ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນຕອນເຊົ້າວັນທີ 27 ພຶດສະພາ 2022. ທີ່ຫ້ອງປະຊຸມສະພາປະຊາຊົນແຂວງ (ສພຂ), ໄດ້ມີພິທິເຊັນບົດບັນທຶກຮ່ວມ ລະຫວ່າງ ຄະນະກໍາມະການຍຸຕິທໍາ, ປ້ອງກັນຊາດ-ປ້ອງກັນຄວາມສະຫງົບ (ຄຍປປ). ສພຂ ກັບ ອົງການໄອຍະການປະຊາຊົນ, ສານປະຊາຊົນ, ກຳລັງ ປກຊ, ກໍາລັງ ປກສ ແລະ ສະຫະພັນນັກຮັບເກົ່າ. ໂດຍໃຫ້ກຽດເຂົ້າຮ່ວມຂອງທ່ານ ນາງ ມີນາພອນ ໄຊສົມພູ ຮອງເຂາພັກແຂວງ ປະທານ ສພຂ. ມີບັນດາທ່ານ ຄະນະກຳມະການ, ຄະນະເລຂາທິການ ແລະ ພາກສ່ວນທີ່ກ່ຽວຂ້ອງເຂົ້າຮ່ວມເປັນສັງຂິພິຍານ.

ໃນພິທີ ໄດ້ຮັບຟັງ ແລະ ປະກອບຄຳຄິດຄໍາເຫັນຕໍ່ຮ່າງບົດບັນທຶກຮ່ວມລະຫວ່າງ ຄຍປປ ກັບ 5 ພາກສ່ວນ ເພື່ອໃຫ້ມີເນື້ອໃນຖືກຕ້ອງ ສອດຄ່ອງກັບສະພາບຄວາມເປັນຈິງ, ຈາກນັ້ນ ກໍໄດ້ເຊັນບົດບັນທຶກຮ່ວມກັນ.

ບົດບັນທຶກໄດ້ກໍານົດຫຼັກການ, ເນື້ອໃນ, ບັນດາວຽກ, ວິທີການ, ລະບອບປະຊຸມ ແນໃສ່ເຮັດໃຫ້ການເຄື່ອນໄຫວວຽກງານມີຄວາມສະດວກວ່ອງໄວ ຮັບປະກັນໃນການເປັນເສນາທິການໃຫ້ແກ່ສະພາປະຊາຊົນແຂວງ, ອົງການໄອຍະການປະຊາຊົນ,ສານປະຊາຊົນ,ກໍາລັງປກຊ, ກໍາລັງ ປກສ ແລະ ສະຫະພັນນັກຮົບເກົ່າ ມີປະສິດຕິພາບ, ປະສິດທິຜົນ ແລະ ທັນຕາມກໍານົດເວລາ ດີຂື້ນເປັນກ້າວໆ.

(ວິນັດ)