ໃນວັນທີ 6 ມິຖຸນາ 2024 ທ່ານ ວຽງໄຊ ສີວິໄລ ຮອງປະທານສະພາປະຊາຊົນແຂວງ ພ້ອມດ້ວຍພະນັກງານສະພາປະຊາຊົນແຂວງ ໄດ້ລົງຕິດຕາມກວດກາ ແລະ ຊຸກຍູ້ການຈັດຕັ້ງປະຕິບັດລັດຖະທໍາມະນູນ ແລະ ກົດໝາຍ ຢູ່ເມືອງພູກູດ ໂດຍການໃຫ້ກຽດເຂົ້າຮ່ວມຂອງທ່ານ ຄໍາພາ ພິລາວົງ ເລຂາພັກເມືອງ ເຈົ້າເມືອງໆພູກູດ, ມີສະມາຊິກສະພາປະຊາຊົນແຂວງ ປະຈໍາເມືອງພູກູດ, ບັນທ່ານຫົວໜ້າ-ຮອງຫົວໜ້າ ແລະ ພະນັກງານທີ່ທີ່ຢູ່ໃນຂົງເຂດຍຸຕິທໍາ ແລະ ປກຊ-ປກສ ເຂົ້າຮ່ວມ.

ເພື່ອຕິດຕາມ, ກວດກາ ການຈັດຕັ້ງປະຕິບັດໜ້າທີ່ວຽກງານວິຊາສະເພາະ ໃນຂົງເຂດຍຸຕິທໍາ ແລະ ປ້ອງກັນຊາດ-ປ້ອງກັນຄວາມສະຫງົບດ ລົງຊຸກຍູ້, ຕິດຕາມກວດກາ, ເກັບກໍາຂໍ້ມູນ ວຽກງານແກ້ໄຂບັນຫາຢາເສບຕິດ ແລະເພື່ອແລກປ່ຽນຖອດຖອນບົດຮຽນ, ຂໍ້ສະດວກ, ຂໍ້ຫຍຸ້ງຍາກ, ຜົນໄດ້ຮັບ, ຂໍ້ສະເໜີ ແລະ ມາດຕະການຈັດຕັ້ງປະຕິບັດວຽກງານຕ່າງໆຕໍ່ໜ້າ. ໃນໂອກາດທີ່ໄດ້ລົງຕິດຕາມກວດກາໃນຄັ້ງນີ້, ທ່ານ ຄໍາພາ ພິລາວັນ ເລຂາພັກເມືອງ ເຈົ້າເມືອງໆພູກູດເລຂາ ໄດ້ລາຍງານສະພາບ ການເຄື່ອນໄຫວວຽກງານຂົງເຂດຍຸຕິທໍາ ແລະ ປກຊ-ປກສ ຢູ່ເມືອງໝອກໃນໄລຍະຜ່ານມາ, ຮັບຟັງບົດລາຍງານໂດຍຫຍໍ້ ການຈັດຕັ້ງປະຕິບັດລັດຖະທໍາມະນູນ ແລະ ກົດໝາຍ ການຈັດຕັ້ງປະຕິບັດວາລະແຫ່ງຊາດ ວ່າດ້ວຍ ການແກ້ໄຂບັນຫາຢາເສບຕິດ ຂອງກອງບັນຊາການປກສ ແລະ ປກຊ, ຮັບຟັງບົດລາຍງານໂດຍຫຍໍ້ ຂອງຫ້ອງການສະຫະພັນນັກຮົບເກົ່າເມືອງ, ຮັບຟັງບົດລາຍງານໂດຍຫຍໍ້ ການຈັດຕັ້ງປະຕິບັດລັດຖະທໍາມະນູນ ແລະ ກົດໝາຍ, ການຈັດຕັ້ງປະຕິບັດຄໍາຕັດສິນຂອງສານ ແລະ ຮັບຟັງບົດລາຍງານໂດຍຫຍໍ້ກ່ຽວກັບວຽກງານປ້ອງກັນຊາຍແດນ ແລະ ແກ້ໄຂບັນຫາຢາເສບຕິດ ທີ່ແລບຕາມຊາຍແດນໄລຍະຜ່ານມາເຊິ່ງຍົກໃຫ້ເຫັນເຖິ່ງ ຂໍ້ສະດວກ, ຂໍ້ຫຍຸ້ງຍາກ ແລະ ສະພາບຄວາມເປັນຈິງຂອງການເຄື່ອນໄຫວວຽກງານ, ພ້ອມນັ້ນຄະນະສະມາຊິກສະພາປະຊາຊົນແຂວງ ຍັງໄດ້ມີຄໍາຖາມເຈາະຈິ້ມທີ່ກ່ຽວພັນກັບບັນດາຫ້ອງການຂອງເມືອງເປັນຕົ້ນແມ່ນ: ການປະຕິບັດຄໍາຕັດສິນຂອງສານ, ບັນຫາຢາເສບຕິດ, ການກວດສຸຂະພາບຂອງກໍາລັງ, ການຄຸ້ມຄອງອາວຸດຕ່າງໆ, ການພົວພັນປະສານງານກັບພາກສ່ວນຕ່າງໆ,  ແລະ ອື່ນໆອີກ. ນອກນັ້ນບັນດາຜູ້ແທນກອງປະຊຸມໄດ້ມີຄໍາສະເໜີຕໍ່ສະພາປະຊາຊົນແຂວງ ໃຫ້ຂັ້ນເທິ່ງຄົ້ນຄວ້າ ແລະ ຂໍທິດຊີ້ນຳ ເພື່ອສະດວກໃນການຈັດຕັ້ງປະຕິບັດໜ້າ ທີ່ວຽກງານ ໃຫ້ມີຄວາມ ຖືກຕ້ອງ ແລະ ສອດຄ່ອງກັບສະພາບ ຄວາມເປັນຈິງ. ໃນນັ້ນທີ​ມງານ​ທີ່​ມາ​ຈາກ​ ​ສະ​ພາ​ປະຊາຊົນ​ແຂວງ ພ້ອມດ້ວຍການນໍາເມືອງ ​ໄດ້​​​ເດີນ​ທາງ​ໄປ​ບ້ານດຸກ ເມືອງພູກູດ ແຂວງ​ຊຽງຂວາ​ງ ​ເພື່ອ​ເກັບ​ກໍາ​ຄໍາ​ຄິດ​ຄໍາ​ເຫັນ​ຂອງ​ປະຊາຊົນ​ຢູ່​ກ​ບ້ານ​ດັ່ງກ່າວໃນການເຄື່ອນໄຫວວຽກງານປກຊ-ປກສ ແລະ ການແກ້ໄຂບັນຫາຢາເສບຕິດຂອງບ້ານ​ ​ເພື່ອ​ນໍ​າສະ​ເໜີຂັ້ນເທິງ​ແກ້​ໄຂ​ໃຫ້​ຖືກຕ້ອງ ​ແລະ ທັນ​ເວລາ.

