ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

           ຕອນເຊົ້າວັນທີ 10 ຕຸລາ 2022 ນີ້ ທ່ານ ມີໄຊ ມີວິໄລ ກຳມະການຄະນະປະຈໍາສະພາປະຊາຊົນແຂວງ, ເລຂາທິການສະພາປະຊາຊົນແຂວງຫຼວງນໍ້າທາ ໄດ້ຖະແຫລງການເປີດກອງປະຊຸມສະໄໝວິສາມັນຄັ້ງທີ 2 ຂອງສະພາປະຊາຊົນແຂວງຫຼວງນໍ້າທາ ຊຸດທີ II ເຊິ່ງກອງປະຊຸມສະໄໝວິສາມັນ ຄັ້ງທີ່ 2 ຂອງສະພາປະຊາຊົນແຂວງຫຼວງນ້ໍາທາ ຊຸດທີ II ຈະໄດ້ໄຂຂຶ້ນຢ່າງເປັນທາງການໃນຕອນເຊົ້າ ຂອງວັນທີ 11 ຕຸລາ 2022 ຢູ່ທີ່ສະໂມສອນແຂວງຫຼວງນໍ້າທາ ຊິ່ງໄດ້ດຳເນີນເປັນເວລາ 1 ຕອນເຊົ້າ;

ກອງປະຊຸມສະໄໝວິສາມັນ ຄັ້ງທີ່2 ຂອງສະພາປະຊາຊົນແຂວງຫຼວງນ້ໍາທາ ຊຸດທີ II ຈະໄດ້ຄົ້ນຄວ້າ, ພິຈາລະນາ ແລະ ຮັບຮອງເອົາບັນຫາສຳຄັນຂອງແຂວງຄື: ຄົ້ນຄວ້າ, ພິຈາລະນາ ແລະ ຮັບຮອງເອົາ ຮ່າງຂໍ້ຕົກລົງເຈົ້າແຂວງວ່າດ້ວຍ ການກຳນົດຫົວໜ່ວຍຊົດເຊີຍ ຜົນກະທົບຈາກໂຄງການພັດທະນາຕົວເມືອງທັນສະໄໝ ແລະ ເປັນມິດຕໍ່ສິ່ງແວດລ້ອມ ຢູ່ເຂດນາເຕີຍ ເມືອງຫລວງນ້ຳທາ ແຂວງຫລວງນ້ຳທາ.

ໃນນາມຄະນະປະຈຳສະພາປະຊາຊົນແຂວງ, ເລຂາທິການສະພາປະຊາຊົນແຂວງ ຂໍເຊີນຊວນມາຍັງບັນດາທ່ານ ພະນັກງານ-ລັດຖະກອນ, ທະຫານ, ຕຳຫຼວດ, ນັກຮຽນ, ນັກສຶກສາ, ປັນຍາຊົນ, ກຳມະກອນ, ຊາວຜູ້ອອກແຮງງານ, ປະຊາຊົນບັນດາເຜົ່າທຸກຊັ້ນຄົນໃນທົ່ວແຂວງຫຼວງນໍ້າທາ ຈົ່ງໃກ້ຊິດຕິດຕາມການດຳເນີນກອງປະຊຸມສະໄໝວິສາມັນ ຄັ້ງທີ 2 ຂອງສະພາປະຊາຊົນແຂວງຫຼວງນໍ້າທາ ຊຸດທີ II ຄັ້ງນີ້.

                                                                                                                                                                                ນາງ ວັນນີ ແຝງບົວວັນ