ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

        ​(ສພຊ) ເພື່ອເປັນການສະຫລຸບຕີລາຄາການເຄື່ອນໄຫວວຽກງານປະຈໍາປີ 2021 ແລະ ວາງທິດທາງແຜນການ ປະຈໍາປີ 2022 ຂອງຄະນະເລຂາທິການສະພາແຫ່ງຊາດ (ຄລສ) ແລະ ແລກປ່ຽນຄໍາຄິດຄໍາເຫັນ ລະຫວ່າງ ຄລສ ກັບບັນດາກົງຈັກພາຍໃນສະພາແຫ່ງຊາດ, ຄະນະເລ ຂາທິການສະພາປະຊາຊົນຂັ້ນແຂວງ ແລະ ພາກສ່ວນກ່ຽວຂ້ອງ; ເຜີຍແຜ່ນິຕິກໍາກ່ຽວກັບການ ຈັດຕັ້ງ ແລະ ການເຄື່ອນໄຫວວຽກງານຂອງ ຄລສ ແລະ ນິຕິກໍາກ່ຽວກັບພາກສ່ວນກ່ຽວຂ້ອງຈໍາ ນວນໜຶ່ງ.
          ​ກອງປະຊຸມໄດ້ຮັບຟັງການລາຍງານບົດສະຫລຸບການເຄື່ອນໄຫວວຽກງານຂອງ ຄລສ ປະ ຈໍາປີ 2021 ແລະ ແຜນການປະຈໍາປີ 2022; ການໃຫ້ບົດຮຽນໃນການເປັນເສນາທິການຂອງ ຄະນະເລຂາທິການຂອງຄະນະເລຂາທິການສະພາປະຊາຊົນຂັ້ນແຂວງ; ເຜີຍແຜ່ນິຕິກໍາກ່ຽວກັບ ວຽກງານການເງິນ; ຜູ້ແທນກອງປະຊຸມ ປະກອບຄໍາຄິດຄໍາເຫັນຕາມຄໍາເຈາະຈີ້ມຂອງປະທານ ກອງປະຊຸມ ແລະ ໃຫ້ຄວາມກະຈ່າງແຈ້ງເພີ່ມເຕີມຕໍ່ວຽກງານ ຄລສ ຈໍານວນໜຶ່ງ ພ້ອມທັງສັງ ລວມການປະກອບຄໍາເຫັນ; ເຜີຍແຜ່ນິຕິກໍາວ່າດ້ວຍການປະສານງານ ລະຫວ່າງ ຄລສ ກັບຄະ ນະເລຂາທິການສະພາປະຊາຊົນຂັ້ນແຂວງ.
​ ໂອກາດດັ່ງກ່າວ ທ່ານ ນາງປິ່ງຄໍາ ລາຊະສິມມາ ເລຂາທິການສະພາແຫ່ງຊາດ ໄດ້ມີຄໍາເຫັນກ່າວເປີດກອງປະຊຸມວ່າ: ເພື່ອເຮັດໃຫ້ກອງປະຊຸມ ບັນລຸຜົນສຳເລັດຕາມຈຸດປະສົງ ແລະ ລະດັບຄາດ ໝາຍ ທີ່ວາງໄວ້ ຂໍຮຽກຮ້ອງມາຍັງບັນດາທ່ານ ຈົ່ງຍົກສູງຄວາມຮັບຜິດຊອບນຳໃຊ້ຄວາມຮູ້, ຄວາມສາມາດຂອງຕົນ ເຂົ້າໃນການຄົ້ນຄວ້າ ແລະ ປະກອບຄໍາເຫັນໃສ່ບັນດາເນື້ອໃນກອງປະຊຸມຄັ້ງນີ້ ໃຫ້ແທດເໝາະກັບຄວາມເປັນຈິງ, ຍົກໃຫ້ເຫັນດ້ານດີ, ດ້ານອ່ອນ, ສາເຫດ ແລະ ສະເໜີວິທີການແກ້ໄຂຢ່າງຈະແຈ້ງ ເພື່ອເປັນບົດຮຽນໃຫ້ແກ່ການແກ້ໄຂວຽກງານໃນຕໍ່ໜ້າ ນອກນັ້ນ, ຕ້ອງເອົາໃຈໃສ່ປະຕິບັດມາດຕະການປ້ອງກັນການແຜ່ລະບາດຂອງພະຍາດໂຄວິດ-19 ຢ່າງເຂັ້ມງວດ.
​             ກອງປະຊຸມດັ່ງກ່າວ ດໍາເນີນລະຫວ່າງວັນທີ 21-22 ມີນາ 2022 ທີ່ເມືອງວັງວຽງ ແຂວງວຽງຈັນ ໂດຍການເປັນປະທານຂອງທ່ານ ນາງ ປິ່ງຄໍາ ລາຊະສິມມາ, ມີບັນດາທ່ານຮອງປະທານກຳມາທິການ, ຮອງເລຂາທິການສະພາແຫ່ງຊາດ, ຮອງຫົວໜ້າສະຖາບັນຄົ້ນຄວ້ານິຕິກໍາສະພາແຫ່ງຊາດ, ບັນດາທ່ານຄະນະເລຂາທິ ການສະພາປະຊາຊົນຂັ້ນແຂວງ ແລະ ແຂກຖືກເຊີນເຂົ້າຮ່ວມ.
(ພາບ ແລະ ຂ່າວ: ສອນສັກ ວັນໄຊ)