ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

(ສພຊ) ໃນລະຫວ່າງວັນທີ 21-24 ທັນວາ 2021 ທີ່ສະພາແຫ່ງຊາດ ໄດ້ຈັດກອງປະຊຸມຄະນະປແະຈຳສະພາແຫ່ງຊາດ (ຄປຈ.ສພຊ) ປະຈຳເດືອນທັນວາ 2021 ໂດຍການເປັນປະທານຂອງທ່ານ ປອ. ໄຊສົມພອນ ພົມວິຫານ ປະທານ ຄປຈ.ສພຊ, ປະທານຂສະພາແຫ່ງຊາດ; ເຂົ້າຮ່ວມມີ ບັນດາຮອງປະທານສະພາແຫ່ງຊາດ, ກຳມະການ ຄປຈ.ສພຊ, ຕ່າງໜ້າຈາກບັນດາກະຊວງ, ອົງການ ແລະ ແຂກຖືກເຊີນຈຳນວນໜຶ່ງ.

ກອງປະຊຸມໄດ້ຮັບຟັງການລາຍງານກ່ຽວກັບຜົນການຮຽບຮຽງກົດໝາຍ ຈຳນວນ 11 ສະບັບ ທີ່ຜ່ານການພິຈາລະ ນາຮັບຮອງໃນກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດ ຊຸດທີ         IX; ລາຍງານແຜນການສ້າງ ແລະ ປັບປຸງ ກົດໝາຍປະຈຳປີ 2022 ທີ່ຈະນຳເຂົ້າພິຈາລະນາຮັບຮອງໃນກອງປະຊຸມສະໄໝສາມັນເທື່ອທີ 3 ແລະ ເທື່ອທີ 4 ຂອງສະ ພາແຫ່ງຊາດຊຸດທີ        IX; ລາຍງານການຄົ້ນຄວ້າໜັງສືສະເໜີຂອງຄະນະກຳມາທິການເສດຖະກິດ, ແຜນການ ແລະ ການເງິນ ສະພາປະຊາຊົນແຂວງບໍລິຄຳໄຊ ສະບັບ ເລກທີ 39/ຄສຜງ.ສພຂ, ລົງວັນທີ 17 ກັນຍາ 2021, ກ່ຽວກັບການຕີຄວາມໝາຍ ມາດຕາ 120 ຂອງກົດໝາຍວ່າດ້ວຍທີ່ດິນ ແລະ ມາດຕາ 42 ຂອງກົດໝາຍວ່າດ້ວຍການສົ່ງເສີມການລົງທຶນ; ລາຍ ງານກ່ຽວກັບການຂໍອະນຸມັດສ້າງຕັ້ງອົງການກວດສອບປະຈຳພາກກາງ 2 ຢູ່ແຂວງສະຫວັນນະເຂດ ແລະ ອົງການກວດສອບ ປະຈຳພາກເໜືອ 2 ຢູ່ແຂວງອຸດົມໄຊ;

ລາຍງານກ່ຽວກັບການຈັດສັນລາຍຈ່າຍລົງທຶນພາຍໃນປະຈຳປີ 2022 ຈຳນວນ 3.950 ຕື້ກີບ ແລະ ແຜນຊຳລະໜີ້ສິນພາຍໃນ ແລະ ຕ່າງປະເທດ ທີ່ຕິດພັນກັບມະຕິກອງປະຊຸມສະໄໝສາມັນ ເທື່ອທີ 2 ຂອງສະພາແຫ່ງຊາດ ຊຸດທີ IX ສະບັບເລກທີ 41/ສພຊ ແລະ 42/ສພຊ ລົງວັນທີ 17 ພະຈິກ 2021; ສະເໜີຫົວ ຂໍ້ຕິດຕາມກວດກາປະຈຳປີ 2022 ຂອງກຳມາທິການແຜນການ, ການເງິນ ແລະ ການກວດສອບ ແລະ ຫົວຂໍ້ຕິດຕາມກວດ ກາຂອງຄະນະປະຈຳສະພາແຫ່ງຊາດ ທີ່ຈະມອບໃຫ້ກຳມາທິການຕິດຕາມກວດກາ; ຂໍພິຈາລະນາໃຫ້ສັດຕະຍະບັນແກ່ສົນທິ ສັນຍາວ່າດ້ວຍຄວາມປອດໄພ ແລະ ສຸຂະພາບແຮງງານ ສະບັບເລກທີ  155 ແລະ ສົນທິສັນຍາວ່າດ້ວຍຂອບແຜນງານການ ສົ່ງເສີມຄວາມປອດໄພ ແລະ ສຸຂະພາບແຮງງານ ສະບັບເລກທີ 187;

