ຕອນບ່າຍວັນທີ 2 ມິຖຸນາ 2022. ທ່ານ ນາງ ມີນາພອນ ໄຊສົມພູ ປະທານສະພາປະຊາຊົນແຂວງ (ສພຂ) ແລະ ຄະນະກຳມະການເສດຖະກິດ,ແຜນການແລະການເງີນ (ຄສຜງ). ລົງຕິດຕາມກວດກາ ແລະ ຊຸກຍູ້ ການຈັດຕັ້ງປະຕິບັດວຽກງານ 6 ເດືອນຕົ້ນປີ ແລະ ທິດທາງ 6 ເດືອນທ້າຍປີ 2022. ໃນຂົງເຂດເສດຖະກິດ, ແຜນການແລະການເງີນ. ຢູ່ເມືອງພູວົງ. ເຂົ້າຮ່ວມມີທ່ານ ສຸລິຈັນ ໂຊກຄຳຈັນ ກຳມະການພັກແຂວງ,ເຈົ້າເມືອງພູວົງ. ມີບັນດາທ່ານຮອງເຈົ້າເມືອງ,ສະມາຊິກສະພາປະຊາຊົນແຂວງ (ສສຂ)ປະຈໍາເຂດເລືອກຕັ້ງເມືອງ, ຫົວຫນ້າ-ຮອງຫົວຫນ້າຫ້ອງການ ພ້ອມດ້ວຍພະນັກງານ-ວີຊາການທີ່ກ່ຽວຂ້ອງເຂົ້າຮ່ວມ.
ທ່ານ ສຸລິຈັນ ໂຊກຄຳຈັນ ໄດ້ຂື້ນລາຍງານໂດຍຫຍໍ້ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 4ເດືອນຕົ້ນປີ2022 ແລະທິດທາງແຜນວຽກຈຸດສຸມ 8ເດືອນຕໍ່ຫນ້າ.ວ່າ: ອັດຕາຂະຫຍາຍຕົວລວມຍອດຜະລິດຕະພັນພາຍໃນ (GDP) ປີ2022 ເພີ່ມຂື້ນຢູ່ໃນລະດັບ6,13% ຫລຸດແຜນ1,37% (ຕາມມະຕິກອງປະຊຸມໃຫ່ຍຂອງເມືອງ 7.5%), ປັດໃຈສົ່ງຜົນໃຫ້ອັດຕາເງີນເຟີ້ ມີການເໜັງຕີງຍ້ອນ ໝວດສະບຽບອາຫານ ແລະເຄື່ອງດື່ມບໍ່ແມ່ນເຫລົ້າເພີ່ມຂື້ນ7,49% ໝວດເຄື່ອງໃຊ້ໃນເຮືອນ ເພີ່ມຂຶ້ນ5,20% ໝວດຄົມມະນາຄົມແລະຂົນສົ່ງເພີ່ມຂື້ນ4,61% ໝວດສີນຄ້າແລະການບໍລິການອື່ນໆເພີ່ມຂື້ນ13,03%, ການລົງທຶນຂອງລັດສຸມໃສ່ຄົ້ນຄວ້າອໍານວຍຄວາມສະດວກໃນການສຳລະໂຄງການລົງທຶນຂອງລັດທີ່ສະພາຮັບຮອງແລະໂຄງການທີ່ແຂວງແລະເມືອງອະນຸມັດໃຫ້ຈັດຕັ້ງປະຕິບັດໃນ4ເດືອນຜ່ານມາຈຳນວນ5ໂຄງການມູນຄ່າ 1.596ລ້ານກວ່າກີບ, ໄດ້ສຸມໃສ່84 ວຽກຫລັກ ໄດ້ຈັດຕັ້ງປະຕິບັດ54ວຽກທຽບໃສ່ແຜນໄດ້64,28%ເປັນຕົ້ນ: ສະຫນອງອຸປະກອນແລະແນວພັນພືດຜັກສວນຄົວ 7ບ້ານມີ315ຄອບຄົວ, ບຸກເບິກສວນປູກຫຍ້າອາຫານສັດ5ບ້ານ 72ຄອບຄົວ,ເນື້ອທີ່36ຮຕ, ປັດຈຸບັນສຳເລັດ 3ບ້ານ 32ຄອບຄົວ,ເນື້ອທີ່16ຮຕ,ຕິດຕາມເກັບກູ້ມັນຕົ້ນ14ບ້ານມີ214ຄອບຄົວ,ມີເນື້ອທີ່ປູກ475.38ຮຕ ລື່ນແຜນ334.38ຮຕ,ຜົນຜະລິກ9.336,46ໂຕນ ລື່ນແຜນ6.454,46ໂຕນ,ເກັບກູ້ອ້ອຍເນື້ອທີ່ປູກ445,5ຮຕລື່ນແຜນ345,5ຮຕຜົນຜະລິດໄດ້26.478ໂຕນ.
