ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ຄະນະຜູ້ແທນລາວເຂົ້າຮ່ວມກອງປະຊຸມກໍາມາທິການການເມືອງ

​ພ.ຈ. 23, 2022 | SlideMobile

(ສພຊ) ໃນຕອນເຊົ້າຂອງວັນອັງຄານທີ 22 ພະຈິກ 2022 ທີ່ພະນົມເປັນ ຣາຊະອະນາຈັກກໍາປູເຈຍ ທ່ານ ສັນຍາ ປຣະເສີດ ປະທານກໍາມາທິການການຕ່າງປະເທດ ສະພາແຫ່ງຊາດລາວ ພ້ອມດ້ວຍຄະນະໄດ້ເຂົ້າຮ່ວມກອງປະຊຸມກໍາມາທິການການເມືອງ ເນື່ອງໃນໂອກາດເຂົ້າຮ່ວມກອງປະຊຸມ AIPA ຄັ້ງທີ 43 ທີ່ພະນົມເປັນ ຮ່ວມກັບບັນດາຄະນະຜູ້ແທນຈາກປະເທດສະມາຊິກອາຊຽນ ໂອກາດດັ່ງກ່າວ ຜູ້ແທນກອງປະຊຸມໄດ້ຜັດປ່ຽນກັນປະກອບຄໍາຄິດຄໍາເຫັນໃສ່ຮ່າງມະຕິວ່າດ້ວຍການຮັບຮອງເອົາບົດລາຍກອງປະຊຸມຄະນະປະສານງານໄອປາ (AIPA Caucas) ຄັ້ງທີ 13;ຮ່າງມະຕິວ່າດ້ວຍການຮັບຮອງເອົາບົດລາຍງານກອງປະຊຸມພົບປະລະຫວ່າງຜູ້ນຳໄອປາ ແລະ ອາຊຽນ ໃນລະຫວ່າງກອງປະຊຸມຊຸດຍອດຜູ້ນຳອາຊຽນ ຄັ້ງທີ 40 ແລະ 41; ຮ່າງມະຕິວ່າດ້ວຍການສົ່ງເສີມສັນຕິພາບ, ຄວາມສາມັກຄີ, ລັດທິຫຼາຍຝ່າຍໃຫ້ແກ່ການເປັນແກນກາງຂອງອາຊຽນ (ກຳປູເຈຍ) ແລະ ຮ່າງມະຕິວ່າດ້ວຍການສົ່ງເສີມການທູດລັດຖະສະພາ ກ່ຽວກັບຄວາມໝັ້ນຄົງທາງທະເລ ເພື່ອຄວາມສະຖຽນລະພາບ ໃນອາຊຽນ (ອິນໂດເນເຊຍ).