![](https://na.gov.la/wp-content/uploads/2022/05/281387451_2025464384307946_7919232581708236955_n.jpeg)
![](https://na.gov.la/wp-content/uploads/2022/05/281420225_2025464277641290_3345878104541244558_n.jpeg)
![](https://na.gov.la/wp-content/uploads/2022/05/281490335_2025464350974616_7876480796158446364_n.jpeg)
ການຢ້ຽມຢາມຄັ້ງນີ້ ມີຂຶ້ນໃນທ່າມກາງບັນຍາກາດການສະເຫລີມສະຫລອງປີສາມັກຄີມິດຕະພາບ ລາວ-ຫວຽດນາມ ປີ 2022 ກໍຄືວັນສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 60 ປີ (5/9/1962-5/9/2022) ແລະ ວັນເຊັນສົນທິສັນຍາມິດຕະພາບ ແລະ ການຮ່ວມມື ລະຫວ່າງ ລາວ-ຫວຽດນາມ ຄົບຮອບ 45 ປີ (18/7/1977-18/7/2022) ເຊິ່ງເປັນການສືບຕໍ່ຮັດແໜ້ນ ແລະ ເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ເວົ້າລວມ, ເວົ້າສະເພາະ ລະຫວ່າງ ສອງສະພາແຫ່ງຊາດ ຂອງສອງປະເທດ ໃຫ້ນັບມື້ເຂົ້າສູ່ລວງເລິກ ແລະ ແຕກດອກອອກຜົນຍິ່ງໆຂຶ້ນ.![](data:image/gif;base64,R0lGODdhAQABAPAAAMPDwwAAACwAAAAAAQABAAACAkQBADs=)
![](https://na.gov.la/wp-content/uploads/2022/05/281365445_2025464377641280_825012824820156487_n.jpeg)
ໃນຕອນບ່າຍຂອງວັນທີ 15 ພຶດສະພາ 2022, ຄະນະຜູ້ແທນຂັ້ນສູງສະພາແຫ່ງຊາດຫວຽດນາມ ໄດ້ ເຂົ້າຮ່ວມພິທີເປີດ ໂຄງການກໍ່ສ້າງສວນສາທາລະນະມິດຕະພາບ ລາວ-ຫວຽດນາມ, ຢ້ຽມຢາມທະນາຄານ BIDV, ພົບປະກັບສະມາຄົມນັກທຸລະກິດ ຫວຽດນາມ ແລະ ພົບປະຢ້ຽມຢາມພະນັກງານສະຖານທູດຫວຽດນາມ.![](data:image/gif;base64,R0lGODdhAQABAPAAAMPDwwAAACwAAAAAAQABAAACAkQBADs=)
![](https://na.gov.la/wp-content/uploads/2022/05/281610632_2025464344307950_5476703826757882331_n.jpeg)
