ສະພາແຫ່ງຊາດ ແຫ່ງ ສປປ ລາວ

ການຕ້ອນຮັບຄະນະຜູ້ແທນຕ່າງປະເທດ

                ສະພາແຫ່ງຊາດ ແຫ່ງ ສປປ ລາວ ໄດ້ຮັບກຽດຕ້ອນຮັບຄະນະຜູ້ແທນຂັ້ນສູງ ແລະບັນດາທູຕານຸທູດຕ່າງປະເທດມາປະຈຳຢູ່ ສປປ ລາວຄື:

1. ທ່ານ ປອ.ໄຊສົມພອນ ພົມວິຫານ, ກຳມະການກົມການເມືອງສູນກາງພັກປະຊາຊົນ ປະຕິວັດລາວ, ປະທານສະພາແຫ່ງຊາດ ແຫ່ງ ສປປ ລາວ ພົບປະສອງຝ່າຍກັບ ທ່ານ ຫງວຽນ ຊວັນ ຟຸກ, ກຳມະການກົມການເມືອງສູນກາງພັກກອມມູນິດຫວຽດນາມ, ປະທານປະເທດ ແຫ່ງ ສສ.ຫວຽດນາມ, ​ເນື່ອງ​ໃນ​ໂອກາດ​ທີ່​ເດີນທາງ​ມາຢ້ຽມຢາມສັນຖະວະໄມຕີ ຢູ່ ສປປ ລາວ ຢ່າງ​ເປັນ​ທາງ​ການ, ​ເຂົ້າ​ຮ່ວມມີຄຳເຫັນໃນ​ກອງ​ປະຊຸມ​ສ​ະ​ໄໝ​ວິສາ ມັນ ​ເທື່ອ​ທີ 01 ຂອງ​ສະພາ​ແຫ່ງ​ຊາດ ຊຸດ​ທີ IX ແລະ ເຂົ້າຮ່ວມພິທີມອບຮັບຫໍສະພາແຫ່ງຊາດລາວ ຫຼັງໃໝ່, ໃນວັນທີ 10 ສິງຫາ 2021;

2. ທ່ານ ປອ.ນາງ ສູນທອນ ໄຊຍະຈັກ, ເລຂາທິການສູນກາງພັກປະຊາຊົນ ປະຕິວັດລາວ, ຮອງປະທານສະພາແຫ່ງຊາດ ແຫ່ງ ສປປ ລາວ ພົບປະສອງຝ່າຍກັບ ທ່ານ ເຈິນ ແທງ ເມິນ, ກຳມະການກົມການເມືອງສູນກາງພັກກອມມູນິດຫວຽດນາມ, ຮອງປະທານສະພາຜູ້ປະຈຳການ, ສະພາແຫ່ງຊາດ ແຫ່ງ ສສ.ຫວຽດນາມ, ​ເນື່ອງ​ໃນ​ໂອກາດ​ທີ່​ເດີນທາງ​ມາເຂົ້າຮ່ວມພິທີມອບຮັບຫໍສະພາແຫ່ງຊາດລາວ ຫຼັງໃໝ່,ໃນວັນທີ 10 ສິງຫາ 2021;

3. ທ່ານ ສົມມາດ ພົລເສນາ, ກຳມະການສູນກາງພັກປະຊາຊົນ ປະຕິວັດລາວ, ຮອງປະທານສະພາແຫ່ງຊາດ ແຫ່ງ ສປປ ລາວ ພົບປະສອງຝ່າຍກັບ ທ່ານ ເລ ວັນ ແທັງ, ກຳມະການສູນກາງພັກກອມມູນິດຫວຽດນາມ, ຮອງນາຍົກລັດຖະມົນຕີ ແຫ່ງ ສສ.ຫວຽດນາມ, ​ເນື່ອງ​ໃນ​ໂອກາດ​ທີ່​ເດີນທາງ​ມາເຂົ້າຮ່ວມພິທີມອບຮັບຫໍສະພາແຫ່ງຊາດລາວ ຫຼັງໃໝ່, ໃນວັນທີ 10 ສິງຫາ 2021;

4. ທ່ານ ສົມມາດ ພົລເສນາ, ກຳມະການສູນກາງພັກ, ຮອງປະທານສະພາແຫ່ງຊາດ ແຫ່ງ ສປປ ລາວ ພົບປະກັບ ທ່ານ ເລ ກວາງ ຮຸ່ງ, ຮອງລັດຖະມົນຕີກະຊວງກໍ່ສ້າງ ແຫ່ງ ສສ.ຫວຽດນາມ, ​ເນື່ອງ​ໃນ​ໂອກາດ​ທີ່​ເດີນທາງ​ມາເຂົ້າຮ່ວມພິທີມອບຮັບຫໍສະພາແຫ່ງຊາດລາວ ຫຼັງໃໝ່, ໃນວັນທີ 7 ສິງຫາ 2021;

