​(ສພຊ) ໃນວັນທີ 30 ມັງກອນ 2023 ກໍາມາທິການບັນດາເຜົ່າ ສະພາແຫ່ງຊາດ ໄດ້ຈັດພິທີມອບ-ຮັບເຄື່ອງຊ່ວຍເຫຼືອ ທີ່ສະພາແຫ່ງຊາດ ໂດຍການກ່າວຮັບຂອງທ່ານ ຄໍາຈັນ ໂສຕາປະເສີດ ປະທານກໍາມາທິການບັນດາເຜົ່າ ແລະ ກ່າວມອບໂດຍທ່ານ ສຈ. ຄໍາແພງ ມິດປະຊາ ຮອງປະທານສູນລວມຄຣິສຕະຈັກຂ່າວປະເສີດ ສປປລາວ, ມີບັນດາທ່ານຄະນະຜູ້ແທນທັງສອງຝ່າຍເຂົ້າຮ່ວມເປັນສັກຂີພິຍານ.

​ ເຄື່ອງທີ່ນໍາມາມອບໃນຄັ້ງນີ້ ປະກອບມີ: ຜ້າຫົ່ມ ແລະ ເຄື່ອງນຸ່ງກັນໜາວ ຈໍານວນ 160 ຊຸດ ລວມມູນຄ່າ 11 ລ້ານກີບຖ້ວນ.

​ ເຄື່ອງອຸປະກອນດັ່ງກ່າວ ແມ່ນຈະນໍາໄປຊ່ວຍເຫຼືອແຈກຢາຍໃນເວລາທີ່ຄະນະຜູ້ແທນສະມາຊິກສະພາແຫ່ງຊາດ ເຄື່ອນໄຫວພົບປະຜູ້ມີສິດເລືອກຕັ້ງຢູ່ເຂດທຸລະກັນດານ ແລະ ທຸກຍາກ.