ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນຄັ້ງວັນທີ 20 ກັນຍາ 2022 ຄະນະສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງງອຍ ແຂວງຫຼວງພະບາງ ໄດ້ເປີດກອງປະຊຸມສະຫຼຸບການຈັດຕັ້ງປະຕິບັດວຽກງານ ຈຳປະຈຳ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2022 ໂດຍການເປັນປະທານຂອງ ທ່ານ ສົມພອນ ສີອຸດົມພັນ ຮອງປະທານສະພາປະຊາຊົນແຂວງ, ໃຫ້ກຽດເຂົ້າຮ່ວມມີທ່ານ ບຸນເມືອງ ໄຊຍະສິດ ກຳມະການພັກແຂວງ-ເລຂາພັກເມືອງ-ເຈົ້າເມືອງງອຍ ແລະ ບັນດາທ່ານ ກຳມະການຄະນະປະຈຳພັກເມືອງ-ກຳມະການພັກເມືອງ ແລະ ສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງງອຍຈຳນວນ 3 ທ່ານ ເຂົ້າຮ່ວມ.

ກອງປະຊຸມໄດ້ຮັບຟັງການລາຍງານ ການຈັດຕັ້ງປະຕິບັດບັດ ວຽກງານ ຈຳປະຈຳ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2022 ຂອງສະມາຊິກສະພາປະຊາຊົນແຂວງ ປະຈຕຳເຂດເລືອກຕັ້ງເມືອງງອຍ ແຂວງຫຼວງພະບາງ ໂດຍທ່ານ ບຸນເຕັມ ອະໄພສະຫວັດ ຮອງເລຂາພັກເມືອງ, ຫົວໜ້າຄະນະສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງງອຍ, ຈາກນັ້ນບັນດາທ່ານ ສະມາຊິກສະພາ ປະຈຳເມືອງ ແລະ ບັນດາທ່ານ ທີ່ເຂົ້າຮ່ວມກໍ່ໄດ້ພັດປ່ຽນກັນປະກອບຄຳຄິດ-ຄຳເຫັນຕໍ່ບົດລາຍງານດັ່ງກ່າວ.

ຈາກນັ້ນ ກອງປະຊຸມໄດ້ຮັບຟັງການໂອ້ລົມຈາກທ່ານ ສົມພອນ ສີອຸດົມພັນ ຕືມອີກ, ພາຍຫຼັງທີ່ທ່ານໄດ້ໂອ້ລົມແລ້ວຕໍ່ກອງປະຊຸມແລ້ວ ທ່ານຍັງໄດ້ນຳເອົາເຄື່ອງຄອມພິວເຕີຕັ້ງໂຕະ ຈຳນວນ 1ຊຸດ, ມູນຄ່າ 4.700.000 ກີບ ມອບໃຫ້ຄະນະສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງ ແລະ ທ່ານ ສຸວິລັດ ພັນສຸເດດ ສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງ, ຮອງປະທານຄະນະກຳມະການວັດທະນະທຳ-ສັງຄົມ ແລະ ບັນດາເຜົ່າ ໄດ້ມອບອຸປະກອບກິລາ ( ໝາກບຸ່ນ ) ຈຳນວນ 4 ຊູຸດ, ມູນຄ່າ 780.000 ກີບ ໃຫ້ແກ່ຫ້ອງການຊາວໜຸ່ມເມືອງ.

ຂ່າວ: ເພັດສະໝອນ ທໍາມຸງຄຸນ