ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນວັນທີ 24 ມິຖຸນາ 2022 ນີ້. ຄະນະກໍາມະການວັດທະນະທໍາ-ສັງຄົມ ແລະ ບັນດາເຜົ່າ (ຄວສຜ) ສະພາປະຊາຊົນແຂວງ (ສພຂ) ລົງຕິດຕາມກວດກາ ແລະ ຊຸກຍູ້ ການຈັດຕັ້ງປະຕິບັດວຽກງານ 6 ເດືອນຕົ້ນປີ 2022 ໃນຂົງເຂດວັດທະນະທໍາ-ສັງຄົມ ແລະ ບັນດາເຜົ່າ, ທີ່ຫ້ອງວ່າການປົກຄອງເມືອງສະໜາມໄຊ. ນໍາໂດຍ ທ່ານ ແຫວນຄໍາ ປະທຸມມະແສງ ປະທານ ຄວສຜ ພ້ອມຄະນະ ເຂົ້າຮ່ວມມີ ທ່ານ ຄໍາໝັ້ນ ພົມມະແສງ ຮອງເລຂາພັກເມືອງ, ຫົວໜ້າຄະນະສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງສະໜາມໄຊ, ມີຮອງເຈົ້າເມືອງ ແລະ ຕາງໜ້າບັນດາຫ້ອງການໃນຂົງເຂດວັດທະນະທໍາ-ສັງຄົມ ເຂົ້າຮ່ວມ.

ໂອກາດນີ້, ທ່ານ ນາງ ພູດອນ ຈູມມະລີ ຮອງເຈົ້າເມືອງສະໜາມໄຊ ຜູ້ຊີ້ນໍາວຽກງານວັດທະນະທໍາ-ສັງຄົມ ໄດ້ລາຍງານໂດຍຫຍໍ້ ກ່ຽວກັບການຈັດຕັ້ງປະຕິບັດວຽກງານວັດທະນະທໍາສັງຄົມ 6 ເດືອນຕົ້ນປີ 2022, ເຊິ່ງໃນໄລຍະຜ່ານມາເຖິງແມ່ນວ່າຈະພົບອຸປະສັກຫຍຸ້ງຍາກສັບສົນພຽງໄດ ຄະນະພັກອໍານາດການປົກຄອງເມືອງ ໄດ້ເອົາໃຈໃສ່ຊີ້ນໍາ ນໍາພາຈັດຕັ້ງຜັນຂະຫຍາຍມະຕິກອງຊຸມອົງການປົກຄອງເມືອງລົງສູ້ທ້ອງຖີ່ນຮາກຖານບ້ານ ໂດຍໄດ້ຫັນເອົາພະນັກງານຂະແໜງການ ເຄື່ອນໄຫວ ເພື່ອແກ້ໄຂບັນຫາຈຸດທີ່ຍັງຄົງຄ້າງ ອ່ອນແອ ແລະ ຫລໍ່ແຫລມ ເປັນຕົ້ນແມ່ນລົງ ເຊື່ອມຊືມມະຕິຄໍາສັ່ງ, ເອກະສານອື່ນໆ ທີ່ຕິດພັນກັບການກໍ່ສ້າງ ແລະ ສ້າງສາພັດທະນາເພື່ອແນໃສ່ເຮັດໃຫ້ປະຊາຊົນບັນດາເຜົ່າມີຄວາມຜາສຸກຢູ່ດີກີນດີຕາມທິດສັງຄົມນິຍົມແຕ່ຮາກຖານຂຶ້ນມາ, ວຽກງານສືກສາທິການ ແລະ ກິລາ ເມືອງໄດ້ເອົາໃຈໃສ່ຊີ້ນໍາ ນໍາພາ ຈັດຕັ້ງປະຕິບັດບັນດາຄາດໝາຍຂອງການສືກສາເພື່ອສຸມໃສ່ວຽກງານການຮຽນການສອນ ທີ່ຈະເຂົ້າສູ້ພາກຮຽນທີ 2, ດ້ານການຕິດຕາມ ກວດກາ,ຊຸກຍູ້ ແລະ ຝືກອົບຮົມ, ດ້ານວຽກງານການສືກສາກ່ອນໄວຮຽນ, ດ້ານວຽກງານປະຖົມສືກສາ, ດ້ານວຽກງານສືກສານອກໂຮງຮຽນ, ດ້ານປັບປຸງຟື້ນຖານໂຄງລ່າງ (ສະພາບແວດລ້ອມ ແລະ ອາຄານຮຽນທີ່ບໍ່ພຽງພໍ), ວຽກງານແຮງງານ ສະຫວັດດີການ​ ແລະ​ ສັງຄົມ ໄດ້ກວດກາຕິດຕາມ ແຮງງານທີ່ມາຈາກຕ່າງເມືອງ, ຕ່າງແຂວງ ຢູ່ຕາມຫົວໜ່ວຍທຸລະກິດພາຍໃນເມືອງ ແລະ 5 ບໍລິສັດ ມີແຮງງານທັງໝົດ 1.145 ຄົນ,ຍິງ257ຄົນ, ຈັດສົ່ງນັກສຳມະນາກອນເຂົ້າຝຶກອົບຮົມດ້ານການພັດທະນາສີມືແຮງງານ 5 ສາຂາ, ໄດ້ນະໂຍບາຍ ຈ່າຍເຂົ້າສານໃຫ້ຄອບຄົວ ໄຟໄໝ້ເຮືອນບ້ານຫາດຍາວ 100 ກິໂລກຣາມ, ຄອບຄົວອານາຖາບ້ານມິດສໍາພັນ 50 ກິໂລກຣາມ,ຄອບຄົວອານາຖາ ບ້ານອຸດົມສຸກ 50 ກິໂລກຣາມ, ຄອບຄົວພະນັກງານເສຍຊີວິດຢູ່ບ້ານຄັງ 50 ກິໂລກຣາມ, ໄດ້ຈ່າຍສັງກະສີ ພ້ອມເຄື່ອງຄົວເຮືອນ 10 ຢ່າງໃຫ້ຄອບຄົມອານາຖາບ້ານດອນສູງ ມູນຄ່າ 2,700,000 ກີບ. ແລະ ອື່ນໆ. ວຽກງານສາທາ ໄດ້ໂຄສະນາເຜີຍແຜ່ ດ້ານສຸຂະສືກສາອະນາໄມ 3 ສະອາດ, ການລົງສັກຢາວັກຊີນຕ່າງໆເປັນຕົ້ນ: ວັນນະໂລກ, ໂປລີໂອ,ບາດທະຍັກ,ໂຄວິດ19 ຢ່າງເປັນປົກກະຕິ, ນອກນີ້ຍັງໄດ້ລົງເຄື່ອນໄຫວ ແລະ ຊຸກຍູ້ລະບົບການບໍລິຫານຢູ່ສຸກສາລາ (ໂຮງໝໍນ້ອຍ) ເພື່ອເຮັດໃຫ້ພໍ່ແມ່ປະຊາຊົນເຂດຫ່າງໄກຊອກຫລີມີຄວາມສະດວກໃນການເຂົ້າເຖິງການບໍລິການຢ່າງທົ່ວເຖິງ.
ຈາກນັ້ນ, ກໍໄດ້ຮັບຟັງການລາຍງານຈາກພາກສ່ວນທີ່ກ່ຽວຂ້ອງ ຕໍ່ກັບຄໍາເຈາະຈີ້ມຂອງ ຄວສຜ ແລະ ໄດ້ແລກປ່ຽນຄໍາຄິດຄໍາເຫັນຕໍ່ບັນດາຂໍ້ຫຍຸ້ງຍາກ ແລະ ຂໍ້ຄົງຄ້າງ ໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ໃນຂົງເຂດວຽກງານວັດທະນະທໍາສັງຄົມ ຂອງເມືອງ.
ໂອກາດ​ນີ້,​ ປະທານ ຄວສຜ ໄດ້ເນັ້ນໃຫ້ເອົາໃຈໃສ່ ສືບຕໍ່ປະຕິບັດນະໂຍບາຍຕໍ່ວຽກງານການສືກສາ ໃນການພັດທະນາຊັບພະຍາກອນມະນຸດຕາມ 3 ລັກສະນະ ແລະ 5 ຫລັກມູນ, ສົ່ງເສີມການສືກສາໃນເຂດຊົນນະບົດຫ່າງໄກຊອກຫລິກ, ເຂດຈຸດສຸມຕ່າງໆ ແລະ ສືບຕໍ່ວຽກງານອື່ນໆໃນຂົງເຂດການສືກສາໃຫ້ບັນລຸຕາມຄາດໝາຍທີ່ວາງໄວ້, ເອົາໃຈໃສສືບຕໍ່ຄຸ້ມຄອງກວດກາຕິດຕາມແຮງງານນໍາເຂົ້າ, ສືບຕໍ່ໂຄສະນາ ເຜີຍແຜ່ວຽກງານສາທາ ຢ່າງກວ້າງຂວາງທົ່ວເຖິ່ງ.
(ພາບ-ຂ່າວ:ວິນັດ​ ສພຂ)