(ສພຊ) ເພື່ອຮັບປະກັນການຈັດຕັ້ງຜັນຂະຫຍາຍ ກົດໝາຍວ່າດ້ວຍການແກ້ໄຂຄຳຮ້ອງທຸກ (ສະບັບປັບປຸງ) ທີ່ຜ່ານການຮັບຮອງເອົາໃນກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ IX ຕາມຂອບເຂດຄວາມຮັບຜິດຊອບ ຂອງຄະນະປະຈຳສະພາແຫ່ງຊາດ ໃນການຮັບ ແລະ ພິຈາລະນາເອົາ ຄຳຮ້ອງຂໍຄວາມເປັນທຳ ທີ່ຍື່ນເຂົ້າມາສະພາແຫ່ງຊາດ; ຮັບປະກັນໃຫ້ມີເນື້ອໃນ ນິຕິກຳ ກ່ຽວກັບການຮັບເອົາ ແລະ ພິຈາລະນາຄຳຮ້ອງຂໍຄວາມເປັນທຳ ຂອງຄະນະປະຈຳສະພາແຫ່ງຊາດ ເປັນຕົ້ນ: ມະຕິຂອງຄະນະປະຈຳ ແລະ ຮ່າງຄູ່ມືການຮັບ ແລະ ພິຈາລະນາຄຳຮ້ອງຂໍຄວາມເປັນທຳ ມີຄວາມເປັນເອກະພາບ, ມີເນື້ອໃນຄົບຖ້ວນຕາມກົດໝາຍກຳນົດໄວ້. ລະຫວ່າງວັນທີ 29-30 ສິງຫາ 2022 ທີ່ເມືອງວັງວຽງ ແຂວງວຽງຈັນ ກຳມາທິການຍຸຕິທຳ ສະພາແຫ່ງຊາດ ໄດ້ຈັດກອງປະຊຸມວິຊາການ ກ່ຽວກັບການຮັບ ແລະ ພິຈາລະນາເອົາ ຄຳຮ້ອງຂໍຄວາມເປັນທຳ ຂອງຄະນະປະຈຳສະພາແຫ່ງຊາດ ໂດຍການເປັນປະທານຂອງທ່ານ ສຈ. ປອ. ຈະເລີນ ເຍຍປາວເຮີ ຮອງປະທານສະພາແຫ່ງຊາດ, ທ່ານ ຄຳແພງ ວິລະພັນ ປະທານກຳມາທິການຍຸຕິທຳ, ທ່ານ ສີສູນທອນ ສ.ຜາບມີໄຊຍ໌ ຮອງປະທານກຳມາທິການຍຸຕິທຳ; ມີຫົວໜ້າ-ຮອງຫົວໜ້າກົມ, ຫົວໜ້າ-ຮອງຫົວໜ້າພະແນກ; ແຂກຖືກເຊີນ, ຕາງໜ້າຈາກບັນດາພາກສ່ວນພາຍໃນສະພາແຫ່ງຊາດ ແລະ ພະນັກງານວິຊາການທີ່ກ່ຽວຂ້ອງເຂົ້າຮ່ວມ.
