຊື້ອຂອງແມ່ຍິງບັນດາເຜົ່າ, ຮີດຄອງປະເພນີອັນດີງາມຂອງຊາດ, ຮ່ຳຮຽນເອົາຄຸນສົມບັດສິນທຳປະຕິວັດອັນດີງາມຂອງພະນັກງານປະຕິວັດອາວຸໂສ​ແລະການນຳ,​ ປະຕິບັດກົດໝາຍຂອງລັດ ແລະ ກົດລະບຽບຂອງສະຫະພັນແມ່ຍິງລາວຢ່າງເຂັ້ມງວດ.

ສືບຕໍ່ປັບປຸງການ​ຈັດ​ຕັ້ງ  ແລະ ລະບອບແບບແຜນວິທີເຮັດວຽກຂອງຄະນະບໍລິຫານງານສະຫະພັນແມ່ຍິງ

ສະມາຊິກສະຫະພັນແມ່ຍິງສະພາແຫ່ງຊາດ​ແລະໜ່ວຍຮາກຖານ ໃຫ້ສອດຄ່ອງກັບກົງຈັກການຈັດຕັ້ງຂອງສະພາແຫ່ງຊາດ ຊຸດທີ IX ເຮັດໃຫ້ການເຄື່ອນໄຫວທີ່ຄ່ອງຕົວ ແລະ ມີຄຸນນະພາບ; ຄະນະສະຫະພັນແມ່ຍິງ ໄດ້ ຮ່ວມກັບຄອບຄົວຄະນະປະຈໍາສະພາແຫ່ງຊາດ ສ້າງຕັ້ງກອງທຶນຊ່ວຍເຫຼືອສັງຄົມຂອງສະພາແຫ່ງຊາດ ແລະ ໄດ້ແຕ່ງຕັ້ງກອງເລຂາຊ່ວຍວຽກ ພ້ອມທັງຄົ້ນຄວ້າສ້າງນິຕິກຳຈຳນວນໜື່ງເປັນບ່ອງອີງໃຫ້ແກການເຄື່ອນໄຫວຂອງສະຫະພັນແມ່ຍິງສະພາແຫ່ງຊາດ.

ເຂົ້າຮ່ວມໃນການກໍ່ສ້າງພະນັກງານເພດຍິງ ແລະ ສະມາຊິກສະຫະພັນແມ່ຍິງເປັນຕົ້ນ: ປະສານສົມທົບ ແລະ ​ສະ​ເໜີຄະນະພັກແຕ່ລະຂັ້ນ ໃນການບຳລຸງສ້າງພະນັກງານເພດຍິງ ຫຼື ການບັນຈຸສັບຊ້ອນຈັດວາງພະນັກງານ-ລັດຖະກອນເພດຍິງ ເຂົ້າໃນຕຳແໜ່ງງານຕ່າງໆ ​ເຊິ່ງ​ຜ່ານ​ມາ​ສະມາຊິກແມ່​ຍິງກໍໄດ້ຮັບນະໂຍບາຍເລື່ອນຊັ້ນ ຂັ້ນຕຳແໜ່ງ ແລະ ໄດ້​ຮັບການຍົກລະດັບທາງດ້ານທິດສະດີ, ວິຊາສະເພາະ, ພາ​ສາ​ຕ່າງ​ປະ​ເທດ ແລະ ເຝິກອົບຮົມວຽກງານ​ດ້ານ​ຕ່າງໆ ທັງພາຍໃນ ແລະ ຕ່າງປະເທດ ຄື: ໄດ້​ຍົກ​ລະ​ດັບ​ທາງ​ດ້ານທິດສະດີການເມືອງ-ການປົກຄອງ ລະ​ດັບປະລິນຍາໂທ 1 ສະຫາຍ, ຊັ້ນສູງ 2 ສະ​ຫາຍ,  45 ວັນ 13 ສະຫາຍ, ຮຽນຕໍ່ຕ່າງປະເທດ ປະລິນຍາເອກ 1 ສະ​ຫາຍ, ປະລິນຍາໂທ 5 ສະ​ຫາຍ, ຍົກ​ລະ​ດັບພາ​ສາ​ຕ່າງ​ປະ​ເທດ 12 ສະ​ຫາຍ; ພ້ອມກັນນີ້ ມີຫຼາຍສະຫາຍໄດ້ເຂົ້າຮ່ວມເຝິກອົບຮົມໃນຫົວຂໍ້ຕ່າງໆ ທີ່ຂະແໜງການກ່ຽວຂ້ອງຈັດຂຶ້ນ.