5. ທ່ານ ພົນໂທ ສຸວອນ ເລືອງບຸນມີ, ກຳມະການສູນກາງພັກ, ຮອງປະທານສະພາແຫ່ງຊາດ ພົບປະກັບ ທ່ານ ຟານ ວັນ ຢາງ, ກຳມະການກົມການເມືອງສູນກາງພັກກອມມູນິດຫວຽດນາມ, ລັດຖະມົນຕີກະຊວງປ້ອງກັນຊາດ ແຫ່ງ ສສ.ຫວຽດນາມ, ​ເນື່ອງ​ໃນ​ໂອກາດ​ທີ່​ເດີນທາງ​ມາເຂົ້າຮ່ວມພິທີມອບຮັບຫໍສະພາແຫ່ງຊາດລາວ ຫຼັງໃໝ່, ​ໃນວັນທີ 9 ສິງຫາ 2021;

6. ທ່ານ ພົຈວ ວົງສັກ ພັນທະວົງ, ປະທານກໍາມາທິການປກຊ-ປກສ, ສະພາແຫ່ງຊາດ ແຫ່ງ ສປປ ລາວ ພົບປະສອງຝ່າຍກັບ ທ່ານ ຫງວຽນ ແທັງ ຫງິ, ລັດຖະມົນຕີກະຊວງກໍ່ສ້າງ ແຫ່ງ ສສ.ຫວຽດນາມ, ​ເນື່ອງ​ໃນ​ໂອກາດ​ທີ່​ເດີນທາງ​ມາເຂົ້າຮ່ວມພິທີມອບຮັບຫໍສະພາແຫ່ງຊາດລາວ ຫຼັງໃໝ່, ໃນວັນທີ 10 ສິງຫາ;

7. ທ່ານ ນາງ ວັນດີ ບຸດທະສະວົງ, ຮອງປະທານກໍາມາທິການການຕ່າງປະເທດລາວ ຕ້ອນຮັບ ທ່ານ ດິງ ກົງ ສີ, ຮອງປະທານກໍາມາທິການການຕ່າງປະເທດຫວຽດນາມ ເດີນທາງມາເຮັດວຽກ ຢູ່ ສປປ ລາວ ຢ່າງເປັນທາງການ, ລະຫວ່າງວັນທິ 04-08 ພຶດສະພາ 2022, ເພື່ອກະກຽມຄວາມພ້ອມໃຫ້ແກ່ການມາຢ້ຽມຢາມສັນຖະວະໄມຕີຢ່າງເປັນທາງການ ຢູ່ ສປປ ລາວ ຂອງ ທ່ານປະທານສະພາແຫ່ງຊາດ ແຫ່ງ ສສ. ຫວຽດນາມ;

8. ທ່ານ ປອ. ເພັດພອນໃຈ ສິນລະປຣະກິດ, ຫົວໜ້າຫ້ອງການຄຸ້ມຄອງຫໍສະພາແຫ່ງຊາດລາວ ຕ້ອນ ຮັບ ທ່ານ ຟາມ ດຶກ ທາວ, ຫົວໜ້າກົມໃຫຍ່ຄຸ້ມຄອງ, ຫ້ອງວ່າການສະພາແຫ່ງຊາດຫວຽດນາມພ້ອມດ້ວຍຄະນະເດີນທາງມາເຮັດວຽກ ຢູ່ ສປປ ລາວ ຢ່າງເປັນທາງການ, ລະຫວ່າງວັນທິ 06-10 ພຶດສະພາ 2022, ເພື່ອ​​ແລກປ່ຽນ​ຂໍ້​ມູນ​ຂ່າວສານ ​ທາງ​ດ້ານ​ການ​ຄຸ້ມ​ຄອງ​ລະບົບ​ອາຄານ​ຫໍ​ສະພາ​ແຫ່ງ​ຊາດ​ລາວ-ຫວຽດນາມ ແລະ ການຈັດ​ວາງສະ​ແດງ​ຫ້ອງມູນ​ເຊື້ອ ຂອງ​ສະພາ​ແຫ່ງ​ຊາດ​ລາວ ​ເພື່ອ​ຂຶ້ນ​ແຜນການ​ຊ່ວຍ​ເຫຼືອ​ທາງ​ດ້ານ​ວິຊາ​ການ ​ໃນ​ຂັ້ນ​ຕໍ່​ໄປ.