ນອກນັ້ນ ທ່ານ ວຽງໄຊ ສີວິໄລ ໄດ້ມີຄໍາເຫັນໂອລົມ ສະຫຼຸບຕີລາຄາ ການປະເມີນຜົນການຈັດ ຕັ້ງປະຕິບັດວຽກງານໃນຂົງເຂດຍຸດຕິທໍາ ແລະ ປກຊ-ປກສ ເຫັນວ່າມີຫຼາຍດ້ານໄດ້ຮັບຜົນສຳເລັດ ແລະ ຍັງມີບາງດ້ານທີ່ຕ້ອງປັບປຸງແກ້ໄຂ ໃຫ້ທຸກສະຫາຍຈົ່ງເອົາໃຈໃສ່ຈັດຕັ້ງປະຕິບັດໜ້າທີອັນສຳຄັນ ທີ່ພັກລັດມອບໝາຍໃຫ້ໄດຮັບຜົນສຳເລັດ ແລະ ຖືກຕ້ອງສອດຄອງກັບລະບຽບກົດໝາຍທີ່ວາງໄວ້.ການລົງຕິດຕາມກວດກາໃນຄັ້ງນີ້ ໄດ້ຮັບການສະໜັບສະໜູນຊ່ວຍເຫຼືອທາງດ້ານງົບປະມານຈາກໂຄງການສ້າງຄວາມເຂັ້ມແຂງໃຫ້ແກ່ສະພາແຫ່ງຊາດ ແລະ ສະພາປະຊາຊົນຂັ້ນແຂວງ ຫຼື ສະເຕັບສ໌ (STEPs) ໂດຍຜ່ານກອງເລຂາຄຸ້ມຄອງແຫຼ່ງທຶນຊ່ວຍເຫຼືອລ້າໃຫ້ແກ່ສະພາແຫ່ງຊາດ.

ສະພາປະຊາຊົນແຂວງຊຽງຂວາງ

ຂ່າວໂດຍ: ນາງ ສຸກສະຫວັນ ອິນທະແສງ