ວຽກງານຈຸດສຸມໃນແຜນພັດທະນາເສດຖະກິດສັງຄົມຂອງເມືອງ ໃນ8ເດືອນຕໍ່ຫນ້າຈະສຸມໃສສືບຕໍ່ຢູ່ຫລາຍດ້ານເປັນຕົ້ນ: ສືບຕໍ່ຂະຫຍາຍວາລະແຫ່ງຊາດຢູ່ບັນດາຂະແຫນງການໃຫ້ສອດຄ່ອງ,ພ້ອມທັງປັບປຸງກົນໄກການເຮັດວຽກຂອງແຕ່ລະຂະແຫນງການດ້ວຍຄວາມຮັບຜິດຊອບ,ເອົາໃຈໃສ່ຄຸ້ມຄອງເສດຖະກິດມະຫາພາກ,ລົງເລີກຄົ້ນຄວ້າວິເຄາະວິໃຈເຖິງສະພາບຄວາມຫຍຸ້ງຍາກໃນປະຈຸບັນເປັນຕົ້ນການຂາດດູນງົບປະມານ,ການຮົ່ວໄຫລຂອງການຈັດເກັບລາຍຮັບ,ຊອກຄົ້ນຫາຖານລາຍຮັບທີ່ແທ້ຈິງ ຫລືຍັງບົ່ມຊ້ອນຢູ່, ເລັ່ງເກັບຈາກຖານລາຍຮັບທີ່ມີຢູ່ແລ້ວແລະຂະຫຍາຍຖານລາຍຮັບໃຫ່ມທີ່ມີທ່າແຮງ ໂດຍມີກົນໄກລະອຽດໃນການຈັດເກັບທີ່ນຳໃຊ້ເຄື່ອງມືທັນສະໄຫມ ແລະ ດ້ານອື່ນໆ.
ຈາກນັ້ນ, ກໍໄດ້ຮັບຟັງການລາຍງານຈາກພາກສ່ວນທີ່ກ່ຽວຂ້ອງ ແລະ ຄຳເຈາະຈີີ້ມ ຈາກປະທານສະພາປະຊາຊົນແຂວງ ພ້ອມທັງໄດ້ແລກປ່ຽນຄຳຄິດຄຳເຫັນຕໍ່ບັນດາຂໍ້ຫຍຸ້ງຍາກແລະຄົງຄ້າງໃນການຈັດຕັ້ງປະຕິບັດແຜນພັດທະນາເສດຖະກິດສັງຄົມແລະແຜນງົບປະມານຂອງເມືອງ.
ຕອນທ້າຍ, ປະທານສະພາປະຊາຊົນແຂວງ ໄດ້ເນັ້ນໃຫ້ເອົາໃຈໃສ່ຄຸ້ມຄອງການຈັດເກັບລາຍຮັບ,ຄຸ້ມຄອງສີນຄ້າທີ່ມີທ່າອ່ຽງເໜັງຕີງໃນປະຈຸບັນ,ວາງມາດຕະການຄຸ້ມຄອງບໍລິການນ້ຳມັນຢ່າງເຂັ້ມງວດ, ເພີ່ມທະວີຄຸ້ມຄອງລັດ,ຄຸ້ມຄອງເສດຖະກິດສັງຄົມດ້ວຍລະບຽກົດໝາຍໃຫ້ມີຄວາມສັກສິດ, ເດັດດ່ຽວແກ້ໄຂປະກົດການຫຍໍ້ທໍ້ຕ່າງໆທີ່ເກີດຂື້ນ.
(ວິນັດ)