ກອງປະຊຸມໄດ້ຮັບຟັງການລາຍງານ ການຈັດຕັ້ງປະຕິບັດມະຕິ ຂອງຄະນະປະຈຳຂອງສະພາແຫ່ງຊາດ ວ່າດ້ວຍການຮັບ ແລະ ພິຈາລະນາຄຳຮ້ອງຂໍຄວາມເປັນທຳ ຂອງຄະນະປະຈຳສະພາແຫ່ງຊາດ ສະບັບເລກທີ 132/ຄປຈ, ລົງວັນທີ 21 ສິງຫາ 2019 ໂດຍທ່ານ ນາງ ກັນທິນາ ປ້ານອິນຫວນ ຫົວໜ້າກົມຕິດຕາມກວດກາວຽກງານຍຸຕິທຳ ແລະ ການສະເໜີຮ່າງມະຕິຂອງຄະນະປະຈຳສະພາແຫ່ງຊາດ ວ່າດ້ວຍການຮັບ ແລະ ພິຈາລະນາຄຳຮ້ອງຂໍຄວາມເປັນທຳ ຂອງຄະນະປະຈຳສະພາແຫ່ງຊາດ (ສະບັບປັບປຸງ) ຕາມກົດໝາຍວ່າດ້ວຍການແກ້ໄຂຄຳຮ້ອງທຸກ; 
ການສະເໜີຮ່າງຄູ່ມື ການຮັບ ແລະ ພິຈາລະນາຄຳຮ້ອງຂໍຄວາມເປັນທຳ ໂດຍທ່ານ ໄກມະນິນ ເທບບົວລີ ວ່າການຫົວໜ້າກົມຄຳຮ້ອງຂໍຄວາມເປັນທຳ ເຊິ່ງຄູ່ມືດັ່ງກ່າວ ທີ່ຜ່ານມາແມ່ນອົງການ ເຮວວິຕັດ ສະວິດ ເພື່ອການພັດທະນາ (HELVETAS) ໃຫ້ການສະໜັບສະໜູນ, ແຕ່ຜ່ານການປະຕິບັດຕົວຈິງ ຄູ່ມືວ່າດ້ວຍການຮັບ ແລະ ພິຈາລະນາຄຳຮ້ອງຂໍຄວາມເປັນທຳ ແມ່ນບໍ່ສາມາດຮ່າງສຳເລັດໄດ້ ຍ້ອນກົດໝາຍວ່າດ້ວຍການແກ້ໄຂຄຳຮ້ອງທຸກ ຫາກໍຖືກຮັບຮອງໃນກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ IX ແລະ ຍັງບໍ່ທັນໄດ້ປັບປຸງມະຕິ ຂອງຄະນະປະຈຳຂອງສະພາແຫ່ງຊາດ ວ່າດ້ວຍການຮັບ ແລະ ພິຈາລະນາຄຳຮ້ອງຂໍຄວາມເປັນທຳ ຂອງຄະນະປະຈຳສະພາແຫ່ງຊາດ ສະບັບເລກທີ 132/ຄປຈ, ລົງວັນທີ 21 ສິງຫາ 2019 ກ່ຽວກັບການກວດກາ, ຄົ້ນຄວ້າ ແລະ ພິຈາລະນາຄຳຮ້ອງຂໍຄວາມເປັນທຳ; ຈາກນັ້ນ ຜູ້ເຂົ້າຮ່ວມກອງປະຊຸມ ກໍໄດ້ປະກອບຄໍາເຫັນໃສ່ບັນດາເນື້ອໃນຂອງກອງປະຊຸມຄັ້ງນີ້ ຢ່າງກົງໄປກົງມາ ເພື່ອຮັບປະກັນດ້ານເນື້ອໃນຂອງປື້ມຄູ່ມືໃຫ້ຮັດກຸມ, ຄົບຖ້ວນ, ສົມບູນ, ມີປະສິດທິພາບ ກ່ອນທີ່ຈະນຳມາໃຊ້ໃນວຽກງານຂອງກຳມາທິການ ແລະ ລົງເຜີຍແຜ່ໃຫ້ແຕ່ລະເຂດເລືອກຕັ້ງ.
