ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

       (ສພຊ) ໃນຕອນບ່າຍຂອງວັນທີ 30 ທັນວາ 2021 ທີຫ້ອງປະຊຸມສະພາປະຊາຊົນແຂວງ (ສພຂ) ບໍລິຄຳໄຊ, ທ່ານ ນາງ ຟອງສະໜຸດ ພົງວິຈິດ ກຳມະການພັກແຂວງ, ເລຂາທິການ ສພຂ ໄດ້ຕາງໜ້າຄະນະປະຈຳສະພາປະຊາຊົນແຂວງ ະແງຂ່າວຕໍ່ສື່ມວນຊົນກ່ຽວກັບການດໍາເນີນກອງປະຊຸມສະໄໝສາມັນເທື່ອທີ 2 ຂອງ ສພຂ ບໍລິຄຳໄຊ ຊຸດທີ II ອີງຕາມ ກົດໝາຍວ່າດ້ວຍສະພາປະຊາຊົນແຂວງ ສະບັບປັບປຸງ ປີ 2020 ມາດຕາ 59 ກ່ຽວກັບກອງປະຊຸມສະໄໝສາມັນ ປະຈໍາປີ ຂອງ ສພຂ; ສະນັ້ນ, ກອງປະຊຸມສະໄໝສາມັນເທື່ອທີ 2 ຂອງສພຂ ບໍລິຄໍາໄຊ ຊຸດ​ທີ II ຈະໄດ້ໄຂຂຶ້ນຢ່າງເປັນທາງການ ​ໃນຕອນເຊົ້າຂອງວັນທີ 57 ມັງກອນ 2022 (ເປັນເວລາ 2 ວັນເຄິ່ງ) ທີ່​ຫ້ອງ​ປະຊຸມສພຂ ບໍລິ​ຄຳ​ໄຊ;

ກອງປະຊຸມຄັ້ງນີ້, ຈະ​ໄດ້ສຸມໃສ່ຄົ້ນຄວ້າ, ພິຈາລະນາ ແລະ ຮັບຮອງເອົາບັນຫາສໍາຄັນພື້ນຖານຂອງແຂວງ ດັັ່ງນີ້:

1. ຮັບຟັງການລາຍ​ງານຂອງທ່ານ ເຈົ້າແຂວງ ກ່ຽວ​ກັບການຈັດ​ຕັ້ງ​ປະຕິບັດວຽກງານທີ່ພົ້ນເດັ່ນເປັນຈຸດສຸມບລິມະສິດຂອງແຂວງ ໃນການ​ຈັດຕັ້ງປະຕິບັດແຜນພັດທະນາ​ເສດຖະກິດ-ສັງຄົມ ທີ່ມີລັກສະນະຍຸດທະສາດ ປະຈຳປີ 2021 ​ແລະ ທິດທາງ​ແຜນການ ປະຈຳປີ 2022;
2. ພິຈາລະນາ, ຮັບຮອງເອົາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານ ປະຈໍາປີ 2021 ແລະ ທິດທາງແຜນການ ປະຈໍາປີ 2022;
3. ພິຈາລະນາ, ຮັບຮອງເອົາການເຄື່ອນໄຫວວຽກງານ ປະຈໍາປີ 2021 ແລະ ທິດທາງແຜນການ ປະຈໍາປີ 2022, ບົດລາຍງານຜົນການກວດສອບບົດສະຫຼຸບຂາດຕົວການຈັດຕັ້ງປະຕິບັດແຜນງົບປະມານ ປະຈໍາປີ 2020 ຂອງອົງການກວດສອບພາກກາງ ແລະ ການຈັດຕັ້ງປະຕິບັດວຽກງານ ປະຈໍາປີ 2021, ທິດທາງແຜນການ ປະຈໍາປີ 2022ແລະ ການແກ້ໄຂຜົນການກວດສອບໃນປີຜ່ານມາ ຂອງອົງການກວດກາລັດແຂວງ;
4. ພິຈາລະນາ, ຮັບຮອງເອົາບົດລາຍງານການເຄື່ອນໄຫວວຽກງານ ປະຈໍາປີ 2021 ແລະ ທິດທາງແຜນການ ປະຈໍາປີ 2022 ຂອງອົງການໄອຍະການປະຊາຊົນແຂວງ ແລະ ສານປະຊາຊົນແຂວງ.
5. ພິຈາລະນາ, ຮັບຮອງເອົາບົດລາຍງານ​ການເຄື່ອນໄຫວວຽກງານປະຈຳປີ 2021 ແລະ ທິດທາງແຜນການ ປະຈຳປີ 2022 ຂອງ ສພຂ.
6. ພິຈາລະນາ, ຮັບຮອງເອົາບົດລາຍງານຜົນການຕິດຕາມກວດກາ ໂຄງການກໍ່ສ້າງ ແລະ ນໍາໃຊ້ຊົນລະປະທານເຂົ້າໃນການຜະລິກະສິກໍາ ພາຍໃນແຂວງບໍລິຄໍາໄຊ.
7. ພິຈາລະນາ, ຮັບຮອງ​ເອົາ​ນິຕິ​ກຳສຳຄັນ​ຈຳນວນ​ໜຶ່ງ ຕາມ​ການສະ​ເໜີ​ຂອງ​ອົງການ​ປົກຄອງ​ແຂວງ.