ລາຍງານຜົນສຳເລັດຂອງການເດີ່ນທາງຢ້ຽມຢາມຢ່າງ ເປັນທາງການ ທີ່ ສສ.ຫວຽດນາມ ລະຫວ່າງວັນທີ 6-8 ທັນວາ 2021 ຂອງທ່ານປະທານສະພາແຫ່ງຊາດລາວ ແລະ ຜົນສຳເລັດຂອງການພົບປະສອງຝ່າຍ ລະຫວ່າງທ່ານປະທານສະພາແຫ່ງຊາດລາວ ແລະ ທ່ານປະທານສະພາແຫ່ງຊາດ ລັດເຊຍ ໃນວັນທີ 16 ທັນວາ 2021ໃນຮູບແບບທາງໄກ; ລາຍງານຜົນສຳເລັດຂອງການເຂົ້າຮ່ວມກອງປະຊຸມ APPF ຄັ້ງທີ 29 ລະຫວ່າງວັນທີ 13-15 ທັນວາ 2021; ແຜນການຕິດຕາມກວດກາການຊົດເຊີຍຜົນກະທົບຈາກໂຄງການລົດໄຟ ລາວ-ຈີນ; ແຜນການໄປຢ້ຽມຢາມ ແລະ ເຊັນບົດບັນທຶກການຮ່ວມມືລະຫວ່າງ ກຳມາທິການສະພາແຫ່ງຊາດ ກັບ ສະພາຊົນຊາດ ສະພາແຫ່ງຊາດ ແຫ່ງ ສສ.ຫວຽດນາມ;

ລາຍງານວຽກຈຸດສຸມ 6 ເດືອນຕົ້ນປີ 2022 ຂອງ ຄປຈ.ສພຊ; ຄົ້ນຄວ້າ-ພິຈາ ລະນາຮັບຮອງສະເໜີແຕ່ງຕັ້ງຮອງປະທານຄະນະກຳມະການເສດຖະກິດ, ແຜນການ ແລະ ການເງິນ ຫລື ຮອງປະທານຄະນະ ກຳມະການລອຍ; ແຜນການກະກຽມດຳເນີນກອງປະຊຸມຄົບຄະນະກຳມາທິການປ້ອງກັນຊາດ-ປ້ອງກັນຄວາມສະຫງົບ ປະຈຳປີ 2022; ຕິດຕາມກວດກາເກັບກຳສະພາບ ຂົງເຂດວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ສະຫະພັນນັກຮົບເກົ່າ ແຫ່ງຊາດ ຢູ່ແຂວງອັດຕະປື ແລະ ແຂວງຈຳປາສັກ; ຂໍອະນຸມັດຈັດກອງປະຊຸມສະຫລຸບຖອດຖອນບົດຮຽນວຽກງານປະສານ ລະຫວ່າງກຳມາທິການປ້ອງກັນຊາດ-ປ້ອງກັນຄວາມສະຫງົບ ສະພາແຫ່ງຊາດ ກັບກະຊວງປ້ອງກັນປະເທດ, ກະຊວງປ້ອງກັນ ຄວາມສະຫງົບ ແລະ ສະຫະພັນນັກຮົບເກົ່າ ໃນ 5 ປີ ຜ່ານມາ (2016-2020) ແລະ ຈັດພິທີລົງນາມ ຂໍ້ຕົກລົງຮ່ວມວ່າດ້ວຍ ການປະສານງານ 5 ປີ ຕໍ່ໜ້າ (2021-2025); ຕີລາຄາຄືນການຈັດຕັ້ງປະຕິບັດມາດຕະການປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ 19 ຂອງລັດຖະບານ; ຈາກນັ້ນບັນ, ບັນດາທ່ານຄະນະປະຈຳໄດ້ສຸມໃສ່ຄົ້ນຄວ້າ ປະກອບຄຳຄິດຄຳເຫັນຢ່າງມີຈຸດສຸມເຂົ້າໃສ່ບັນຫາຕໍ່ກັບບົດລາຍງານຕ່າງໆທີ່ໄດ້ນຳມາລາຍງານໃນກອງປະຊຸມ ຄປຈ.ສພຊ ໃນຄັ້ງນີ້; ເພື່ອເຮັດໃຫ້ການຕົກລົງບັນຫາສຳຄັນຂອງຊາດມີຄວາມເປັນເອກະພາບ, ສາມາດເປັນບ່ອນອີງໃນການຈັດຕັ້ງປະ ຕິບັດໄດ້ ແລະ ນຳປະຜົນປະໂຫຍດອັນລວມສູ່ປະເທດຊາດ ແລະ ປະຊາຊົນບັນດາເຜົ່າຢ່າງແທ້ຈິງ.