ວັນທີ່ 15 ສິງຫາ 2024 ຢູ່ທີ່ຫໍວັດທະນະທໍາ ແຂວງຫຼວງນໍ້າທາ, ແຂວງຫຼວງນໍ້າທາໄດ້ປາຖະ ກະຖາ 3 ວັນປະຫວັດສາດ ວັນປະກາດໃຊ້ລັດຖະທໍາມະນູນແຫ່ງຊາດ ສປປ ລາວ ຄົບຮອບ 33 ປີ ( 15 ສິງຫາ 1991 – ສິງຫາ 2024), ວັນຍຶດອໍານາດທົ່ວປະເທດ ສປປ ລາວ ຄົບຮອບ 79 ປີ ( 23 ສິງຫາ 1945- 23 ສິງຫາ 23 ສິງຫາ 2024) ແລະ ວັນສ້າງຕັ້ງແນວລາວສ້າງຊາດ ຄົບຮອບ 74 ປີ ( 13 ສິງຫາ 1950 – 13 ສິງຫາ 2024 ) ໂດຍການເຂົ້າຮ່ວມຂອງທ່ານ ຈັນທອງ ແກ້ວປະເສີດ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງ, ມີກຳມະການພັກແຂວງ, ຫົວໜ້າພະແນກ – ຮອງຫົວໜ້າພະແນກ, ສອງກອງບັນຊາການ, ອາດິດການນໍາແຂວງ, ພະນັກງານ-ລັດຖະກອນອ້ອມຂ້າງແຂວງ ຕະຫຼອດຮອດປະຊາຊົນ 8 ບ້ານເທດສະບານແຂວງເຂົ້າຮ່ວມທັງໝົດ 600 ກວ່າຄົນ.
ໃນພິທີ ທ່ານ ມີໄຊ ມີວິໄລ ກຳມະການຄະນະປະຈຳສະພາປະຊາຊົນແຂວງ ເລຂາທິການສະພາປະຊາຊົນແຂວງ ໄດ້ໃຫ້ຮູ້ວ່າ ພາຍຫຼັງປະເທດຊາດໄດ້ຮັບການປົດປ່ອຍຢ່າງສົມບູນ ແລະ ສະຖາປະນາ ສ.ປ.ປ.ລາວ ຂຶ້ນໃນວັນທີ 2 ທັນວາ 1975 ເຊິ່ງແມ່ນຜົນງານ ແລະ ໄຊຊະນະອັນຍິ່ງໃຫ່ຍທີ່ສຸດ ຂອງປວງຊົນລາວບັນດາເຜົ່າທີ່ຍາດມາໄດ້; ເປັນການໄຂສັງກາດໃໝ່, ສັງກາດທີ່ປະເທດຊາດມີເອກະລາດ ແລະ ປະຊາຊົນມີອິດສະລະພາບຢ່າງແທ້ຈິງ ພາຍໃຕ້ການຊີ້ນຳ-ນຳພາຂອງພັກປະຊາຊົນ ປະຕິວັດລາວ ໄດ້ເຮັດຫຼ້ອນໜ້າທີ່ປະຫວັດສາດອັນມີກຽດສະຫງ່າຂອງຕົນ; ຈາກນັ້ນ, ການປະຕິວັດພວກເຮົາ ໄດ້ກ້າວເຂົ້າສູ່ໄລຍະໃໝ່ ຊຶ່ງແມ່ນໄລຍະແຫ່ງການປະຕິບັດ 2 ໜ້າທີ່ຍຸດທະສາດຄື: ປົກປັກຮັກສາ ແລະ ສ້າງສາປະເທດຊາດ ຊຶ່ງກໍເປັນເວລາອັນຍາວນານສົມຄວນ ທີ່ພວກເຮົາຄຸ້ມຄອງລັດ, ຄຸ້ມຄອງເສດຖະກິດ-ສັງຄົມ ໂດຍການນໍາໃຊ້ມະຕິ, ຄຳສັ່ງ, ບໍ່ທັນມີລັດຖະທໍາມະນູນ ແລະ ກົດໝາຍເປັນບ່ອນອີງ. ມາຮອດປີ 1989 ພັກເຮົາໄດ້ດຳເນີນການເລືອກຕັ້ງສະພາປະຊາຊົນສູງສຸດ ຊຸດທີ II ຂຶ້ນຊຶ່ງເປັນສະພາທີ່ເຮັດໜ້າທີ່ຮ່າງລັດຖະທໍາມະນູນສະບັບທໍາອິດແຫ່ງ ສ.