ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

           ຕອນເຊົ້າ ວັນທີ 23 ມິຖຸນາ 2022 ນີ້, ຄະນະເລຂາທິການສະພາປະຊາຊົນ ແຂວງຫົວພັນ ໄດ້ຈັດກອງປະຊຸມສະຫລຸບການເຄື່ອນໄຫວວຽກງານ ປະຈຳ 06 ເດືອນ ຕົ້ນປີ ແລະ ທິດທາງແຜນການ 06 ເດືອນທ້າຍປີ 2022 ຂອງຄະນະເລຂາທິການສະພາປະຊາຊົນ ແຂວງຫົວພັນ ຂຶ້ນ ທີ່ຫ້ອງປະຊຸມ ສະພາປະຊາຊົນແຂວງ ໂດຍການເປັນປະທານຂອງ ທ່ານ ຄຳຟອງ ກົ້ວມີໄຊ ກຳມະການຄະນະປະຈຳ, ເລຂາທິການສະພາປະຊາຊົນ ແຂວງຫົວພັນ ເປັນກຽດເຂົ້າຮ່ວມຂອງ ທ່ານ ສົມສັກ ດອນຈານິດ ກຳມະການພັກແຂວງ, ຮອງປະທານສະພາປະຊາຊົນແຂວງ ຜູ້ຊີ້ນຳວຽກງານຄະນະເລຂາທິການສະພາປະຊາຊົນແຂວງ, ມີບັນດາທ່ານຄະນະປະຈຳ, ຄະນະກໍາມະການ, ຄະນະເລຂາທິການ ແລະ ພະນັກງານ-ລັດຖະກອນ ເຂົ້າຮ່ວມທັງໝົດ.
ກອງປະຊຸມ ໄດ້ຮັບຟັງການຜ່ານຮ່າງ ບົດສະຫລຸບ ການເຄື່ອນໄຫວວຽກງານ ປະຈຳ 06 ເດືອນ ຕົ້ນປີ ແລະ ທິດທາງແຜນການ 06 ເດືອນທ້າຍປີ 2022 ຈາກທ່ານ ນ. ພອນສີ ໄຊຍະບຸນ ຮອງເລຂາທິການສະພາປະຊາຊົນແຂວງ. ກອງປະຊຸມດັ່ງກ່າວ ໂດຍປະຕິບັດຕາມກົດໝາຍ ວ່າດ້ວຍສະພາປະຊາຊົນຂັ້ນແຂວງ ແລະ ເປັນການສະຫລຸບຕີລາຄາຄືນ ໝາກຜົນຂອງການເຄື່ອນໄຫວວຽກງານປະຈຳ 06 ເດືອນຕົ້ນປີ ແລະ ກຳນົດທິດທາງແຜນການ 06 ເດືອນທ້າຍປີ 2022 ເຊິ່ງຍົກໃຫ້ເຫັນດ້ານດີຜົນງານ, ດ້ານອ່ອນຂໍ້ຄົງຄ້າງ, ເປັນການແລກປ່ຽນ ແລະ ຖອດຖອນບົດຮຽນ ລະຫວ່າງ ບັນດາກົງຈັກ ທີ່ເປັນເສນາທິການໃຫ້ແກ່ ການເປັນເສນາທິການຂອງຄະນະເລຂາທິການສະພາປະຊາຊົນແຂວງ ແລະ ເປັນການປັບປຸງລະບອບແບບແຜນວິທີເຮັດວຽກ, ແບບແຜນວິທີນໍາພາ ແລະ ກົນໄກການປະສານງານ ຂອງຄະນະເລຂາທິການສະພາປະຊາຊົນແຂວງ ໃຫ້ມີປະສິດທິຜົນສູງຂຶ້ນ ໃນໄລຍະໃໝ່. ເຊິ່ງຜູ້ເຂົ້າຮ່ວມຍັງໄດ້ແລກປ່ຽນຄຳຄິດຄຳເຫັນເຊິ່ງກັນ ແລະ ກັນ ຢ່າງສ້າງສັນ ດ້ວຍຄວາມຮັບຜິດຊອບສູງຕໍ່ບັນດາຈຸດອ່ອນ, ຂໍ້ຄົງຄ້າງ ເພື່ອຊອກວິທີແກ້ໄຂ ປັບປຸງວຽກງານເສນາທິການໃຫ້ດີຂຶ້ນ ເປັນຕົ້ນ ການປະສານສົມທົບ ໃນການສະໜອງຂໍ້ມູນເພື່ອຮັບປະກັນດ້ານເນື້ອໃນໃຫ້ແກ່ສະພາປະຊາຊົນແຂວງ, ຄະນະສະມາຊິກສະພາແຫ່ງຊາດ, ສະມາຊິກສະພາປະຊາຊົນແຂວງ, ໃນການກະກຽມການດຳເນີນ ກອງປະຊຸມສະໄໝສາມັນ ເທື່ອທີ 3 ຂອງສະພາປະຊາຊົນ ແຂວງຫົວພັນ ຊຸດທີ II ທີ່ຈະໄຂຂຶ້ນໃນມໍ່ໆນີ້.