ໃນຕອນເຊົ້າຂອງວັນທີ 16 ພຶດສະພາ 2022 ພາຍຫລັງທີ່ຄະນະຜູ້ແທນຂັ້ນສູງຂອງສະພາແຫ່ງຊາດ ຫວຽດນາມ ໄດ້ວາງພວງມາລາ ທີ່ອະນຸສາວະລີນັກຮົບນິລະນາມແລ້ວ, ຄະນະ ໄດ້ເຂົ້າຮ່ວມພິທີຕ້ອນຮັບ ເຊິ່ງຈັດຂຶ້ນຢ່າງເປັນທາງການ ແລະ ສົມກຽດ ທີ່ຫໍສະພາແຫ່ງຊາດລາວ ໂດຍສະຫາຍ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານສະພາແຫ່ງຊາດລາວ ພ້ອມດ້ວຍບັນດາສະຫາຍຮອງປະທານສະພາແຫ່ງຊາດ, ກໍາມະການຄະນະປະຈໍາ, ປະທານ-ຮອງປະທານກໍາມາທິການ, ຄະນະເລຂາທິການ ແລະ ພະນັກງານ-ລັດຖະກອນ ຂອງສະພາແຫ່ງຊາດລາວ ເຂົ້າຮ່ວມຢ່າງພ້ອມພຽງ.![](data:image/gif;base64,R0lGODdhAQABAPAAAMPDwwAAACwAAAAAAQABAAACAkQBADs=)
![](https://na.gov.la/wp-content/uploads/2022/05/281640335_2025464454307939_6283150799582671533_n.jpeg)
ພາຍຫລັງພິທີຕ້ອນຮັບຢ່າງເປັນທາງການແລ້ວ, ສະຫາຍປະທານສະພາແຫ່ງຊາດລາວ ແລະ ຫວຽດນາມ ໄດ້ດໍາເນີນການພົບປະສອງຝ່າຍຢ່າງເປັນທາງການ, ສອງຝ່າຍ ໄດ້ຮ່ວມກັນຕີລາຄາຄືນ ການພົວພັນ ແລະ ການຮ່ວມມື ລະຫວ່າງ ສອງປະເທດ ກໍຄື ລະຫວ່າງ ສອງສະພາແຫ່ງຊາດ ລາວ-ຫວຽດນາມ ໃນໄລຍະຜ່ານມາ ແລະ ປຶກສາຫາລືທິດທາງແຜນການພົວພັນຮ່ວມມືໃນຕໍ່ໜ້າ ເປັນຕົ້ນແມ່ນການສືບຕໍ່ຈັດຕັ້ງປະຕິບັດ ເນື້ອໃນຈິດໃຈ ຂອງບົດບັນທຶກ ວ່າດ້ວຍການຮ່ວມມື ລະຫວ່າງ ສອງປະທານສະພາແຫ່ງຊາດ, ການຮ່ວມກັນຈັດບັນດາກິດຈະກໍາສະເຫລີມສະຫລອງປີສາມັກຄີມິດຕະພາບ ລາວ-ຫວຽດນາມ ປີ 2022 ກໍຄືການແລກປ່ຽນ ຄະນະຜູ້ແທນ, ການຈັດຕັ້ງກອງປະຊຸມສໍາມະນາແລກ ປ່ຽນບົດຮຽນ, ການຮ່ວມກັນຕິດຕາມກວດກາ, ການຮ່ວມມື ສະໜັບສະໜູນ ເຊິ່ງກັນ ແລະກັນ ໃນເວທີລັດຖະສະພາພາກພື້ນ ແລະ ສາກົນ ເຊັ່ນ: IPU, AIPA, APPF, APF ແລະ ອື່ນໆ. ປະທານສະພາແຫ່ງຊາດລາວ ໄດ້ສະແດງຄວາມຂອບໃຈຕໍ່ ສະຫາຍ ປະທານສະພາແຫ່ງຊາດຫວຽດນາມ ທີ່ຈະໃຫ້ການຮ່ວມມື ແລະ ສະໜັບສະໜູນ ແກ່ສະພາແຫ່ງຊາດລາວ ໃນການເປັນເຈົ້າພາບຈັດກອງປະຊຸມສະພາແຫ່ງຊາດ ຂອງ 3 ປະເທດ ກຳປູເຈຍ-ລາວ-ຫວຽດນາມ (CLV) ໃນປີ 2023 ແລະ ກອງປະຊຸມໃຫຍ່ສະມັດຊາລັດຖະສະພາ ລະຫວ່າງຊາດອາຊຽນ (AIPA) ຄັ້ງທີ 45 ໃນປີ 2024 ໜ້ານີ້. ![](data:image/gif;base64,R0lGODdhAQABAPAAAMPDwwAAACwAAAAAAQABAAACAkQBADs=)
![](https://na.gov.la/wp-content/uploads/2022/05/280699806_2025464417641276_1698307907245125774_n.jpeg)