ເອົາໃຈໃສ່ປະຕິບັດນະໂຍບາຍຕໍ່ສະມາຊິກໃນເວລາເຈັບເປັນ, ເກີດລູກ, ຫຼຸລູກ, ເສຍຊີວິດ ແລະ ອື່ນໆ​ດ້ວຍການຈັດຕັ້ງການໄປຢ້ຽມຢາມຖາມຂ່າວ, ອວຍພອນແມ່ປ້ານ້າອາພະນັກງານອາວຸໂສບຳນານເນື່ອງໃນໂອກາດວັນແມ່ຍິງສາກົນ ລວມມີ 5 ຄັ້ງ, 5 ເທື່ອຄົນ.

ເອົາໃຈໃສ່ຈັດຕັ້ງປະ​ຕິ​ບັດຂໍ້ແຂ່ງ​ຂັນ 3 ດີ ຕິດພັນກັບຂະບວນການຮັກ​ຊາດ​ພັດ​ທະ​ນາ ແລະ ​ວຽກງານ​ວິ​ຊາ​ສະ​ເພາະ​ ເຊິ່ງຜ່ານການເຄື່ອນໄຫວ​ສະມາຊິກແມ່ຍິງ ​ໄດ້ຮັບການຍ້ອງຍໍ, ຊົມເຊີຍ ​ຈາກ​ຄະ​ນະ​ພັກ, ຄະ​ນະ​ປະ​ຈຳ​ສະ​ພາ​ແຫ່ງ​ຊາດ, ອັນ​ທີ່​ພົ້ນ​ເດັ່ນ​ຜ່ານການສະຫລຸບຕີລາຄາການຈັດຕັ້ງປະຕິບັດ ຂໍ້ແຂ່ງຂັນ 3ີ ດີ ​ ໄດ້​ຮັບທຸງ​ໄຊ​ 3 ດີ, ໜ່ວຍຮາກຖານ ດີ​ມີ 12 ໜ່ວຍຮາກຖານ ແລະ ໄດ້ຮັບຊົມເຊີຍ ມີ 4 ໜ່ວຍ ຮາກຖານ,​ສະມາຊິກ​ສະຫະພັນ​ແມ່ຍິງເຂົ້າ​ຮ່ວມ​ແຂ່ງຂັນ ຈຳນວນ 164 ສະຫາຍ, ​ສາມາດ​​ເລືອກ​ໄດ້​ສະມາ​ຊິກ​ສະຫະພັນ​ແມ່ຍິງ​ເປັນ​ບຸກຄົນ 3 ດີ ປະ​ເພດ I ​ໄດ້ 146 ສະຫາຍ; ບຸກຄົນ 3 ດີ ປະເພດ II ​ໄດ້ 8 ສະຫາຍ.

