ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ເພື່ອຮັບປະກັນໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ​ ທີ່ກອງປະຊຸມສະພາປະຊາຊົນແຂວງໄດ້ຮັບຮອງ ສາມາດບັນລຸຕາມແຜນການທີ່ວ່າງໄວ້​ ແລະ​ ຈັດຕັ້ງປະຕິບັດໃຫ້ຖືກຕ້ອງສອດຄ່ອງຕາມລັດຖະທຳມະນູນ,​ກົດໝາຍ​ ແລະ​ ນິຕິ​ກຳໃຕ້​ກົດໝາຍ​ ດຳເນີນໄປຢ່າງ ມີປະສິດທິພາບ,​ປະສິດທິຜົນ,​ໂປ່ງໃສ ແລະ​ ສາມາດກວດສອບໄດ້​ ຫັນເຂົ້າສູ້ການຄຸ້ມຄອງລັດ,​ຄຸ້ມຄອງເສດຖະກິດສັງຄົມດ້ວຍກົດໝາຍ ເປັນກ້າວໆ.


ຕອນເຊົ້າ​ວັນທີ​ 2​ ມິຖຸນາ​ 2022.​ ນຳໂດຍ​ ທ່ານ​ ສຸກສຳລານ​ ໄຊຍະແສງ​ ຮອງປະທານ​ສະພາປະຊາຊົນແຂວງ (ສພຂ)​, ປະທານ​ຄະນະກຳມະການເສດຖະກິດ,​ແຜນການແລະການເງີນ (ຄສຜງ)​ ພ້ອມຄະນະ.​ ລົງ​ຕິດຕາມກວດກາ​ ແລະ​ ຊຸກຍູ້​ ການຈັດຕັ້ງປະຕິບັດ​ວຽກງານ​ 6​ ເດືອນ​ຕົ້ນ​ປີ​ ແລະ​ ທິດທາງ​ 6​ ເດືອນ​ທ້າຍປີ​ 2022.​ ໃນຂົງເຂດ​ເສດຖະກິດ, ແຜນການ​ແລະ​ການເງີນ.​ ຢູ່ເມືອງສະໜາມໄຊ. ມີບັນດາທ່ານຮອງເຈົ້າເມືອງ,​ສະມາຊິກສະພາປະຊາຊົນແຂວງ​ (ສສຂ)​ປະຈໍາເຂດເລືອກຕັ້ງ​ເມືອງ, ຫົວຫນ້າ-ຮອງ​ຫົວຫນ້າ​ຫ້ອງການ​ ພ້ອມດ້ວຍ​ພະນັກງານ-ວີຊາການ​ທີ່​ກ່ຽວຂ້ອງເຂົ້າຮ່ວມ.
(ວິນັດ)​