ກອງປະຊຸມ ຍັງໄດ້ຮັບຟັງການປະກອບຄຳເຫັນຂອງອົງການແນວລາວສ້າງຊາດ ທີ່ໄດ້ຕາງໜ້າອົງການຈັດຕັ້ງມະຫາຊົນ ປະກອບຄຳເຫັນຕີລາຄາຕໍ່ການເຄື່ອນໄຫວວຽກງານໃນໄລຍະຜ່ານມາ ຂອງ ສພຂ; ພ້ອມນີ້ ຍັງຈະໄດ້ຮັບຟັງການລາຍງານ, ອະທິບາຍ, ຊີ້ແຈງຈາກການນຳຂອງແຂວງ, ພະແນກການທີ່ກ່ຽວຂ້ອງຈໍານວນໜຶ່ງ ຕໍ່ກັບຄຳ​ຊັກ​ຖາມ ​ແລະ ການ​ປະກອບ​ຄຳ​ເຫັນຂອງບັນດາທ່ານສະມາຊິກສະພາປະຊາຊົນແຂວງ ເຊິ່ງບັນດາເນື້ອໃນທີ່ນຳມາ​ຄົ້ນຄວ້າ, ​ພິຈາລະນາໃນ​ກອງ​ປະຊຸມ​​ຄັ້ງ​ນີ້, ລ້ວນແລ້ວແຕ່ມີຄວາມໝາຍຄວາມສໍາຄັນ​ຍິ່ງ ໃນ​ການ​ຍົກສູງຄວາມຮັບຜິດຊອບ ຕາມ​ພາລະ​ບົດບາດ, ສິດ ​ແລະ ໜ້າ​ທີ່​ຂອງ​ ສພຂ ກໍຄືສະມາຊິກສະພາປະຊາຊົນແຂວງ; ສະນັ້ນ, ຕາງໜ້າ ຄະນະປະຈໍາສະພາ​ປະຊາຊົນ​ແຂວງ ຂໍຖື​ໂອກາດເຊີນຊວນມາຍັງອົງການຈັດຕັ້ງພັກ-ລັດ, ອົງການຈັດຕັ້ງສັງຄົມ, ປະຊາຊົນບັນດາເຜົ່າຊາວ​ແຂວງ​ບໍລິ​ຄຳ​ໄຊ ຈົ່ງໄດ້ພ້ອມ​ກັນເຂົ້າຮ່ວມຕິດຕາມ, ໃຫ້ການສະໜັບສະໜູນ ​ເຮັດ​ໃຫ້ກອງປະຊຸມຄັ້ງນີ້ ໄດ້ຮັບຜົນສຳເລັດຕາມຄາດໝາຍທີ່ວາງໄວ້.

​​ກອງປະຊຸມໃນຄັ້ງນີ້ ຍັງຈະໄດ້ດຳເນີນຮູບແບບປົກກະຕິ ແລະ ຮູບແບບທາງໄກ ໂດຍຈະໄດ້ປະຕິບັດຕາມມາດຕະການປ້ອງກັນພະຍາດໂຄວິດ19 ຢ່າງເຂັ້ມງວດ ແລະ ຍັງຈະໄດ້​ຖ່າຍທອດສົດ ​ບາງ​ເນື້ອ​ໃນທີ່ສຳຄັນ​ຈຳນວນ​ໜຶ່ງ ຜ່ານສະຖານີວິທະຍຸ​ຂອງແຂວງ​ບໍລິ​ຄຳ​ໄຊ ​ແລະ ເປີດກວ້າງການປະກອບຄຳຄິດຄຳເຫັນ, ຄໍາສະ​ເໜີຈາກ​ພໍ່​ແມ່​ປະຊາຊົນ​ບັນ​ດາ​ເຜົ່າ ໃນໄລຍະດຳເນີນ​ກອງ​ປະຊຸມ ສາມາດໂທລະສັບສາຍດ່ວນໝາຍເລກ 054 156 ໂດຍ​ບໍ່​ເສຍ​ຄ່າບໍລິການ.

(ພາບ ແລະ ຂ່າວ: ໂສລະຢໄຊຍະວົງ).