ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

             ຕອນເຊົ້າວັນທີ 14 ຕຸລາ 2022 ນີ້ ກຳມະບານຮາກຖານສະພາປະຊາຊົນແຂວງ ຫຼວງນ້ຳທາ ໄດ້ຈັດພິທີຮັບຟັງຜັນຂະຫຍາຍ ແລະ ຈັດຕັ້ງປະຕິບັດແຜນຍຸດທະສາດປົົກປ້ອງສັງຄົມຂອງອົງການຈັດຕັ້ງກຳມະບານລາວຮອດປີ 2025 ແລະ ວິໄສທັດຮອດປີ 2030 ແລະ ກະກຽມກອງປະຊຸມໃຫຍ່ຄັ້ງທີ 5 ຂອງກຳມະບານຮາກຖານສະພາປະຊາຊົນແຂວງ ຂຶ້ນທີ່ຫ້ອງປະຊຸມສະພາປະຊາຊົນແຂວງ ພາຍໃຕ້ການເປັນປະທານຂອງທ່ານ ຈັນທະສຸລິນ ໝັ້ນປະດິດ ສະມາຊິກສະພາແຫ່ງຊາດປະຈຳເຂດເລືອກຕັ້ງ ປະທານກຳມະບານຮາກຖານສະພາປະຊາຊົນແຂວງ, ມີສະມາຊິກສະພາແຫ່ງຊາດປະຈຳເຂດເລືອກຕັ້ງ, ສະມາຊິກສະພາປະຊາຊົນແຂວງ, ຄະນະເລຂາທິການ ພ້ອມດ້ວຍສະມາຊິກກຳມະບານພາຍໃນເຂົ້າຮ່ວມ 30 ຄົນ, ຍິງ 14 ຄົນ.
ເພື່ອຮັບປະກັນໃຫ້ແກ່ການປົກປ້ອງສິດ ແລະ ຜົນປະໂຫຍດອັນຊອບທຳຂອງສະມາຊິກກຳມະບານ, ກຳມະກອນ ແລະ ຊາວຜູ້ອອກແຮງງານໃນທົ່ວແຂວງ ພ້ອມທັງເປັນການຈັດຕັ້ງປະຕິບັດ ແຜນພັດທະນາກຳມະບານ 5 ປີ ຄັ້ງທີ 4 ປະກອບມີ 9 ແຜນງານ ແລະ 51 ໂຄງການໃນໄລຍະແຕ່ປີ 2021-2025 ແລະ ວິໄສທັດຮອດປີ 2030 ໄດ້ຮັບການຈັດຕັ້ງປະຕິບັດໃຫ້ບັນລຸຄາດໝາຍ;
ໃນພິທີໄດ້ຮັບຟັງການຜັນຂະຫຍາຍ ແລະ ຈັດຕັ້ງປະຕິບັດແຜນຍຸດທະສາດປົົກປ້ອງສັງຄົມຂອງອົງການຈັດຕັ້ງກຳມະບານລາວຮອດປີ 2025 ແລະ ວິໄສທັດຮອດປີ 2030 ຊຶ່່ງສະຫະພັນກຳມະບານລາວສ້າງຕັ້ງຂຶ້ນໃນວັນທີ 1 ກຸມພາ 1956 ເປັນອົງການຈັດຕັ້ງມະຫາຊົນທີ່ກວ້າງຂວາງ ໃນລະບົບການເມືອງ ຂອງລະບອບປະຊາທິປະໄຕ ປະຊາຊົນທີ່ມີພັກປະຊາຊົນປະຕິວັດລາວເປັນແກນນຳ, ເປັນຕົວແທນແຫ່ງສິດ ແລະ ຜົນປະໂຫຍດອັນຊອບທຳ ຂອງສະມາຊິກກຳມະບານ, ກຳມະກອນ ແລະ ຊາວຜູ້ອອກແຮງງານ; ຍຸດທະສາດປົົກປ້ອງສັງຄົມຂອງອົງການຈັດຕັ້ງກຳມະບານລາວ ປະຕິບັດຕາມແນວທາງນະໂຍບາຍຂອງພັກ-ລັດ, ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX, ກົດໝາຍວ່າດ້ວຍກຳມະບານລາວ ແລະ ກົດໝາຍ, ນິຕິກຳ ອື່ນທີ່ກ່ຽວຂ້ອງ ແລະ ປະຕິບັດຕາມຄາດໝາຍສູ້ຊົນຂອງອົງການກຳມະບານລາວ ແລະ ແຜນງານປົົກປ້ອງສັງຄົມຂອງອົງການຈັດຕັ້ງກຳມະບານລາວ ແມ່ນໜຶ່ງໃນວຽກງານທີ່ປະກອບສ່ວນທີ່ສຳຄັນເຂົ້າໃນ 5 ເປົ້າໝາຍຄື; ວຽກງານການລົບລ້າງຄວາມທຸກຍາກ, ການມີສຸຂະພາບ ແລະ ຊີວິດການເປັນຢູ່ທີ່ດີ, ຄວາ່ມສະເໝີພາບຍິງ-ຊາຍ, ວຽກທີ່ມີຄຸນຄ່າ ແລະ ເປັນທຳ, ການຫລຸດຜ່ອນຄວາມເທົ່າທຽມ ແລະ ການປະຕິບັດແຜນຍຸດທະສາດປົົກປ້ອງສັງຄົມຂອງອົງການຈັດຕັ້ງກຳມະບານລາວ ແບ່ງອອກເປັນ 2 ໄລຍະທີI ແຕ່ປີ 2021-2024 ແລະ ໄລຍະທີII ແຕ່ປີ 2025-2030 ທັງນີ້ ກໍ່ເພື່ອສ້າງຄວາມເຂັ້ມແຂງໃຫ້ສະຫະພັນກຳມະບານລາວແຕ່ລະຂັ້ນປົກປ້ອງສິດ ແລະ ຜົນປະໂຫຍດອັນຊອບທຳຂອງສະມາຊິກກຳມະບານ, ກຳມະກອນ ແລະ ຊາວຜູ້ອອກແຮງງານ; ເຮັດວຽກທີ່ມີຄຸນຄ່າ-ເປັນທຳ ໃຫ້ມີຄວາມຍືນຍົງເຂັ້ມແຂງ ແລະ ໃນພິທີໄດ້ຮັບຟັງຜ່ານ ຮ່າງບົດລາຍງານການເມືອງຂອງກຳມະບານຮາກຖານສະພາປະຊາຊົນແຂວງ 5 ປີ ຜ່ານມາ ແລະ ທິດທາງແຜນການ 5 ປີ ຕໍ່ໜ້າ (2022-2027) ແລະ ສະມາຊິກກຳມະບານໄດ້ພ້ອມກັນປະກອບຄຳຄິດເຫັນຕໍ່ຮ່າງບົດລາຍງານການເມືອງຢ່າງມີຈຸດສຸມ ເພື່ອເຮັດໃຫ້ເນື້ອໃນຮ່າງບົດລາຍງານດັ່ງກ່າວ ມີເນື້ອໃນຖຶກຕ້ອງສອດຄ່ອງສົມບຸນຂຶ້ນກວ່າເກົ່າ; ພ້ອທນັ້ນ ຍັງໄດ້ປຶກສາຫາລື, ກະກຽມກອງປະຊຸມໃຫຍ່ຄັ້ງທີ 5 ຂອງກຳມະບານຮາກຖານສະພາປະຊາຊົນແຂວງ ຮອບດ້ານ ທີ່ຈະໄຂຂື້ນໃນຕໍ່ໜ້ານີ້; ນອກນັ້ນ ສະມາຊິກກໍາມະບານຮາກຖານ ສະພາປະຊາຊົນແຂວງ ຍັງໄດ້ປ່ອນບັດທາບທາມເອົາບຸກຄະລາກອນທີ່ຈະເປັນຄະນະກຳມະບານຮາກຖານຊຸດໃໝ່.