ມາດຕາ 3. ເພື່ອອຳນວຍຄວາມສະດວກໃຫ້ແກ່ກັນ, ຊ່ວຍເຫຼືອກັນຜ່ານຜ່າຄວາມຫຍຸ້ງຍາກຕ່າງໆ, ເສີມຂະຫຍາຍກຳລັງແຮງບົ່ມຊ້ອນດ້ານວັດຖຸ ຂອງແຕ່ລະປະເທດຢ່າງມີປະສິດທິຜົນສູງສຸດ, ເພື່ອກໍ່ສ້າງປະເທດໃຫ້ຮັ່ງມີເຂັ້ມແຂງ, ສ້າງຊີວິດການເປັນຢູ່ມີຄວາມອີ່ມໜໍາສຳລານ, ສອງຝ່າຍຈະເພີ່ມທະວີສາຍພົວພັນການຮ່ວມມືແບບສັງຄົມຕ່າງໆ, ສອງຝ່າຍພ້ອມກັນມີຜົນປະໂຫຍດ ທາງດ້ານກະສິກໍາປ່າໄມ້, ອຸດສາຫະກໍາ, ຄົມມະນາຄົມຂົນສົ່ງ, ຂຸດຄົ້ນຊັບພະຍາກອນທຳມະຊາດ ແລະ ທາງດ້ານຂົງເຂດເສດຖະກິດອື່ນໆ, ຊ່ວຍເຫຼືອໃຫ້ກັນດ້ານເສດຖະກິດ ແລະ ເຕັກນິກຢ່າງສຸດໃຈ, ຊ່ວຍເຫຼືອກັນກໍ່ສ້າງພະນັກງານ ແລກປ່ຽນຊ່ຽວຊານບັນດາຂະແໜງການທາງດ້ານເສດຖະກິດ, ວັດທະນະທຳ, ວິທະຍາສາດ, ເຕັກນິກ, ເປີດກວ້າງການພົວພັນຕາມລະບອບບຸລິມະສິດພິເສດ.

ສອງຝ່າຍເປີດກວ້າງການແລກປ່ຽນວິທະຍາສາດ, ເຕັກນິກ, ຮ່ວມມືດ້ານວັດທະນະທຳ, ສິລະປະກຳ, ການສຶກສາ, ສາທາລະນະສຸກ, ຂ່າວສານ, ໜັງສືພິມ, ວິທະຍຸກະຈາຍສຽງ, ຮູບເງົາ, ກິລາກາຍະກຳ ແລະ ບັນດາຂົງເຂດວັດທະນະທຳອື່ນໆ.

ສອງຝ່າຍເພີ່ມທະວີບັນດາການພົບປະ ລະຫວ່າງຂະແໜງການຕ່າງໆທີ່ກ່ຽວຂ້ອງສອງປະເທດ ເພື່ອພ້ອມກັນປືກສາການປະຕິວັດບັນດາແຜນການຮ່ວມມື, ແລກປ່ຽນບົດຮຽນກ່ຽວກັບການສ້າງສາເສດຖະກິດເສີມຂະຫຍາຍວັດທະນະທໍາ.