ໂອກາດດຽວກັນນີ້; ໃນກອງປະຊຸມ ຍັງໄດ້ຜ່ານຂໍ້ຕົກລົງຂອງ ຄະນະປະຈຳສະພາປະຊາຊົນແຂວງ ເລກທີ 320 ລົງວັນທີ 22 ມິຖຸນາ 2022 ວ່າດ້ວຍການແຕ່ງຕັ້ງ ຫົວໜ້າ, ຮອງຫົວໜ້າ ຂະແໜງ ສະພາປະຊາຊົນແຂວງ ໃນນີ້ ແຕ່ງຕັ້ງຫົວໜ້າຂະແໜງ 1 ທ່ານ ແລະ ຮອງຫົວໜ້າຂະແໜງ 3 ທ່ານ.
ຕອນທ້າຍ ກອງປະຊຸມ ທ່ານ ສົມສັກ ດອນຈານິດ ໄດ້ມີຄໍາເຫັນໂອ້ລົມ ຕໍ່ພິທີ ກ່ອນອື່ນໝົດ ທ່ານສະແດງຄວາມຍ້ອງຍໍຊົມເຊີຍຕໍ່ຜົນງານຫລາຍດ້ານ ທີ່ຄະນະເລຂາທິການ ກໍ່ຄືບັນດາພະນັກງານ-ລັດຖະກອນ ຍາດມາໄດ້ໃນໄລຍະ 06 ເດືອນຜ່ານມາ ບົນພື້ນຖານຄວາມສາມັກຄີເປັນເອກະພາບ ພ້ອມກັນເຮັດສຳເລັດໜ້າທີ່ການເມືອງຂອງຕົນ. ຄຽງຄູ່ກັນນີ້, ທ່ານຍັງໄດ້ຮຽກຮ້ອງມາຍັງພະນັກງານ-ລັດຖະກອນທັງໝົດ ເພີ່ມຄວາມຮັບຜິດຊອບຕໍ່ໜ້າທີ່ການເມືອງທີ່ໄດ້ຮັບການມອບໝາຍ, ມີຄວາມຮັບຜິດຊອບສູງ, ເອົາໃຈໃສ່ຄົ້ນຄວ້າແນວທາງນະໂຍບາຍຂອງພັກ, ລະບຽບກົດໝາຍຂອງລັດ; ພ້ອມກັນເປັນເຈົ້າການ ປັບປຸງບັນຫາທີ່ຍັງຄົງຄ້າງຕໍ່ໜ້າທີ່ວຽກງານຂອງຕົນ ທີ່ໄດ້ຮັບການມອບໝາຍ, ເອົາໃຈໃສ່ ເຕົ້າໂຮມຄວາມສາມັກຄີ ເປັນເອກະພາບພາຍໃນໜັກແໜ້ນ ແລະ ພາຍນອກກວ້າງຂວາງ, ຝຶກຝົນຫລໍ່ຫລອມຕົນເອງ ທາງດ້ານຄຸນທາດການເມືອງ, ຄຸນສົມບັດ, ສິນທຳປະຕິວັດ, ເປັນເຈົ້າການໃນການປະສານສົມທົບກັບພາກສ່ວນທີ່ກ່ຽວຂ້ອງ ເພື່ອຄວາມເປັນເອກະພາບ ແລະ ຮັບປະກັນໃຫ້ວຽກງານຂອງຕົນມີຄວາມກົມກຽວ ແລະ ມີປະສິດທິຜົນ ບົນພື້ນຖານ ການປະຕິບັດພາລະບົດບາດ, ສິດ ແລະ ໜ້າທີ່ ຢ່າງຄົບຖ້ວນ ຕາມລັດຖະທໍາມະນູນ ແລະ ກົດໝາຍ.
ພາບ ແລະ ຂ່າວໂດຍ ນັກຂ່າວ ສພຂ.
+19
2,549
จำนวนคนที่เข้าถึง
275
จำนวนการมีส่วนร่วม
โปรโมทโพสต์
<img class="j1lvzwm4" role="presentation" src="data:;base64, ” width=”18″ height=”18″ />
37
แชร์ 2 ครั้ง
ถูกใจ

แสดงความคิดเห็น
แชร์