ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

(ສພຊ) ເພື່ອເປັນການຊົມເຊີຍ, ສະເຫຼີມສະຫຼອງວັນສ້າງຕັ້ງສະຫະພັນແມ່ຍິງລາວ ຄົບຮອບ 67 ປີ (ວັນທີ 20 ກໍລະກົດ 1955-20 ກໍລະກົດ 2022) ໃຫ້ມີຄວາມໝາຍຄວາມສໍາຄັນຍິ່ງຂຶ້ນ ໃນວັນທີ 2 ສິງຫາ 2022 ທີ່ສູນກາງສະຫະພັນແມ່ຍິງລາວ ຄະນະສະຫະພັນແມ່ຍິງສະພາແຫ່ງຊາດ ນໍາໂດຍສະຫາຍ ນາງ ມະນີວັນ ເຢຍປາວເຮີ ປະທານສະຫະພັນແມ່ຍິງສະພາແຫ່ງຊາດ ພ້ອມດ້ວຍຄະນະ ໂດຍມີຕາງໜ້າຈາກບັນດາໜ່ວຍແມ່ຍິງພາຍໃນສະພາແຫ່ງຊາດ ໄດ້ເຂົ້າອວຍພອນສະຫາຍ ນາງ ອິນລາວັນ ແກ້ວບຸນພັນ ປະທານຄະນະບໍລິຫານງານສູນກາງສະຫະພັນແມ່ຍິງລາວ.
​ ໂອກາດດັ່ງກ່າວ ຄະນະ ໄດ້ຮັບຟັງປະຫວັດຄວາມເປັນມາກ່ຽວກັບວັນສ້າງຕັ້ງສະຫະພັນແມ່ຍິງລາວໂດຍຫຍໍ້, ພາລະບົດບາດ, ສິດ ແລະ ໜ້າທີ່, ຂໍ້ສະດວກຂໍ້ຫຍຸ້ງຍາກ ແລະ ທິດທາງແຜນການຕໍ່ໜ້າ ໃນການປະຕິບັດໜ້າທີ່ຂອງສູນກາງສະຫະພັນແມ່ຍິງລາວຢູ່ຂັ້ນສູນກາງ ກໍຄືຢູ່ຂັ້ນທ້ອງຖິ່ນ ຈາກນັ້ນ ທ່ານ ນາງ ມະນີວັນ ເຢຍປາວເຮີ ກໍໄດ້ແຈ້ງໃຫ້ຮູ້ກ່ຽວກັບຜົນງານການເຄື່ອນໄຫວຂອງສະພັນແມ່ຍິງສະພາແຫ່ງຊາດ ທີ່ຍາມໃດຄະນະນໍາສະພາແຫ່ງຊາດ ກໍໄດ້ໃຫ້ຄວາມສໍາຄັນ ພ້ອມທັງຕາງໜ້າ ຄະນະສະຫະພັນແມ່ຍິງສະພາແຫ່ງຊາດ ກ່າວຄໍາອວຍພອນຕໍ່ຄະນະນໍາຄະນະປະທານ ແລະ ບັນດາສະມາຊິກສະຫະພັນແມ່ຍິງລາວທຸກທ່ານ.
(ພາບ ແລະ ຂ່າວ: ສອນສັກ ວັນວິໄຊ)