ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນເຊົ້າວັນທີ 18 ຕຸລາ 2022  ທີ່ຫ້ອງປະຊຸມສະພາປະຊາຊົນແຂວງສະຫວັນນະເຂດ ໂດຍການເປັນປະທານຂອງທ່ານ ປອ ເກດແກ້ວ ສີຫາລາດ ຮອງປະທານກໍາມະການ ສຕສ, ໂດຍການຕ້ອນຮັບຂອງທ່ານ ຄໍາຜັນ ຄູນສະຫວັນ ຮອງປະທານສະພາປະຊາຊົນແຂວງ, ບັນດາທ່ານ ຄະນະກຳມະການ ເສດຖະກິດ, ແຜນການ ແລະ ການເງິນ, ພະນັກ ງານວິຊາການ ຂອງບັນດາຂະແໝງການທີ່ກ່ຽວຂ້ອງເຂົ້າຮ່ວມ.

ໃນການລົງມາເຄື່ອນໄຫວຕິດຕາມກວດກາໃນຄັ້ງນີ້ຈຸດປະສົງແມ່ນ ເພື່ອເກັບກໍາ ສະພາບການຈັດຕັ້ງປະຕິບັດບັນດານິຕິກໍາ ທີ່ພົວພັນ  ວຽກງານການຂຶ້ນທະບຽນ-ອອກໃບຕາດິນ ຂອງພະແນກຊັບພະຍາກອນທໍາມະຊາດ ແລະ ສິ່ງແວດລລ້ອມແຂວງ ແລະ  ວຽກງານການຂຸດຄົ້ນແຮ່ທາດທົດລອງ  ຂອງພະແນກພະລັງງານ ແລະ ບໍແຮ່ ທີ່ກອງປະຊຸມສະໄໝສາມັນເທື່ອທີ 03 ຂອງສະພາແຫ່ງຊາດ ຊຸດທີ IX ຮັບຮອງເອົາບັນດາກົດໝາຍ ປະກອບມີ: ກົດໝາຍວ່າດ້ວຍທີ່ດິນ, ກົດໝາຍວ່າດ້ວຍແຮ່ທາດ, ກົດໝາຍວ່າດ້ວຍການສົ່ງເສີມ, ກົດໝາຍວ່າດ້ວຍການປົກປັກຮັກສາສິ່ງແວດລ້ອມ ແລະ ນິຕິກໍາທີ່່ກ່ຽວພັນກັບຂະແໝງການ ແລະ ພາກສ່ວນທີ່ກ່ຽວຂ້ອງ, ເພື່ອນໍາເອົາຂໍ້ມູນໄປວິເຄາະ, ວິໃຈ ໃຫ້ເຫັນສະພາບຕົວຈິງ ແລະ ນໍາເອົາບັນຫາດັ່ງກ່າວເຂົ້ານໍາສະເໜີຕໍ່ກອງປະຊຸມຄະນະປະຈໍາສະພາແຫ່ງຊາດ ແລະ ກອງປະຊຸມສະໄມສາມັນເທື່ອທີ 04 ຂອງສະພາແຫ່ງຊາດ ຊຸດທີ IX. ຕໍ່ຈາກນັ້ນກໍ່ໄດ້ເຮັດວຽກຮ່ວມກັບການນໍາຂອງເມືອງພີນ ແລະ ບໍລິສັດຂຸດຄົ້ນແຮ່ເຫຼັກ, ພ້ອມທັງຮັບຟັງບົດລາຍງານ ສະພາບການຈັດຕັ້ງ ປະຕິບັດຕົວຈິງກ່ຽວກັບໂຄງການທົດລອງຂຸດຄົ້ນແຮ່ທາດເຫຼັກ ໂດຍຫຍໍ້, ພ້ອມທັງລົງຢ້ຽມຢາມ ໂຄງການພາກຢູ່ສະໝາມ, ເພື່ອເອົາຂໍ້ມູນຕົວຈິງນໍາສະເໜີໃນຂັ້ນຕໍ່ໄປ.