ໃນຕອນບ່າຍວັນທີ 6 ສິງຫາ 2023ນີ້, ຢູ່ທີ່ນະຄອນຫຼວງຈາກາຕາ ອີນໂດເນເຊຍ, ທ່ານ ນາງ ປິ່ງຄຳ ຣາຊາສີມາ ເລຂາທີການສະພາແຫ່ງຊາດ ແຫ່ງ ສປປ ລາວ ໄດ້ພົບປະກັບທ່ານ ຫວູວັນເກື່ອງ ເລຂາທີການສະພາແຫ່ງຊາດ ແຫ່ງ ສສ ຫວຽດນາມ ທັງສອງຝ່າຍໄດ້ສະແດງຄວາມພາກພຸມໃຈ ແລະ ເປັນເອກະພາບໃນການພົວພັນຮ່ວມມືລະຫວ່າງການພົວພັນຮ່ວມມືຂອງສອງສະພາສະພາເວົ້າລວມ ແລະ ການພົວພັນລະຫວ່າງສອງຄະນະເລຂາທີການສະພາແຫ່ງຊາດ ເວົ້າສະເພາະແມ່ນໄດ້ຮັບການພັດທະນາຂື້ນໄປເປັນກ້າວໆ, ເຊັ່ນມີການພົບປະແລກປ່ຽນຄະນະຜູ້ແທນທຸກຂັ້ນເປັນຈຳນວນຫຼວງຫຼາຍ, ໃນນັ້ນມີການພົບປະແລກປ່ຽນຄະນະຜູ້ແທນຂັ້ນສູງ. ກອງປະຊຸມໃຫຍ່ AIPA, IPU.
ໂດຍປະຕິບັດຕາມບົດບັນທຶກຄວາມເຂົ້າໃຈການຮ່ວມມືລະຫວ່າງຄະນະເລຂາທິການສະພາແຫ່ງຊາດລາວ ແລະ ຫ້ອງວ່າການສະພາແຫ່ງຊາດຫວຽດນາມ ທີ່ໄດ້ລົງນາມໃນເດືອນພຶດສະພາ 2022 ຢູ່ນະຄອນຫຼວງວຽງຈັນ, ທ່ານເລຂາທິການ ທັງສອງ ໄດ້ຕີລາຄາສຸງໃນໄລຍະ 1 ປີຜ່ານມາ, ທັງສອງສະພາ ໄດ້ຕ້ອນຮັບຄະນະຜູ້ແທນສະພາແຫ່ງຊາດ ແລະ ບັນດາກຳມາທິການຕ່າງໆຂອງສະພາແຫ່ງຊາດ 2 ປະເທດທີ່ມາຢ້ຽມຢາມ ແລະ ເຮັດວຽກ, ລາວ ຢູ່ ຫວຽດນາມ ນອກນັ້ນຍັງໄດ້ສົ່ງພະນັກງານລັດຖະກອນຂອງສອງຫ້ອງວ່າການໄປຖ ດຖອນບົດຮຽນເຊີ່ງກັນ ແລະ ກັນເປັນປະຈຳ, ການເຄື່ອນໄຫວດັ່ງກ່າວໄດ້ປະກອບສ່ວນຮັດແໜ້ນສາຍພົວພັນການຮ່ວມມືແບບພິເສດ ແລະ ເພີ່ມທະວີຄວາມເຂົ້າໃຈ ແລະ ຄວາມໄວ້ເນື້ອເຊື່ອໃຈເຊິ່ງກັນ.
ຄາດຄະເນວ່າໃນທ້າຍປີນີ້, ກອງປະຊຸມສຸດຍອດລັດຖະສະພາ 3 ປະເທດກຳປູເຈຍ, ລາວ, ຫວຽດນາມຈະໄດ້ຈັດຂື້ນເປັນຄັ້ງທຳອິດຢູ່ນະຄອນຫຼວງວຽງຈັນ ໂດຍການເຂົ້າຮ່ວມຂອງປະທານສະພາຂອງ 3 ປະເທດຄະນະເລຂາທິການສະພາແຫ່ງຊາດຂອງສອງປະເທດໄດ້ເຫັນດີເປັນເອກະພາບສົມທົບກັນຢ່າງແໜ້ນແຟ້ນເພື່ອກະກຽມໃຫ້ກອງປະຊຸມໃນຄັ້ງນີ້. ຄະນະເລຂາທິການສະພາແຫ່ງຊາດລາວ ໄດ້ສະເໜີໃຫ້ ຫ້ອງວ່າການສະພາແຫ່ງຊາດ ຫວຽດນາມ ຊ່ວຍແບ່ງປັນປະສົບການ, ຊ່ວຍຄະນະເລຂາສະພາແຫ່ງຊາດ ລາວ ໃນການກະກຽມຈັດຕັ້ງກອງປະຊຸມໃນຄັ້ງນີ້. ຈາກນັ້ນທ່ານເລຂາທິການສະພາແຫ່ງຊາດຫວຽດນາມ ຢືນຢັນວ່າ, ຫ້ອງການສະພາແຫ່ງຊາດຫວຽດນາມ ຍາມໃດກໍ່ພ້ອມແລ້ວທີ່ຈະແບ່ງປັນປະສົບການ, ຮ່ວມມື ແລະ ພ້ອມທີ່ຈະຊ່ວຍຄະນະເລຂາສະພາແຫ່ງຊາດ ລາວ ໃນການການຈັດຕັ້ງປະຕິບັດ.