         ເອົໃຈໃສ່ວຽກງານປົກປ້ອງສິດ, ຜົນປະໂຫຍດຂອງສະມາຊິກສະຫະພັນ​ແມ່ຍິງ,​ ໄດ້ເຂົ້າຮ່ວມຄົ້ນຄວ້າການທາບທາມເປົ້າໝາຍ ​ເຂົ້າສະໝັກໃນຄະນະບໍລິຫານງານສູນກາງສະຫະພັນແມ່ຍິງລາວສະໄໝທີ VIII, ຄະນະພັກສະພາແຫ່ງຊາດສະໄໝທີ IV ແລະ ຄະນະໜ່ວຍພັກຮາກຖານ ສະພາແຫ່ງຊາດ, ເຂົ້າຮ່ວມຄົ້ນຄວ້າພະນັກງານນໍາພາ-ຄຸ້ມຄອງຕໍາແໜ່ງບໍລິຫານປະເພດຕ່າງໆຂອງສະພາແຫ່ງຊາດ, ຄົ້ນຄວ້າ ແລະ ປະກອບຄຳເຫັນຕໍ່ມະຫາຊົນກ້າວໜ້າ ທີ່ສະເໜີເຂົ້າເປັນສະມາຊິກພັກ ຫຼື ອົງການ​ຈັດ​ຕັ້ງ​ມະຫາຊົນ​ອື່ນ; ເອົາໃຈໃສ່ປົກປ້ອງສິດຜົນປະໂຫຍດຂອງແມ່ຍິງ ແລະ ເດັກນ້ອຍ ໂດຍສະເພາະການປະຕິບັດນະໂຍບາຍໃນເວລາເຈັບເປັນ, ເກີດລູກ ​ແລະ​ ນະ​ໂຍບາຍ​ອື່ນ ຕາມ​ທີ່​ໄດ້​ກໍານົດ​ໄວ້​ໃນ​ກົດໝາ​ຍ ​ແລະ ​ລະບຽບ​ການທີ່​ກ່ຽວຂ້ອງ.

           ນຳພາສ້າງຂະບວນການ: ໄດ້ນໍາພາ ໃນວັນສໍາຄັັນຕ່າງໆເປັນຂະບວນຟົດພື້ນ ເປັນຕົ້ນ​ ໃນໄລຍະມີການແຜ່ລະບາດພະຍາດໂຄວິດ 19​ ໄດ້ໄມອບເຄື່ອງຊ່ວຍເຫຼືອໃຫ້ຄົນພິການລວມມີ 2 ຄັ້ງ, ແຕ່ ງອາຫານ​ການກິນໄປໃຫ້ຄົນເຈັບຢູ່ໂຮງໝໍສູນກາງ ແລະໂຮງໝໍພາກສະໝາມ,​ ສູນກັກກັນບໍລິເວນ,​ ໄປມອບຄື່ອງອຸປະໂພກ-ບໍລິໂພກໃຫທະຫານຊາຍແດນ,​ ເປັນເຈົ້່ການລະດົມວັດຖຸ​ປັດໃຈ​ເຄື່ອງອຸປະກອນການແພດໄປແພດ​ໝໍ​ແລະ​ຊ່ວຍເຫຼືອສູນກັກກັນ ແລະ ຈໍາກັດບໍລິເວນ ພະຍາດໂຄວິດ-19,,  ແລະ ບັນດາແຂວງຕ່າງໆ ທີ່ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19 ແລະ ໄພທໍາມະຊາດ ພິເສດ ແຕ່ລະໜ່ວຍຮາກຖານເປັນເຈົ້າການຊ່ວຍເຫລືອສະມາຊິກຕົນທີ່ຕິດເຊື້ອພະຍາດໂຄວິດ19 ດ້ວຍການຕິດຕາມອາການ,​ສານຫາໂຮງໝໍ,​ຊື້ອາຫານການກິນໄປສົ່ງໃຫ້, ຈັດຕັ້ງອວຍພອນກໍາມາທິການ ປກຊ-ປກສ ເນື່ອງໃນໂອກາດວັນສ້າງຕັ້ງກອງທັບປະຊາຊົນປະຕິວັດລາວ,​ຈັດກິດຈະກໍາງານຕະຫຼາດນັດວາງສະແດງສິນຄ້າຜະລິດຕະພັນກະສິກໍາ ແລະ ຫັດຖະກໍາ​ ແລະ ຈັດຕັ້ງການສະເຫຼີມສະຫຼອງວັນເດັກນ້ອຍສາກົນ ແລະ ປູກຕົ້ນໄມ້ ຢູ່ສະພາແຫ່ງຊາດ ຢ່າງເປັນຂະບວນຟົດຟື້ນ; ພ້ອມກັນນີ້ ຍັງໄດ້ເຂົ້າຮ່ວມຂະບວນການບໍລິຈາກເລືອດ, ອະນາໄມ ອ້ອມຂ້າງາະພາແຫ່ງຊາດຊູຄແລະ ຂະບວນການອື່ນໆ .