ປ.ປ.ລາວ. ດັ່ງນັ້ນ, ລັດຖະທໍາມະນູນ ຈຶ່ງຖືເປັນຮາກເຫງົ້າ ໃນການປ່ຽນແປງລະບົບການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມ ດ້ວຍມະຕິຄຳສັ່ງ ມາເປັນການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມ ດ້ວຍລັດຖະທໍາມະນູນ ແລະ ກົດໝາຍເທື່ອລະກ້າວ; ລັດຖະທໍາມະນູນ ແຫ່ງ ສປປ ລາວ ໄດ້ຖືກຮັບຮອງເອົາໃນກອງປະຊຸມສະໄໝສາມັນເທື່ອ ທີ 6 ຂອງສະພາປະຊາຊົນສູງສຸດ ຊຸດທີ II ໃນປີ 1991 ແລະ ໄດ້ປະກາດໃຊ້ຢ່າງເປັນທາງການໃນວັນທີ 15 ສິງຫາ 1991. ມາເຖິງປັດຈຸບັນ ລັດຖະທໍາມະນູນແຫ່ງ ສປປ ລາວ ໄດ້ມີການປັບປຸງມາແລ້ວ 2 ຄັ້ງ; ລັດຖະທໍາມະນູນ ແມ່ນມີຄວາມໝາຍສຳຄັນຫຼາຍຕໍ່ປະເທດຊາດ ກໍຄືປວງຊົນລາວທັງຊາດ ເພາະເປັນການຮັບຮູ້ເອກະລາດ, ອໍານາດອະທິປະໄຕ, ຜືນແຜ່ນດິນອັນຄົບຖ້ວນ, ຄວາມເປັນເອກະພາບຂອງປະຊາຊົນບັນດາເຜົ່າ; ເປັນການຍົກສູງສະຕິຊາດ,ນ້ຳໃຈຮັກຊາດ, ຮັກລະບອບໃໝ່, ເພີ່ມທະວີຄວາມສາມັກຄີປວງຊົນທັງຊາດ, ເຊີດຊູບົດບາດເປັນເຈົ້າການໃນການປົກປັກຮັກສາ ແລະ ສ້າງສາພັດທະນາປະເທດຊາດ ຕາມຈຸດໝາຍຂອງພັກກຳນົດໄວ້, ເປັນເຫດການການເມືອງທີ່ສຳຄັນຂອງຊາດ, ທັງເປັນຂີດໝາຍແຫ່ງການຫັນໄປສູ່ການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມ ດ້ວຍກົດໝາຍເທື່ອລະກ້າວ ແລະ ສ່ອງແສງໃຫ້ເຫັນເຖິງລັກສະນະທາດແທ້, ການເຕີບໃຫຍ່ຂະຫຍາຍຕົວ ຂອງລະບອບປະຊາທິປະໄຕ ປະຊາຊົນລາວ ພາຍໃຕ້ການນຳພາອັນຖືກຕ້ອງ ຂອງພັກປະຊາຊົນ ປະຕິວັດລາວ ທັງເປັນການຢັ້ງຢືນຕໍ່ຊາວໂລກໃຫ້ຮັບຮູ້ເຖິງຄວາມເປັນເອກະລາດ ອໍານາດປະຊາທິປະໄຕ ແລະ ຜືນແຜ່ນດິນອັບຄົບຖ້ວນຂອງ ສປປ ລາວ.
