ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

(ສປນວ) ວັນທີ 28 ກັນຍາ 2022, ທ່ານ ນາງ ເກດມະນີ ບັນດາສັກ, ປະທານ ຄະນະກຳມະການວັດທະນະກຳ-ສັງຄົມ ແລະ ບັນດາເຜົ່າ  ສປນວ ພ້ອມດ້ວຍຄະນະ ໄດ້ລົງເຄື່ອນໄຫວຊຸກຍູ້ ແລະ ຕິດຕາມກວດກາການຈັດຕັ້ງປະຕິບັດວຽກງານຂົງ ເຂດບັນດາເຜົ່າ ຢູ່ເມືອງສີສັດຕະນາກ ນວ ໂດຍການຕ້ອນຮັບຂອງ ທ່ານ ວິໄລກອນ ສູນດາລາ, ຮອງເລຂາພັກເມືອງ, ປະທານ ແນວລາວສ້າງຊາດ ເມືອງສີສັດຕະນາກ ນວ, ມີຄະນະສະມາຊິກສະພາປະຊາຊົນ ປະຈຳເຂດເລືອກຕັ້ງເມືອງ, ບັນດາທ່ານ ຫົວໜ້າຫ້ອງການກ່ຽວຂ້ອງອ້ອມຂ້າງເມືອງເຂົ້າຮ່ວມ.

ທ່ານ ວິໄລກອນ ສູນດາລາ ໄດ້ລາຍງານໃຫ້ຊາບວ່າ: ເມືອງສີສັດຕະນາກ ນວ ມີທັງ ໝົດ  37 ບ້ານ ເຊິ່ງປະກອບດ້ວຍເຜົ່າຕ່າງໆລວມທັງໝົດ 11 ຊົນເຜົ່າ ຄື: ຊົນເຜົ່າລາວລຸ່ມ,  ຊົນເຜົ່າໄຕ, ຊົນເຜົ່າພູ້ໄທ, ຊົນເຜົ່າຍວນ, ຊົນເຜົ່າໄທເໜືອ, ຊົນເຜົ່າລື້, ຊົນເຜົ່າກຶກມຸ, ຊົນເຜົ່າກະຕ່າງ, ຊົນເຜົ່າແຢະ, ຊົນເຜົ່າຜູ້ນ້ອຍ ແລະ ຊົນເຜົ່າມົ້ງ;   ໃນນັ້ນ, ຊົນເຜົ່າລາວລຸ່ມກວມເອົາ  98%,  ປະຊາຊົນບັນດາເຜົ່າໃນທົ່ວເມືອງ ມີຄວາມເຊື່ອຖືສາສະໜາເປັນສິ່ງຍຶດໜ່ຽວຈິດໃຈ  ເຊິ່ງປະກອບດ້ວຍ 4 ສາສະໜາ   ຄື: ສາສະໜາພຸດ, ສາສະໜາກາໂທຣິດ, ສາສະໜາບາຮ່າຍ ແລະ  ສາສະໜາອິດ    ສະຣາມ, ໃນນັ້ນ ສາສະໜາພຸດ ກວມເອົາ 92%,  ມີ 34 ວັດ ແລະ ມີໂບດ 2 ແຫ່ງ,   ເຊິ່ງວຽກງານເຜົ່າ,  ວຽກງານສາສະໜາຢູ່ໃນພາຍເມືອງ  ເຫັນວ່າເປັນປົກກະຕິ   ໂດຍພື້ນຖານ, ການປະຕິບັດວຽກງານດັ່ງກ່າວແມ່ນໄດ້ປະຕິບັດເຄື່ອນໄຫວຕາມດຳລັດ 315/ລບ ແລະ ທໍາມະນູນປົກຄອງສົງ ແຫ່ງ ສປປ ລາວ.

    ນອກຈາກນັ້ນ,  ຍັງໄດ້ຮັບຟັງການລາຍງານວຽກງານຂົງເຂດເສດຖະກິດ-ສັງຄົມຂອງເມືອງອີກດ້ວຍ. ໂອກາດດັ່ງກ່າວ, ຄະນະລົງເຮັດວຽກກໍໄດ້ມີການແລກປ່ຽນຄຳຄິດຄຳເຫັນຕໍ່ການລາຍງານ ແລະ ມີຂໍ້ສະເໜີ   ເພື່ອໃຫ້ພາກສ່ວນທີ່ກ່ຽວຂ້ອງນຳໄປປັບປຸງຂໍ້ຄົງຄ້າງ ຂອງວຽກງານດັ່ງກ່າວໃນຕໍ່ໜ້າ.

ໃນຕອນທ້າຍ, ທ່ານ ນາງ ເກດມະນີບັນດາສັກ, ປະທານ ຄະນະກຳມະການວັດທະນະທຳ-ສັງຄົມ ແລະ ບັນດາເຜົ່າ ສປນວ ກໍໄດ້ມີທິດຊີ້ນຳຕໍ່ການປະກອບຄຳເຫັນໃນກອງປະຊຸມ ແລະ ສະແດງຄວາມຍ້ອງຍໍຊົມເຊີຍຕໍ່ການນຳເມືອງ, ບັນດາຫ້ອງ ການເມືອງ ແລະ ທຸກພາກສ່ວນກ່ຽວຂ້ອງ ທີ່ໄດ້ຕັ້ງໜ້າປະຕິບັດໜ້າທີ່ດ້ວຍຄວາມຫ້າວຫັນ ໃຫ້ສືບຕໍ່ເອົາໃຈໃສ່ປະຕິບັດບັນດາຄາດໝາຍ ແລະ ທິດທາງໃນຕໍ່ໜ້າທີ່ກຳນົດໄວ້ໃຫ້ບັນລຸຄາດໝາຍ ແລະ ສຳເລັດຕາມແຜນການທີ່ວາງໄວ້ ຢ່າງມີປະສິດທິພາບ ແລະ ປະສິດທິຜົນ.

ໃນຕອນບ່າຍຂອງວັນດຽວກັນນັ້ນ, ຄະນະລົງເຮັດວຽກກໍໄດ້ລົງຢ້ຽມຢາມ ໂຮງງານປາແດກຮຸ່ງເມືອງສິນ ເຊິ່ງເປັນສິນຄ້າໜຶ່ງເມືອງ ໜຶ່ງຜະລິດຕະພັນ, ທີ່ບ້ານຈອມເຜັດເໜືອ ເມືອງສີສັດຕະນາ ນວ. ( ນາງ ໂຮງທ່າວ ຊົງເຢີ )