ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນຕອນເຊົ້າວັນທີ 11 ສິງຫາ 2022 ຄະນະຈໍາສະພາປະຊາຊົນແຂວງສະຫວັນນະເຂດ ເຊິ່ງນຳໂດຍ ທ່ານ ຄໍາຜັນ ຄູນສະຫວັນ ຄະນະປະຈໍາພັກແຂວງ ຮອງປະທານສະພາປະຊາຊົນແຂວງ ສະມາຊິກສະພາແຫ່ງຊາດ ປະຈໍາເຂດເລືອກຕັ້ງ ທີ 13, ໄດ້ລົງຕິດຕາມສະພາບນ້ຳຖ້ວມ ແລະບ້ານທີ່ຖືກຜົນກະທົບຂອງເມືອງທ່າປາງທອງ ໂດຍການຕ້ອມຮັບຂອງທ່ານ ຄຳປະສົງ ຂົງຄຳ ເຈົ້າເມືອງ ທ່າປາງທອງ. ໂອກາດນີ້ ກໍໄດ້ຮັບຟັງການລາຍ ໂດຍສັງເຂບ ຈາກ ທ່ານ ບຸນຍົງ ຍົດສີຟອງ ຮອງເຈົ້າເມືອງ ໄດ້ລາຍງານໃຫ້ຮູ້ວ່າໃນໄລຍະແຕ່ວັນທີ 6-9 ສິງຫາ 2022 ຢູ່ເມືອງທ່າປາງທອງ ໄດ້ເກີດມີສະພາບຝົນຕົກຕິດຕໍ່ກັນເຮັດໃຫ້ເກີດມີນໍ້າຂັງ ແລະ ຖ້ວມບ້ານເຮືອນ ລວມທັງເນື້ອທີ່ທຳການຜະລິດຂອງພໍ່ແມ່ປະຊາຊົນຈຳນວນໜຶ່ງ ຕາມສາຍນ້ຳເຊປ໋ອງ ຕໍ່ກັບສະພາບການດັ່ງກ່າວການນໍາຂອງເມືອງພ້ອມດ້ວຍຄະນະກໍາມະການຕ້ານໄພພິບັດຂັ້ນເມືອງ ໄດ້ລົງຕິດຕາມສະພາບນໍ້າຖ້ວມຢູ່ບ້ານທີ່ໄດ້ຮັບຜົນກະທົບ ແລະ ໄດ້ນຳໃຊ້ກຳລັງທະຫານ-ຕຳຫຼວດ, ພະນັກງານ-ລັດຖະກອນ ສຸມໃສ່ໃຫ້ການຊ່ວຍເຫຼືອພໍ່ແມ່ປະຊາຊົນເຮັດໃຫ້ມີຄວາມປອດໄພໂດຍພື້ນຖານ ປັດຈຸບັນສະພາບນ້ຳຢູ່ໃນເກນປົກກະຕິ; ຜ່ານການເກັບກໍາຂໍ້ມູນເບື້ອງຕົ້ນ ບ້ານທີ່ໄດ້ຮັບຜົນກະທົບທັງຫມົດ 10 ບ້ານ ມີດັ່ງນີ້:

  1. ບ້ານ ແລະ ຄອບຄົວທີ່ໄດ້ຮັບຜົນກະທົບຫນັກຈາກໄພນໍ້າຖ້ວມ

1) ບ້ານຫ້ວຍໝື່ນ ຖ້ວມເຮືອນ 35 ຫຼັງ, ເລົ້າເຂົ້າ 22 ຫຼັງ ( ໄຫຼ 01 ຫຼັງ ), ວິດຖ່າຍ 30 ຫົວ, ນໍ້າບາດານ 3 1 ບໍ່, ໝອງ  ປາ ແລະ ເນື້ອທີ່ນາ ຈໍານວນໜຶ່ງ.

2) ບ້ານກຸດຮີ ( ຄຸ້ມກຸດສໍາພັນ ), ຖ້ວມເຮືອນ 15 ຫຼັງ, ວັດ 01 ແຫ່ງ, ໝອງປາ ແລະ ເນື້ອທີ່ນາ ຈໍານວນໝຶ່ງ.

