ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

 

 

ຕອນເຊົ້າວັນທີ 22 ມີນາ 2022 ການນໍາແຂວງຫຼວງນໍ້າທາ ນໍາໂດຍທ່ານ ຄໍາໄຫຼ ສີປະເສີດ ກໍາມະການສູນກາງພັກ ເລຂາພັກແຂວງ ເຈົ້າແຂວງໆຫຼວງນໍ້າທາ ພ້ອມດ້ວຍບັນດາ ຄະນະປະຈໍາພັກແຂວງ, ກໍາມະການພັກແຂວງ, ຫົວຫນ້າພະແນກ-ຮ້ອງຫົວຫນ້າພະແນກການອ້ອມຂ້າງແຂວງ ໄດ້ເຂົ້າວາງກະຕ່າດອກໄມ້ຢູ່ອານຸສາວະລີປະທານໄກສອນ ພົມວິຫານ ເນື່ອງໃນໂອກາດວັນສ້າງຕັ້ງພັກປະຊາຊົນປະຕິວັດລາວຄົບຮອບ 67 ປີຄື:ວັນທີ 22 ມີນາ ປີ 1955 ຫາວັນທີ່ 22 ມີນາ 2022 ແລະ ວັນຄຽດແຄ້ນຂອງປະຊາຊົນລາວຄົບຮອບ 76 ປີ ວັນທີ່ 21 ມີນາ ປີ 1946 ຫາ ວັນທີ່ 21 ມີນາ 2022 ດ້ວຍຄວາມກະຕັນຍູຮູ້ບຸນຄຸນອັນລົ້ນເຫຼືອຕໍ່ຜົນງານອັນໃຫ່ຍຫຼວງທີ່ປະທານໄກສອນ ພົມວິຫານ ໄດ້ອຸທິດຕະຫຼອດຊີວິດ ໃນການຊີ້ນໍາ-ນໍາພາ ເຄື່ອນໄຫວປະຕິວັດຊາດ, ປະຊາທິປະໄຕ ເພື່ອຕໍ່ສູ້ກູ້ຊາດ ຈົນສາມາດລົບລ້າງລະບອບສັກດີນາ-ນາຍທຶນ ແລ້ວສະຖາປະນາລະບອບສາທາລະນະລັດ ປະຊາທິປະໄຕ ປະຊາຊົນລາວຂື້ນ, ນໍາພາຊາດລາວກ້າວຂື້ນສູ່ເສັ້ນທາງຊິວິດໃໝ່ ເສັ້ນທາງແຫ່ງໄລຍະການປັບປຸງ ແລະ ກໍ່ສ້າງລະບອບສັງຄົມນິຍົມ ແລະ ຈາກນັ້ນການນໍາຂອງແຂວງນໍາໂດຍທ່ານ ຄໍາໄຫຼ ສີປະເສີດ ກຳມະການສູນກາງພັກ ເລຂາພັກແຂວງ ເຈົ້າແຂວງໆຫຼວງນໍ້າທາ ພ້ອມດ້ວຍຄະນະນໍາຂັ້ນແຂວງ ໄດ້ເຂົ້າວາງພວງມາລາຢູ່ອານຸສາວະລີນັກຮົບນິລະນາມ ດ້ວຍຄວາມຮູ້ບຸນຄຸນຕໍ່ນັກຮົບປະຕິວັດ ທີ່ໄດ້ເສຍສະຫຼະຊິວິດເລືອດເນື້ອ ໃນສະໝໍລະພູມຮົບແຫ່ງຕ່າງໆ ເພື່ອປະເທດຊາດ ແລະ ເພື່ອອຸດົມການສັງຄົມນິຍົມ ຈົນສາມາດປົດປ່ອຍປະຊາຊົນລາວອອກຈາກແອກປົກຄອງຂອງພວກຈັກກະ ພັດອາເມລິກາ ແລະ ລູກມື ແລະ ສະຖາປະນາລະບອບສາທາລະນະລັດ ປະຊາທິປະໄຕ ປະຊາຊົນລາວຈົນມາເຖິງປັດຈຸບັນ.

ຂ່າວ: ມູນຕີ