ໃນວັນທີ 27 ທັນວາ 2022 ທີ່ຫ້ອງວ່າການແຂວງວຽງຈັນ, ຄະນະຜູ້ແທນ ສສ.ຫວຽດນາມນຳໂດຍ ສະຫາຍ ດິງ ກົງ ສີ (ĐinhCôngSỹ) ຮອງປະທານກຳມາທິການວັດທະນະທຳ, ສຶກສາ, ຮອງປະທານຜູ້ປະຈຳການ ຄະນະສະມາຊິກສະພາແຫ່ງຊາດໜຸ່ມ ສະພາແຫ່ງຊາດ ສສ.ຫວຽດນາມ ຊຸດທີ XV ພ້ອມດ້ວຍຄະນະ, ໃຫ້ກຽດຕ້ອນຮັບຂອງ ສະຫາຍ ນາງ ຈັນທະຄອນ ສີອຳພອນ ກຳມະການພັກແຂວງ ຮອງປະທານສະພາປະຊາຊົນແຂວງວຽງຈັນ, ປະທານຄະນະກຳມາທິການວັກທະນະທຳ-ສັງຄົມ ແລະ ບັນດາເຜົ່າ ສະພາປະຊາຊົນແຂວງ ພ້ອມດ້ວຍຄະນະ. ເຊິ່ງຄະນະຜູ້ແທນ ສສ.ຫວຽດນາມ ໄດ້ເຂົ້າພົບປະຢ້ຽມຢາມການນຳແຂວງ ເພື່ອແຈ້ງເຖິງຈຸດປະສົງຂອງການເດີນທາງມາຄັ້ງນີ້ ແລະ ເປັນການຜູກແໜ້ນຄວາມສາມັກຄີລະຫວ່າງສອງພັກສອງລັດ ລາວ-ຫວຽດນາມ, ຫວຽດນາມ-ລາວ ໃຫ້ແໜ້ນແຟ້ນຂຶ້ນກວ່າເກົ່າ, ໃຫ້ກຽດຕ້ອນຮັບຢ່າງອົບອຸ່ນດ້ວຍໄມຕີຈິດມິດຕະພາບ ຂອງ ສະຫາຍ ຄຳພັນ ສິດທິດຳພາ ກຳມະການສູນກາງພັກ ເລຂາພັກແຂວງ ເຈົ້າແຂວງວຽງຈັນ. ຈາກນັ້ນ ຄະນະສະມາຊິກສະພາທັງສອງຝ່າຍກໍ່ໄດ້ຮ່ວມພົບປະກັນ, ສະຫາຍ ນາງ ຈັນທະຄອນ ສີອຳພອນ ກຳມະການພັກແຂວງ ຮອງປະທານສະພາປະຊາຊົນແຂວງວຽງຈັນ, ປະທານຄະນະກຳມາທິການວັດທະນະທຳ-ສັງຄົມ ແລະ ບັນດາເຜົ່າ ສະພາປະຊາຊົນແຂວງ ໄດ້ຕາງໜ້າໃຫ້ແກ່ຄະນະສະມາຊິກສະພາແຫ່ງຊາດປະຈຳເຂດເລືອກຕັ້ງທີ 10 ແຂວງວຽງຈັນ ແລະ ສະມາຊິກສະພາປະຊາຊົນແຂວງວຽງຈັນ ໄດ້ລາຍງານສະພາບການເຄື່ອນໄຫວວຽກງານຂອງຄະນະສະມາຊິກສະພາປະຊາຊົນແຂວງວຽງຈັນ  

ໃນຕ້ອນທ້າຍຂອງກອງປະຊຸມທັງສອງຝ້າຍກໍ່ໄດ້ສະແດງຄວາມຂອບໃຈ ແລະ ອວຍພອນໃຫ້ການຢ້ຽມຢາມ ແລະ ເຮັດວຽກຢູ່ ສປປ ລາວ ຄັ້ງນີ້ ຈົ່ງປະສົບຜົນສໍາເລັດຢ່າງຈົບງາມ ແລະ ຂໍອວຍພອນໃຫ້ຄະນະຈົງກັບຄືນປະເທດດ້ວຍຄວາມສະຫັວດດີພາບທຸກປະການ.