ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ຄະນະຜູ້ແທນລາວ ເຂົ້າຮ່ວມກອງປະຊຸມກຳມາທິການສັງຄົມ

​ພ.ຈ. 24, 2022 | SlideMobile

(ສພຊ) ໃນຕອນເຊົ້າຂອງວັນອັງຄານທີ 22 ພະຈິກ 2022 ທີ່ພະນົມເປັນ ຣາຊະອະນາຈັກກໍາປູເຈຍ ທ່ານ ນາງ ທຸມມະລີ ວົງພະຈັນ ປະທານກໍາມາທິການວັດທະນະທໍາ-ສັງຄົມ ສະພາແຫ່ງຊາດລາວ ພ້ອມດ້ວຍຄະນະໄດ້ເຂົ້າຮ່ວມກອງປະຊຸມກໍາມາທິການສັງຄົມ ເນືອງໃນໂອກາດເຂົ້າຮ່ວມກອງປະຊຸມ AIPA ຄັ້ງທີ 43 ທີ່ພະນົມເປັນ ມີບັນດາຄະນະຜູ້ແທນຈາກປະເທດສະມາຊິກອາຊຽນເຂົ້າຮ່ວມ ໂອກາດດັ່ງກ່າວຜູ້ແທນກອງປະຊຸມໄດ້ພິຈາລະນາ ຄົ້ນຄວ້າປະກອບຄໍາຄິດຄໍາເຫັນ ຕໍ່ເນື້ອໃນຂອງບັນດາຮ່າງມະຕິຢ່າງກົງໄປກົງມາ, ລະອຽດ, ຖີ່ຖ້ວນ ແລະ ສາມາດ ຮັບຮອງເອົາທັງໝົດ 04 ຮ່າງມະຕິ ດັ່ງກ່າວ ຄື:
1) ມະຕິວ່າດ້ວຍການຮັບຮອງເອົາບົດລາຍງານຂອງກອງປະຊຸມຄະນະກໍາມະການໄອປາກ່ຽວກັບໄພອັນຕະລາຍຂອງຢາເສບຕິດ (AIPACODD) ຄັ້ງທີ 5 ແລະ ມະຕິວ່າດ້ວຍການຮັບມືກັບສິ່ງທ້າທາຍຮ່ວມກັນເພື່ອສ້າງອາຊຽນປອດຢາເສບຕິດ;
2) ມະຕິວ່າດ້ວຍການເພີ່ມທະວີການຫັນເປັນດີຈີຕອນ ເພື່ອການປົກປ້ອງສັງຄົມຢ່າງເທົ່າທຽມ;
3) ມະຕິວ່າດ້ວຍການສົ່ງເສີມການປົກປ້ອງສຸຂະພາບສັງຄົມ ເພື່ອແກ້ໄຂບັນດາສິ່ງທ້າທາຍໃນອາຊຽນ;
4) ມະຕິວ່າດ້ວຍການຊຸກຍູ້ການພົວພັນຮ່ວມມືກັບຊາວໜຸ່ມເພື່ອປະຊາຄົມອາຊຽນທີ່ຍືນຍົງ, ຢືດຢຸ່ນ ແລະ ວັດທະນາຖາວອນ.
Report by: ND