ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ວັນທີ 15 ກຸມພາ 2022, ທີ່ສະພາປະຊາຊົນແຂວງ (ສພຂ) ຊຽງຂວາງ ກົມສື່ມວນຊົນ ສະພາແຫ່ງຊາດ ນຳໂດຍທ່ານ ເປຄຳ ລໍຄຳສອນ ຮອງຫົວໜ້າກົມສື່ມວນຊົນ ສະພາແຫ່ງຊາດ ພ້ອມດ້ວຍຄະນະ ໄດ້ເຄື່ອນໄຫວເຝິກອົບຮົມວຽກງານສື່ມວນຊົນ ໃນຫົວຂໍ້ ຍຸດທະສາດໃໝ່ແຫ່ງການກະຈາຍຂໍ້ມູນ-ຂ່າວສານຜ່ານໂທລະສັບມືຖື” ໂດຍການເຂົ້າຮ່ວມຂອງທ່ານ ນ ສາຍພູເງິນ ອຸດົມສຸກ ເລຂາທິການສະພາປະຊາຊົນແຂວງ ແລະ ພະນັກງານ-ລັດຖະກອນພາຍໃນຂະແໜງຄົ້ນຄວ້າສັງລວມ ແລະ ຂໍ້ມູນ-ຂ່າວສານ ສະພາ​ປະຊາຊົນ​ແຂວງ​ຊຽງຂວາງ​ເຂົ້າ​ຮ່ວມ.

       ເພື່ອ​ເປັນ​ການ​ຍົກ​ສູງ​ຄຸນ​ະພາບ​ຂອງ​ວຽກງານ​ສື່​ມວນ​ຊົນ ຂອງ​ສະພາ​ປະ​ຊາ​ຊົນ​ແຂວງ  ​ໃນ​ຖານະ​ເປັນ​ກະບອກສຽງຂອງ​ສະພາ​ແຫ່ງ​ຊາດ ​ເພື່ອ​ໂຄສະນາ​ເຜີຍ​ແຜ່ການ​ເຄື່ອນ​ໄຫວ​ຂອງ​ອົງການ​ນິຕິບັນຍັດ ​ແລະ ​ເພື່ອ​ຊ່ວຍ​ໃຫ້​ສະພາ​ປະຊາຊົນ​ແຂວງ​ຮູ້​ນໍາ​ໃຊ້​ແອັບ​ພິ​ເຄຊັນ ​ແລະ ​ເວັບ​​ໄຊ​ໃນ​ການ​ລົງ​ຂໍ້​ມູນ​-ຂ່າວສານ​ຜ່ານ​ລະບົບ​ມື​ຖື. ​ ເນື້ອ​ໃນ​ການ​ເຝຶກ​ອົບຮົມ​ໃນ​ຄັ້ງ​ນີ້​ມີ​ຄວາມ​ຮູ້​ພື້ນຖານ​ໃນ​ການ​ເຂົ້າ​ເວັບ​ໄຊ ​ແລະ ​ແອັບ​ພິ​ເຄຊັນ ​ໂດຍ​ຜ່ານ​ລະບົບ​ມື​ຖື ​ແລະ ການ​ຕັ້ງ​ລະຫັດ​ຂອງ​ສະພາ​ປະຊາຊົນ​ແຂວງ ​ເພື່ອ​ລົງ​ຂໍ້​ມູນ-​ຂ່າວສານ​ໃຫ້​ທັນ​ເຫດ​ການ, ​ໃນ​ການ​ເຝຶກອົບຮົມ​ຄັ້ງ​ນີ້​ໄດ້​ມີ​ການ​​ແລກປ່ຽນສົນທະນາ ​ເພື່ອ​ໃຫ້​ຄວາມ​ເຂົ້າ​ໃຈ​ຕໍ່​ບັນຫາ​ທີ່​ຍັງ​ບໍ່​ເຂົ້າ​ໃຈ ​ແລະ ຍັງ​ໄດ້​ລົງ​ປະຕິບັດ​ຕົວ​ຈິງ​ໃນ​ການ​ລົງ​ຂໍ້​ມູນ​ຂ່າວ​ຂອງ​ສະພາ​ປະຊາຊົນ​ແຂວງ​ຊຽງຂວາງ.

ຂ່າວ​​ໂດຍ: ນາງ ສຸກ​ສະຫວັນ ອິນທະ​ແສງ