ການສະເໜີຮ່າງຄູ່ມື ການຮັບ ແລະ ພິຈາລະນາຄຳຮ້ອງຂໍຄວາມເປັນທຳ ໂດຍທ່ານ ໄກມະນິນ ເທບບົວລີ ວ່າການຫົວໜ້າກົມຄຳຮ້ອງຂໍຄວາມເປັນທຳ ເຊິ່ງຄູ່ມືດັ່ງກ່າວ ທີ່ຜ່ານມາແມ່ນອົງການ ເຮວວິຕັດ ສະວິດ ເພື່ອການພັດທະນາ (HELVETAS) ໃຫ້ການສະໜັບສະໜູນ, ແຕ່ຜ່ານການປະຕິບັດຕົວຈິງ ຄູ່ມືວ່າດ້ວຍການຮັບ ແລະ ພິຈາລະນາຄຳຮ້ອງຂໍຄວາມເປັນທຳ ແມ່ນບໍ່ສາມາດຮ່າງສຳເລັດໄດ້ ຍ້ອນກົດໝາຍວ່າດ້ວຍການແກ້ໄຂຄຳຮ້ອງທຸກ ຫາກໍຖືກຮັບຮອງໃນກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ IX ແລະ ຍັງບໍ່ທັນໄດ້ປັບປຸງມະຕິ ຂອງຄະນະປະຈຳຂອງສະພາແຫ່ງຊາດ ວ່າດ້ວຍການຮັບ ແລະ ພິຈາລະນາຄຳຮ້ອງຂໍຄວາມເປັນທຳ ຂອງຄະນະປະຈຳສະພາແຫ່ງຊາດ ສະບັບເລກທີ 132/ຄປຈ, ລົງວັນທີ 21 ສິງຫາ 2019 ກ່ຽວກັບການກວດກາ, ຄົ້ນຄວ້າ ແລະ ພິຈາລະນາຄຳຮ້ອງຂໍຄວາມເປັນທຳ; ຈາກນັ້ນ ຜູ້ເຂົ້າຮ່ວມກອງປະຊຸມ ກໍໄດ້ປະກອບຄໍາເຫັນໃສ່ບັນດາເນື້ອໃນຂອງກອງປະຊຸມຄັ້ງນີ້ ຢ່າງກົງໄປກົງມາ ເພື່ອຮັບປະກັນດ້ານເນື້ອໃນຂອງປື້ມຄູ່ມືໃຫ້ຮັດກຸມ, ຄົບຖ້ວນ, ສົມບູນ, ມີປະສິດທິພາບ ກ່ອນທີ່ຈະນຳມາໃຊ້ໃນວຽກງານຂອງກຳມາທິການ ແລະ ລົງເຜີຍແຜ່ໃຫ້ແຕ່ລະເຂດເລືອກຕັ້ງ.ໂອກາດດັ່ງກ່າວ ທ່ານ ສຈ. ປອ. ຈະເລີນ ເຍຍປາວເຮີ ກໍໄດ້ມີຄໍາເຫັນໂອ້ລົມຕໍ່ກອງປະຊຸມດັ່ງກ່າວ ເຊິ່ງທ່ານໄດ້ມອບໃຫ້ພາກສ່ວນທີ່ກ່ຽວຂ້ອງ ຄົ້ນຄວ້າຄືນ ຊື່ຂອງມະຕິ ໃຫ້ຖືກຕ້ອງ, ສອດຄ່ອງຕາມຫຼັກການຂອງການຂຽນ ໂດຍອີງໃສ່ການປະກອບຄຳເຫັນຂອງບັນດາທ່ານທີ່ເຂົ້າຮ່ວມກອງປະຊຸມໃນຄັ້ງນີ້; ດ້ານໂຄງປະກອບ ແລະ ເນື້ອໃນ ຂອງຮ່າງມະຕິ ໃຫ້ຄົ້ນຄວ້າ, ປັບປຸງ, ຮຽບຮຽງ ປະໂຫຍກຄຳສັບ ໃຫ້ມີເນື້ອໃນລະອຽດ, ຄົບຖ້ວນ, ຈະແຈ້ງ ແລະ ເຂົ້າໃຈງ່າຍ ໂດຍສະເພາະແມ່ນໃນ 12 ມາດຕາ ທີ່ຜູ້ເຂົ້າຮ່ວມກອງປະຊຸມ ໄດ້ປະກອບຄໍາເຫັນມາແລ້ວນັ້ນ ແລະ ມາດຕາອື່ນໆ ທີ່ເຫັນວ່າຍັງບໍ່ທັນສອດຄ່ອງກັບກົດໝາຍ ແລະ ລະບຽບການ; ບັນຫາຕ່າງໆທີ່ກອງປະຊຸມໄດ້ຍົກຂຶ້ນມາ ຂໍໃຫ້ຄະນະຮັບຜິດຊອບສັງລວມລະອຽດ ແລ້ວລາຍງານຂໍທິດຊີ້ນຳ ຄະນະປະຈຳສະພາແຫ່ງຊາດ ເພື່ອພິຈາລະນາຕົກລົງເປັນເອກະພາບ ໃນການຈັດຕັ້ງປະຕິບັດ.
(ພາບ ແລະ ຂ່າວ: ອານຸສອນ ພູມມີທອນ)