ທ່ານ ສິງໄຊ ວັນຄໍາ ກໍາມະການພັກແຂວງ ຫົວໜ້າຄະນະໂຄສະນາອົບຮົບແຂວງ ໄດ້ປາຖະກະຖາວັນຍຶດອໍານາດທົ່ວປະເທດ ສປປ ລາວ ຄົບຮອບ 79 ປີ ຊາດລາວເປັນຊາດໜຶ່ງ ທີ່ມີປະຫວັດ ສາດແຫ່ງການກໍ່ຕັ້ງອັນສະຫງ່າງາມ ແລະ ໄດ້ຖືກປົກປັກຮັກສາເປັນເວລາຫລາຍພັນປີມາແລ້ວ, ສະຕະວັດທີ 14 ເຈົ້າ ຟ້າງຸ່ມ ໄດ້ທ້ອນໂຮມເມືອງລາວບູຮານສ້າງເປັນອານາຈັກລ້ານຊ້າງ-ສະຕະວັດທີ 16 ອານາຈັກລ້ານຊ້າງ ຖືກສັກດີນາຕ່າງດ້າວມາຮຸກຮານ ແລະ ເອົາເປັນເມືອງສ່ວຍ ຂອງຝຮັ່ງ ແລະ ຈັກກະພັດອາເມລິກາ ວັນທີ 2 ທັນວາ 1975 ກອງປະຊຸມໃຫຍ່ຜູ້ແທນທົ່ວປະເທດ ໄດ້ໄຂຂຶ້ນຢ່າງສະຫງ່າຜ່າເຜີຍ ຢູ່ນະຄອນຫລວງວຽງຈັນ, ກອງປະຊຸມໄດ້ເປັນເອກະ ສັນກັນຜ່ານມະຕິອັນເປັນປະຫວັດການ: ຕົກລົງລົບລ້າງລະບອບລາຊາທິປະໄຕ ທີ່ຫຼ້າສະໄຫມ ແລະ ສະຖາປະນາລະບອບ ສາທາລະນະລັດ ປະຊາທິປະໄຕ ປະຊາຊົນ, ສ້າງຕັ້ງສະພາປະຊາຊົນສູງສຸດ, ແຕ່ງຕັ້ງປະທານປະເທດ ແລະ ສ້າງຕັ້ງລັດຖະບານ ສປປ ລາວ, ກຳນົດທຸງຊາດ, ເພງຊາດ ແລະ ພາສາທາງການ. ເປັນປະຫວັດໃນການຢຶດອຳນາດຂັ້ນສຸດທ້າຍຂອງການປະຕິວັດລາວ ເຊິ່ງໄດ້ຈາລຶກໃນປຶ້ມປະຫວັດສາດຂອງຊາດລາວ. ວັນຍຶດອຳນາດ 23 ສິງຫາ ປີ 1975 ຈິ່ງມີຄວາມຫມາຍຄວາມສໍາຄັນຫລາຍສໍາລັບປະຊາຊົນລາວທັງຊາດ ເພາະວ່າມັນແມ່ນໄຊຊະນະຂອງກໍາລັງແຮງ ແຫ່ງຄວາມສາມັກຄີເປັນຈິດຫນື່ງໃຈດຽວກັນຂອງປວງຊົນທັງຊາດ, ຄວາມເປັນອັນຫນຶ່ງອັນດຽວກັນຂອງກອງທັບ ແລະ ປະຊາຊົນລາວບັນດາເຜົ່າ,ແມ່ນໄຊຊະນະຂອງຄວາມສາມັກຄີຮ່ວມສຳພັນສູ້ຮົບລະຫວ່າງ ປະຊາຊົນລາວ, ປະຊາຊົນຫວຽດນາມ ແລະ ປະຊາຊົນກຳປູເຈຍ ທີ່ໄດ້ຄຽງບ່າຄຽງໄຫລ່ກັນ ຕ້ານສັດຕູໂຕດຽວກັນຕະຫລອດໄລຍະການປະຕິວັດ ປົດປ່ອຍຊາດໃນເມື່ອກ່ອນ ກໍຄືໃນພາລະກິດປົກປັກຮັກສາ ແລະ ກໍ່ສ້າງປະເທດຊາດໃນປັດຈຸບັນ ແລະ ປາຖະກະຖາ ວັນປະກາດໃຊ້ລັດຖະທໍາມະນູນແຫ່ງຊາດ ສປປ ລາວ ຄົບຮອບ 33 ປີ ລັດຖະທໍາມະນູນ ແຫ່ງ ສປປ ລາວ ແມ່ນການຫັນເອົາແນວທາງນະໂຍບາຍໃໜ່ຢ່າງຮອບດ້ານ ແລະ ມີຫຼັກການຂອງພັກປະຊາຊົນປະຕີວັດລາວ ມາເປັນພື້ນຖານຂອງລະບອບປະຊາທິປະໄຕ ປະຊາຊົນ ແລະ ມີຄວາມສໍາຄັນເປັນຢ່າງຍິ່ງຕໍ່ຊິວິດການເມືອງປວງຊົນລາວທັງຊາດ, ມາເຖິງປັດຈຸບັນ ລັດຖະທຳມະນູນແຫ່ງ ສປປ ລາວ ໄດ້ມີການປັບປຸງມາ ແລ້ວ 2 ຊຶ່ງໄດ້ເຮັດໃຫ້ ລັດຖະທຳມະນູນ ຂອງ ສປປ ລາວ ມີເນື້ອໃນຄົບຖ້ວນ ແລະສົມບູນກວ່າເກົ່າ. ພ້ອມນັ້ນຍັງໄດ້ຮັບຟັງຫວນຄືນມູນເຊື້ອຂອງອົງການແນວລາວສ້າງຊາດ ເນື່ອງໃນໂອກາດ ຄົບຮອບ 74 ປີ ຕື່ມອີກ.
ນັກຂ່າວ ສພຂ