ທ່ານຍັງໃຫ້ຮູ້ຕື່ມວ່າ: ເພື່ອສືບຕໍ່ສົ່ງເສີມຈຸດດີ ແລະ ບຸກບືນໃຫ້ມີການຫັນປ່ຽນທີ່ຕັ້ງໜ້າ  ທັງເປັນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິກອງປະຊຸມໃຫຍ່ແມ່ຍິງລາວທົວປະເທດ ຄັ້ງທີ່VIII,​ມະຕິກອງປະຊຸມໃຫ່ຍ,ຄັ້ງທີ IV ຂອງອົງຄະນະພັກສະພາແຫ່ງຊາດ, ມະຕິກອງປະຊຸມໃຫຍ່ ຄັ້ງທີ V  ຂອງສະຫະພັນແມ່ຍິງສະພາແຫ່ງຊາດ ແລະ ຮັບປະກັນໃຫ້ແກ່ການປະຕິບັດພາລະບົດບາດ, ສິດ ແລະ ໜ້າທີ່ຂອງສະມາຊິກສະຫະພັນແມ່ຍິງ ໃຫ້ມີການເຄື່ອນໄຫວຢ່າງມີຈຸດສຸມ ຈຶ່ງໄດ້ກໍານົດທິດທາງແຜນການເຄື່ອນໄຫວໃນປີ 2022 ດັ່ງນີ້:

1. ສືບຕໍ່ສຶກສາອົບຮົມການເມືອງ-ແນວຄິດ ໃຫ້ສະມາຊິກແມ່ຍິງມີຄຸນທາດການເມືອງໜັກແໜ້ນ, ມີຄຸນສົມບັດສິນທໍາປະຕິວັດ, ມີນໍ້າໃຈເສຍສະຫຼະ, ມີແບບແຜນດໍາລົງຊີວິດປອດໃສຂາວສະອາດ, ບຸກບືນພັດທະນາຕົນເອງ;
2. ຈັດຕັ້ງການເຊື່ອມຊຶມ, ເຜີຍແຜ່ແນວທາງນະໂຍບາຍ, ຄໍາສັ່ງ, ມະຕິຂອງພັກ, ຂອງຄະນະບໍລິຫານງານພັກສະພາແຫ່ງຊາດ, ມະຕິກອງປະຊຸມໃຫຍ່ແມ່ຍິງລາວທົ່ວປະເທດ ແລະ ມະຕິກອງປະຊຸມຄົບຄະນະບໍລິຫານງານສູນກາງສະຫະພັນແມ່ຍິງລາວ ແລະ ລະບຽບການຂອງສູນກາງສະຫະພັນແມ່ຍິງລາວ; ເຜີຍແຜ່ ຄໍາແນະນໍາກ່ຽວກັບການຈັດຕັ້ງປະຕິບັດຄໍາຂວັນ ຂໍ້ແຂ່ງຂັນ 3 ດີ ໃຫ້ແກ່ສະມາຊິກສະຫະພັນແມ່ຍິງໃຫ້ຮັບຮູ້, ເຂົ້າໃຈ ເພື່ອຮັບປະກັນໃຫ້ແກ່ການຈັດ ຕັ້ງປະຕິບັດກັບຂະບວນການ ຮັກຊາດ ແລະ ພັດທະນາ ພ້ອມທັງສະຫຼຸບປະເມີນການປະຕິບັດຂໍ້ແຂ່ງຂັນ 3 ດີ ໃນແຕ່ລະໄລຍະໃຫ້ຖືກຕ້ອງກັບຕົວຈິງ;
3. ເອົາໃຈໃສ່ເກັບກໍາຂໍ້ມູນ, ຜົນງານການເຄື່ອນໄຫວຂອງສະມາຊິກສະຫະພັນແມ່ຍິງ ເພື່ອນໍາສະເໜີຕໍ່ຄະນະພັກໃນການປະຕິບັດນະໂຍບາຍຍ້ອງຍໍສັນລະເສີນຢ່າງເໝາະສົມ, ສືບຕໍ່ປະຕິບັດນະໂຍບາຍໃຫ້ສະມາຊິກແມ່ຍິງ ຕາມເງື່ອນໄຂ ແລະ ຄວາມສາມາດຕົວຈິງໃນເວລາທີ່ມີຄວາມຫຍຸ້ງຍາກ, ເຈັບເປັນ, ເກີດລູກ, ເສຍຊີວິດ ແລະ ອື່ນໆ;
4. ເອົາໃຈໃສ່ເຕົ້າໂຮມຄວາມສາມັກຄີເອື້ອຍນ້ອງແມ່ຍິງ ໃຫ້ມີຄວາມໜັກແໜ້ນ, ມີຈິດໃຈຊ່ວຍເຫຼືອເພື່ອແຜ່ເຊິ່ງກັນ ແລະ ກັນ;
5. ສືບຕໍ່ສ້າງຂະບວນການຕ່າງໆໃຫ້ມີເນື້ອໃນໜັກແໜ້ນເປັນຂະບວນ ເຂົ້າຮ່ວມເຄື່ອນໄຫວກັບຄະນະກອງທຶນຊ່ວຍເຫຼືອສັງຄົມຂອງສະພາແຫ່ງຊາດ, ເຂົ້າຮ່ວມເຄື່ອນໄຫວຂະບວນການຕ່າງໆກັບຄະນະພັກ, ອົງການຈັດຕັ້ງມະຫາຊົນທີ່ເປັນພາຄີ ແລະ ສູນກາງສະຫະພັນແມ່ຍິງລາວຈັດຂຶ້ນ, ຊຸກຍູ້ໜ່ວຍຮາກຖານສ້າງຕັ້ງຄັງສະສົມຕົນເພື່ອຊ່ວຍສະມາຊິກພາຍໃນໜ່ວຍ.

