ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

     ຕອນເຊົ້າຂອງວັນພຸດທີ 2 ມີນາ 2022 ຢູ່ທີ່ຫ້ອງປະຊຸມ ສພຂ, ທ່ານ ຄໍາພວງ ເດດກົງພົນ ຮອງເລຂາທິການສະພາປະຊາຊົນແຂວງອຸດົມໄຊ, ມີຄະນະເລຂາທິການ ສພຂ ພ້ອມດ້ວຍຫົວໜ້າ/ຮອງຫົວໜ້າຂະແໜງ ແລະ ວິຊາການຂະແໜງກ່ຽວຂ້ອງ ໄດ້ເຂົ້າຮ່ວມກອງປະຊຸມປະຈໍາປີ 2021 ຂອງສະຖາບັນຄົ້ນຄວ້ານິຕິກໍາ ສະພາແຫ່ງຊາດ ໃນຮູບແບບວີດີໂອທາງໄກ.      ໂດຍການເປັນປະທານຂອງທ່ານ ຢ່າງກູ້ ຢ່າງລືໄຊ ຫົວໜ້າສະຖາ ບັນຄົ້ນຄວ້ານິຕິກໍາ ສະພາແຫ່ງຊາດ, ເປັນກຽດເຂົ້າຮ່ວມໂດຍມີທ່ານນາງ ສູນທອນ ໄຊຍະຈັກ ຮອງປະທານສະພາແຫ່ງຊາດ, ມີບັນດາທ່ານຮອງຫົວໜ້າສະຖາບັນຄົ້ນຄວ້ານິຕິກໍາ ສະພາແຫ່ງຊາດ, ຫົວໜ້າສູນຝຶກອົບຮົມ, ຂໍ້ມູນຂ່າວສານ ແລະ ພະນັກງານວິຊາການທີ່ກ່ຽວຂ້ອງເຂົ້າຮ່ວມ.

ກອງປະຊຸມໄດ້ຮັບຟັງການຜ່ານແຜນພັດທະນາວຽກງານຂອງສະຖາບັນຄົ້ນຄວ້ານິຕິກຳ ສະພາແຫ່ງຊາດ ໄລຍະ 5 ປີ (2021-2025) ແລະ ຜ່ານບົດສະຫຼຸບການເຄື່ອນໄຫວວຽກງານ ປະຈຳປີ 2011 ວາງທິດທາງແຜນການປີ 2022 ຂອງສະຖາບັນຄົ້ນຄວ້ານິຕິກຳສະພາແຫ່ງຊາດ; ຫຼັງຈາກນັ້ນ ໄດ້ມີການສົນທະນາ ແລະ ປະກອບຄໍາຄິດຄໍາເຫັນ.