ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

             ລະຫວ່າງວັນທີ 16-17 ມີນາ 2022 ນຳໂດຍທ່ານ ແກ້ວຈະເລີນ ເຊຍຢີ້ງຢ່າງ ຮອງປະທານກຳມາທິການບັນດາເຜົ່າ ສະພາແຫ່ງຊາດ, ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 8, ມີທ່ານ ຄອນປະພັນ ເລືອງສີຈັນທອງ ຮອງປະທານສະພາປະຊາຊົນແຂວງ ທັງເປັນສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 8 ແຂວງຫົວພັນ, ເລຂາທິການສະພາປະຊາຊົນແຂວງ ພ້ອມດ້ວຍວິຊາການ
ລົງພົບປະຢ້ຽມຢາມປະຊາຊົນຢູ່ບ້ານ ສົບແປນ ເມືອງຊຳໃຕ້ ແຂວງຫົວພັນ ແລະ ຮັບຟັງການລາຍງານສະພາບຕົວຈິງຢູ່ສະໜາມທີ່ຕັ້ງຂອງເຂື່ອນໄຟຟ້າ 1A ພ້ອມທັງ ເຂົ້າຮ່ວມກອງປະຊຸມກັບຄະນະຮັບຜິດຊອບໂຄງການພັດທະນາ, ແນວລາວສ້າງຊາດ, ພະແນກພາຍໃນ ແລະ ພາກສ່ວນກ່ຽວຂ້ອງ ເພື່ອປຶກສາຫາລືນິຕິກຳທີ່ກ່ຽວຂ້ອງ ໃນການຊົດເຊີຍຜົນກະທົບຈາກໂຄງການພັດທະນາ ໄລຍະທີ 2 ໃຫ້ແກ່ພໍ່ແມ່ປະຊາຊົນບັນດາເຜົ່າຜູ້ທີ່ໄດ້ຮັບຜົນກະທົບ ຈາກໂຄງການດັ່ງກ່າວ ເປັນຕົ້ນແມ່ນ ປ່າສັກສິດ ແລະ ອື່ນໆ.
ພາບ ແລະ ຂ່າວ:
ນັກຂ່າວ ສພຂ ຫົວພັນ