ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນວັນທີ 14-23 ກຸມພາ 2022 ນີ້ ໂດຍປະຕິບັດຕາມແຜນການລົງເຄື່ອນໄຫວພົບປະຜູ້ມີສິດເລືອກຕັ້ງ ບັນດາທ່ານສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງທີ 13  ພ້ອມຄະນະ, ເຊິ່ງມີຄະນະທີ່ສຳເລັດການລົງເຄື່ອນໄຫວພົບປະຜູ້ມີສິດເລືອກຕັ້ງໄດ້ 09 ຄະນະ( 1 ຄະນະ ແມ່ນລົງ 04 ຈຸດ) ເຊິ່ງມີລາຍລະອຽດດັ່ງນີ້:

ຄະນະທີ 01: ນະຄອນໄກສອນພົມວິຫານ,  ຄະນະທີ 02: ເມືອງ ນອງ, ຄະນະທີ 03: ເມືອງ ວິລະບູລີ, ຄະນະທີ 04: ເມືອງ ພີນ, ຄະນະທີ 05: ເມືອງ ພະລານໄຊ, ຄະນະທີ 06: ເມືອງ ອາດສະພອນ, ຄະນະທີ 07: ເມືອງ ອຸທຸມພອນ, ຄະນະທີ 07: ເມືອງ ໄຊບູລີ, ຄະນະທີ 08: ເມືອງ ຈຳພອນ,ຄະນະທີ 09: ເມືອງ ໄຊພູທອງ

 

 

 

 

 

 

 

 

 

 

 

 

 

 

 

 

 

 

 

ໂດຍມີຈຸດປະສົງເພື່ອເຜີຍແຜ່ຜົນສຳເລັດກອງປະຊຸມສະໄໝວິສາມັນເທື່ອທີ 1, ກອງປະຊຸມສະໄຫມສາມັນເທື່ອທີ 2 ຂອງສະພາແຫ່ງຊາດ ຊຸດທີ IX ແລະ ກອງປະຊຸມສະພາປະຊາຊົນ ແຂວງ ສະຫວັນນະເຂດ ຊຸດທີ II ພ້ອມທັງຮັບຟັງຄໍາຄິດເຫັນຄໍາສະເໜີຂອງຜູ້ມີສິດເລືອກຕັ້ງ ແລະ ຕິດພັນກັບການຢ້ຽມຢາມຖາມຂ່າວ, ຮັບຟັງຄໍາຄິດເຫັນ ແລະ ຄໍາສະເໜີ ຂອງ​ພໍ່​ແມ່​ປະ​ຊ່າ​ຊົນ ເຊິ່ງພໍ່ແມ່ປະຊາຊົນໄດ້ສະເໜີຫຼາຍບັນ​ຫາຕໍ່ບັນດາທ່ານຜູ້ແທນ ເຊິ່ງ​ມີເປັນບັນຫາທີ່ຕິດພັນກັບວຽກງານການສ້າງສາພັດທະນາປະເທດຊາດ ກໍຄືທ້ອງຖິ່ນຂອງຕົນ, ການພັດທະນາ​ສິ່ງ​ທີ່ສົ່ງຜົນກະທົບຕໍ່ສິ່ງແວດລ້ອມ, ການຄຸ້ມຄອງລັດຄຸ້ມຄອງສັງຄົມ, ວຽກງານການສຶກສາທິການ, ວຽກງານກາທ່ອງທ່ຽວ ແລະ ອື່ນໆ.

ຕໍ່ກັບຄໍາສະເໜີດັ່ງ​ກ່າວ, ທ່ານສະມາຊິກສະພາແຫ່ງຊາດ ແລະ ສະມາຊິກ ສະພາປະຊາຊົນແຂວງ ໄດ້ຜັດປ່ຽນກັນຊີ້ແຈ້ງອະທິບາຍ ຕໍ່ບາງຄໍາເໜີກັບທີ່ ແລະ ພ້ອມທັງຮັບເອົາຄໍາສະເໜີທີ່ບໍ່ສາມາດຊີ້ແຈງໄດ້ ເພື່ອນໍາໄປຊຸກຍູ້ ໃຫ້ພາກ ສ່ວນທີ່ ກ່ຽວຂ້ອງຂັ້ນຕ່າງໆແກ້ໄຂ