ໂອກາດນີ້ ຂໍຕາງໜ້າໃຫ້ຄະນະບໍລິຫານງານສະຫະພັນແມ່ຍິງ, ສະມາຊິກສະຫະພັນແມ່ຍິງທົ່ວສະພາແຫ່ງຊາດ ຂໍຂອບໃຈມາຍັງຄະນະພັກ, ຄະນະປະຈໍາສະພາແຫ່ງຊາດ ທີ່ໄດ້ເອົາໃຈໃສ່ຊີ້ນໍາ-ນໍາພາ ຢ່າງໃກ້ສິດຕໍ່ສະຫະພັນແມ່ຍິງຂອງສະພາແຫ່ງຊາດຕະຫຼອດມາ ເຊິ່ງໄດ້ເຮັດໃຫ້ການຈັດຕັ້ງ ແລະ ການເຄື່ອນໄຫວມີຄວາມໜັກແໜ້ນ, ເຂັ້ມແຂງ ແລະ ມີຄຸນນະພາບ ສາມາດເຄື່ອນໄຫວສໍາເລັດຕາມແຜນການທີ່ວາງໄວ້.

ເນື່ອງໃນໂອກາດວັນສ້າງຕັ້ງອົງການຈັດຕັ້ງສະຫະພັນແມ່ຍິງລາວ ຄົບຮອບ 67 ປີ  ຂໍອວຍໄຊໃຫ້ພອນ ໃຫ້ບັນດາທ່ານການນໍາພັກ-ລັດ ທີ່ເປັນເພດຍິງ ,​ສະມາຊິກສະຫະພັນແມ່ຍິງ ແລະ ​​ແມ່ຍິງລາວບັນດາເຜົ່າໃນທົ່ວປະເທດ ຈົ່ງມີສຸຂະພາບເຂັ້ມແຂງ ມີພະລານາໄມສົມບູນ, ສືບຕໍ່ປະຕິບັດໜ້າທີ່ອັນມີກຽດຂອງຕົນ ມີຄວາມຜາສຸກໃນຊີວິດສ່ວນຕົວ​ແລິຄອບຄົວ.