3) ບ້ານທ່າສະລາຄໍາ ຖ້ວມເຮືອນ 19 ຫຼັງ, ບ້ານພັກ 01 ຫຼັງ.

4) ບ້ານໂນນຈານ, ບ້ານໝອງກັນ, ບ້ານນາຫົວຄວາຍ, ບ້ານພູແສງຄໍາ, ບ້ານໃຫມ່ໂພສີ ( ຄຸ້ມໃຫມ່ເຊ ) ບ້ານທົ່ງປາງ

ແລະ ບ້ານບຸດຕະພານ ຖ້ວມເນື້ອທີ່ນາ, ໝອງປາ, ຝາຍລວມ ແລະ ພື້ນຖານໂຄງລ່າງຈໍານວນໜຶ່ງ.

  1. ດ້ານພື້ນຖານໂຄງລ່າງ: ມີຫົວຂົວຂາດ, ຊຸດ ແລະ ເປ່ເພຈໍານວນ 04 ແຫ່ງ, ໃນນັ້ນ, ຫົວຂົວຂາດ 01 ແຫ່ງ ( ຂົວແກ້ງແກບ ຢູ່ເສັ້ນທາງເລກທີ 2.6313 ຈຸດກິໂລແມັດທີ 36 ມີ 11 ແຫ່ງ ); ຂົວເບເລ ຊຸດມີ 02 ແຫ່ງ ( ຂົວເບເລ ບ້ານທ່າສະລາຄໍາ 01 ແຫ່ງ ແລະ ຂົວເບຕົງບ້ານຫ້ວຍຫມື່ນຢູ່ເສັ້ນທາງ 2.63 13 ຈຸດກິໂລແມັດທີ 42 ) ແລະ ເປ້ເພຫນັກ 01 ແຫ່ງ ( ຂົວເບເລບ້ານຫ້ວຍໝື່ນ ) ບໍ່ສາມາດທຽວໄດ້, ໄດ້ຊຸກຍູ້ໃຫ້ອໍານາດການປົກຄອງບ້ານ ແລະ ພໍ່ ແມ່ ປະຊາຊົນ ຢູ່ໃນເຂດທີ່ມີຄວາມສ່ຽງ ຍົກຍ້າຍຜູ້ຄົນ, ສິ່ງຂອງ ແລະ ສັດລ້ຽງໄປຢູ່ຈຸດທີ່ສູງ, ເສັ້ນທາງຄົມມະນາຄົມ ແລະ ດ້ານຜົນເສຍຫາຍອື່ນໆ ຍັງບໍ່ທັນສາມາດປະເມີນໄດ້ ແລະ ລາຍງານໃຫ້ທ່ານຮັບຊາບຕາມພາຍຫຼັງ. ຈາກນັ້ນ ກໍ່ໄດ້ລົງຕິດຕາມ ຊຸກຍູ້ ອຳນາດການປົກຄອງ ພ້ອມທັງລົງເບິ່ງຈຸດສະຖານທີ ທີ່ໄດ້ຮັບຜົນກະທົບ ແລະ ເສຍຫາຍຕາມຈຸດຕ່າງໆ ຕໍສະພາບການດັ່ງກ່າວ ຄະນະການນຳຂອງສະພາປະຊາຊົນແຂວງ ກໍ່ໄດ້ມອບເຄື່ອງເຫຼືອໃຫ້ເມືອງ ເພື່ອນຳໄປມອບ ແລະ ແຈກຍາຍໃຫ້ຄອບຄົວທີ່ໄດ້ຮັບຜົນກະທົບ ເຄື່ອງທີ່ນຳມາມອບໃນຄັ້ງນີ ປະກອບມີ ນ້ຳດື່ມ 100 ແພັກ, ໝີ່ 5 ແກັດ, ປາກະປ໋ອງ 3 ແກັດ ໂດຍຕ່າງໜ້າໃຫ້ກຽດມອບຂອງທ່ານ ຄຳຜັນ ຄູນສະຫວັນ ຮອງປະທານສະພາປະຊາຊົນແຂວງສະຫວັນນະເຂດ ຕ່າງໜ້າ ຮັບຂອງທ່ານຄໍາປະສົງ ຂົງຄໍາ ເຈົ້າເມືອງທ່າປາງທອງ.