ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

              ສົນທິສັນຍາມິດຕະພາບ ແລະ ການຮ່ວມມື ລະຫວ່າງປະເທດ ສາທາລະນະລັດ ສັງຄົມນິຍົມຫວຽດນາມ ແລະ ປະເທດ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ລົງນາມໃນວັນທີ 18 ເດືອນກໍລະກົດ ປີ 1977.
               ໂດຍຮັບຮູ້ຢ່າງເລິກເຊິ່ງວ່າ ສາຍພົວພັນແບບພິເສດຫວຽດນາມ-ລາວ, ນໍ້າໃຈສາມັກຄີສູ້ຮົບ ແລະ ນໍ້າໃຈມິດຕະ ພາບ ທີ່ບໍ່ມີຫຍັງສາມາດເຮັດໃຫ້ສັ່ນສະເທືອນໄດ້ ລະຫວ່າງປະຊາຊົນຫວຽດນາມ ແລະ ປະຊາຊົນລາວ, ນໍ້າໃຈຖານສະ ຫາຍອັນຍິ່ງໃຫຍ່ ລະຫວ່າງພັກກອມມູນິດຫວຽດນາມ ແລະ ພັກປະຊາຊົນປະຕິວັດລາວ ທີ່ໄດ້ຫຼໍ່ຫຼອມຫຼາຍສິບປີ, ຮ່ວມທຸກຮ່ວມສຸກພ້ອມກັນສູ້ຮົບ, ພ້ອມກັນເອົາຊະນະສັດຕູຜູ້ຮຸກຮານ, ພ້ອມກັນຮ່ວມມື ແລະ ຊ່ວຍເຫຼືອ ເຊິ່ງກັນ ແລະ ກັນ ສ້າງສາປະເທດຊາດ ແມ່ນມໍລະດົກອັນປະເສີດ ແມ່ນກໍາລັງແຮງຊະນະເລີດຂອງສອງຊາດ ແລະ ສອງພັກ, ແມ່ນພຶດຕິກໍາທີ່ມີຊີວິດຊີວາ ເປັນກົດເກນຂະຫຍາຍຕົວຂອງການປະຕິວັດຫວຽດນາມ ແລະ ການປະຕິວັດລາວ ໂດຍໃຫ້ທັດສະນະວ່າ, ເພີ່ມທະວີນໍ້າໃຈສາມັກຄີອັນໝັ້ນໜຽວ ແລະ ສາຍພົວພັນຮ່ວມມືຍາວນານໃນທຸກດ້ານ ລະຫວ່າງຫວຽດນາມ ແລະ ລາວ ຕອບສະໜອງຄວາມມຸ່ງຫວັງອັນແຮງກ້າ ແລະ ຜົນປະໂຫຍດອັນເປັນຕາຍຂອງປະຊາຊົນແຕ່ລະປະເທດ ໃນພາລະກິດປົກປັກຮັກສາເອກະລາດແຫ່ງຊາດ ແລະ ກໍ່ສ້າງລັດທິສັງຄົມນິຍົມ, ສອດຄ່ອງກັບຜົນປະໂຫຍດເອກະລາດແຫ່ງຊາດ, ປະຊາ ທິປະໄຕ, ສັນຕິພາບ, ເປັນກາງຢ່າງແທ້ຈິງຂອງປະຊາຊົນ ບັນດາປະເທດ ອາຊີອາຄະເນກັບຜົນປະໂຫຍດຂອງປະຊາຊົນທົ່ວໂລກ ທີ່ພວມຕໍ່ສູ້ຕ້ານລັດທິຈັກກະພັດ, ລັດທິລ່າເມືອງຂຶ້ນແບບເກົ່າ ແລະ ໃໝ່ ເພື່ອສັນຕິພາບ, ເອກະລາດແຫ່ງຊາດ, ປະຊາທິປະໄຕ ແລະ ຄວາມກ້າວໜ້າສັງຄົມ. ຈົງຮັກພັກດີຕໍ່ລັດທິມາກ-ເລນິນ ໂດຍສືບຕໍ່ຍົກສູງຄັນທຸງເອກະລາດແຫ່ງຊາດ ແລະ ລັດທິສັງຄົມນິຍົມ, ສົມທົບຢ່າງແໜ້ນແຟ້ນ ລະຫວ່າງລັດທິຮັກຊາດອັນແທ້ຈິງ ກັບລັດທິສາກົນກຳມະຊີບ, ອອກແຮງປົກປັກຮັກສາ ແລະ ເສີມຂະຫຍາຍສາຍພົວພັນແບບພິເສດຫວຽດນາມ-ລາວ, ເຮັດໃຫ້ສອງປະເທດທີ່ເຄີຍໄດ້ຕິດພັນນາໍກັນ ໃນພາລະກິດປົດປ່ອຍຊາດ ຈະຕິດພັນນຳກັນໃນການສ້າງສາ ແລະ ປົກປັກຮັກສາປະເທດຊາດຕະຫຼອດໄປ.
ເປັນເອກະພາບວ່າ, ແນວທາງເອກະລາດ, ເປັນເຈົ້າຕົນເອງ ແລະ ການນໍາພາອັນຖືກຕ້ອງຂອງພັກກອມມູນິດຫວຽດນາມ ແລະ ພັກປະຊາຊົນປະຕິວັດລາວ, ມູນເຊື້ອສາມັກຄີອັນສະໜິດສະໜົມ ລະຫວ່າງສອງຊາດ, ໄຊຊະນະສົມບຸນຂອງປະເທດ ໃນພາລະກິດຕ້ານຈັກກະພັດຮຸກຮານ, ເປັນເປົ້າໝາຍຂອງປະຊາຊົນສອງປະເທດ ລ້ວນແຕ່ສູ້ຊົນໃຫ້ແກ່ລັດທິສັງຄົມນິຍົມເປັນບັນດາສິ່ງທີ່ເປັນພື້ນຖານ ເພື່ອເສີມຂະຫຍາຍສາຍພົວພັນແບບພິເສດຫວຽດນາມ-ລາວ.
                 ບົນຈິດໃຈຂອງຖະແຫຼງການຮ່ວມຫວຽດນາມ-ລາວ ໃນວັນທີ 1/12/1976.
                 ແນໃສ່ຈຸດປະສົງເພີ່ມທະວີຄວາມສາມັກຄີ, ການຮ່ວມມືຍາວນານ ແລະ ຊ່ວຍເຫຼືອ ເຊິ່ງກັນ ແລະ ກັນໃນພາລະ ກິດສ້າງສາ ແລະ ປົກປັກຮັກສາປະເທດຊາດ ເພື່ອເອກະລາດ ແລະ ວັດທະນາຖາວອນຂອງແຕ່ລະປະເທດ, ປະກອບສ່ວນປົກປັກຮັກສາ ແລະ ປັບປຸງສັນຕິພາບອາຊີອາຄະເນ ແລະ ໃນໂລກ.