ພາຍຫລັງການພົບປະ, ສອງປະທານສະພາແຫ່ງຊາດ ກໍໄດ້ຮ່ວມລົງນາມ ໃນບົດບັນທຶກ ວ່າດ້ວຍການຮ່ວມມື ລະຫວ່າງ ສອງສະພາແຫ່ງຊາດ ແລະ ຮ່ວມກັນເປັນສັກຂີພິຍານ ໃນພິທີເຊັນບົດບັນທຶກການຮ່ວມມື ລະຫວ່າງ ກໍາມາທິການບັນດາເຜົ່າ, ສະພາແຫ່ງຊາດລາວ ແລະ ສະພາຊົນຊາດ, ສະພາແຫ່ງຊາດຫວຽດນາມ, ລະຫວ່າງ ຄະນະເລຂາທິການສະພາແຫ່ງຊາດລາວ ແລະ ຫ້ອງວ່າການສະພາແຫ່ງຊາດຫວຽດນາມ ເຊິ່ງເປັນນິຕິກໍາບ່ອນອີງ ໃຫ້ແກ່ການພົວພັນຮ່ວມມື ລະຫວ່າງ ສອງອົງການນິຕິບັນຍັດໃນຕໍ່ໜ້າ. ຈາກນັ້ນ, ສອງຝ່າຍ ກໍໄດ້ຮ່ວມກັນປູກຕົ້ນໄມ້ ຢູ່ ຂ້າງຫໍສະພາແຫ່ງຊາດຫລັງໃໝ່.![](data:image/gif;base64,R0lGODdhAQABAPAAAMPDwwAAACwAAAAAAQABAAACAkQBADs=)
![](https://na.gov.la/wp-content/uploads/2022/05/281632206_2025464434307941_3252850260734963250_n.jpeg)
ໃນໄລຍະຢ້ຽມຢາມຢູ່ ສປປລາວ, ສະຫາຍ ປະທານສະພາແຫ່ງຊາດຫວຽດນາມ ໄດ້ເຂົ້າຢ້ຽມຂໍ່ານັບ ສະຫາຍ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ, ສະຫາຍ ນາຍົກລັດຖະມົນ ຕີ, ບັນດາ ສະຫາຍອະດີດການນໍາ ພັກ, ລັດ ແລະ ສະພາແຫ່ງຊາດ ແຫ່ງ ສປປລາວ. ໃນການພົບປະ, ບັນດາສະຫາຍ ການນໍາ, ອະດີດການນໍາ ຂອງ ພັກ, ລັດ ແລະ ສະພາແຫ່ງຊາດ ໄດ້ຕີລາຄາການພົວພັນຮ່ວມມືສອງຝ່າຍ ຫລາຍໄລຍະຜ່ານມາ ແລະ ພິເສດ ກາມຢ້ຽມຢາມຄັ້ງນີ້ ພໍດີ ຢູ່ໃນບັນຍາກາດສະຫລອງສອງວັນປະຫວັດສາດ ກໍຄື ວັນສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 60 ປີ (5/9/1962-5/9/2022) ແລະ ວັນເຊັນສົນທິສັນຍາມິດຕະພາບ ແລະ ການຮ່ວມມື ລະຫວ່າງ ລາວ-ຫວຽດນາມ ຄົບຮອບ 45 ປີ (18/7/1977-18/7/2022) ປະຊາຊົນລາວບັນດາເຜົ່າ ສະແດງຄວາມຮູ້ບຸນຄຸນເປັນຢ່າງສູງ ແລະ ຂອບໃຈຢ່າງຈິງໃຈ ມາຍັງ ພັກ, ສະພາແຫ່ງຊາດ, ລັດຖະບານ ແລະ ປະຊາຊົນຫວຽດນາມອ້າຍນ້ອງ ຕໍ່ການສະໜັບສະໜູນ ແລະ ການຊ່ວຍເຫລືອອັນໃຫຍ່ຫລວງ, ລໍ້າຄ່າ ແລະ ທັນການ ໃນພາລະກິດຕໍ່ສູ້ກູ້ຊາດໃນເມື່ອກ່ອນ ກໍຄືພາລະກິດປົກປັກຮັກສາ ແລະ ສ້າງສາປະເທດຊາດ ໃນປັດຈຸບັນ.![](data:image/gif;base64,R0lGODdhAQABAPAAAMPDwwAAACwAAAAAAQABAAACAkQBADs=)
![](https://na.gov.la/wp-content/uploads/2022/05/WhatsApp-Image-2022-05-16-at-10.12.45-AM.jpeg)