9. ທ່ານ ປອ. ໄຊສົມພອນ ພົມວິຫານ ຕ້ອນຮັບຄະນະຜູ້ແທນຂັ້ນສູງ ນຳໂດຍ ທ່ານ ເວືອງ ດິງ ເຫວະ, ປະທານສະພາແຫ່ງຊາດ ແຫ່ງ ສສ. ຫວຽດນາມ ແລະ ຄະນະ ມາຢ້ຽມຢາມສັນຖະວະໄມຕີ ຢູ່ ສປປ ລາວ ຢ່າງເປັນທາງການ, ໃນລະຫວ່າງ ວັນທີ 15-17 ພຶດສະພາ 2022;

10. ທ່ານ ປອ. ໄຊສົມພອນ ພົມວິຫານ, ປະທານສະພາແຫ່ງຊາດ ແຫ່ງ ສປປ ລາວ ຕ້ອນຮັບ ທ່ານ ສົມເດັດ ອັກຄະ ມະຫາ ໂປເຢຍ ຈັກກຣີ ເຮັງ ຊໍາຣິນ, ປະທານສະພາແຫ່ງຊາດ ແຫ່ງ ຣາຊະອານາຈັກ ກໍາປູເຈຍ ຢ້ຽມຢາມ ສປປ ລາວ ຢ່າງເປັນທາງການ, ໃນລະຫວ່າງ ວັນທີ 14-16 ກັນຍາ 2022;

       ຄະນະນຳຂອງສະພາແຫ່ງຊາດ ຕ້ອນຮັບທູຕານຸທູດ, ອົງການຈັດຕັ້ງສາກົນ ແລະ ແຂກຕ່າງປະເທດ ເຂົ້າຢ້ຽມຂໍ່ານັບການນໍາ, ອຳລາ, ພົບປະເຮັດວຽກ ຈຳນວນຫຼາຍຄະນະ.

ເດືອນ 12.2022

1)      ທ່ານ ນາງ ວັນດີ ບຸດທະສະວົງ, ຮອງປະທານກຳມາທິການການຕ່າງປະເທດ ພົບປະສອງຝ່າຍກັບ ທ່ານ Gilang Dhielafararez, ຮອງປະທານກໍາມາທິການຮ່ວມມືລັດຖະສະພາສາກົນ, ສະພາຜູ້ແທນປະຊາຊົນ ສ. ອິນໂດເນເຊຍ ພ້ອມດ້ວຍຄະນະ ຢ້ຽມຢາມ ແລະ ເຮັດວຽກ ຢ່າງເປັນທາງການ ຢູ່ ສປປ ລາວ, ໃນວັນທີ 12 ທັນວາ 2022;

2) ທ່ານ ແກ້ວຈະເລີນ ເຊ່ຍຢິ້ງຢ່າງ ຕ້ອນຮັບ ຄະນະສະມາຊິກສະພາແຫ່ງຊາດໜຸ່ມ ແຫ່ງ ສສ.ຫວຽດນາມ ຢ້ຽມຢາມ ແລະ ເຮັດວຽກ ຢູ່ ສປປ ລາວ, ໃນລະຫວ່າງ ວັນທີ 23-27 ທັນວາ 2022;

3) ທ່ານ ປອ.ນາງ ສູນທອນ ໄຊຍະຈັກ, ຮອງປະທານສະພາແຫ່ງຊາດ ຕ້ອນຮັບການເຂົ້າຢ້ຽມຂໍ່ານັບຂອງທ່ານ Gilang Dhielafararez, ຮອງປະທານກໍາມາທິການຮ່ວມມືລັດຖະສະພາສາກົນ, ສະພາຜູ້ແທນປະຊາຊົນ ສ. ອິນໂດເນເຊຍ ພ້ອມດ້ວຍຄະນະ, ໃນວັນທີ 12 ທັນວາ 2022;

4) ທ່ານ ສັນຍາ ປຣະເສີດ, ປະທານກຳມາທິການການຕ່າງປະເທດ ຕ້ອນຮັບການເຂົ້າຢ້ຽມຂໍ່ານັບຂອງ  ທ່ານ ເອກອັກຄະລັດຖະທູດ ແຫ່ງ ສ.ເກົາຫຼີ, ໃນວັນທີ 8 ທັນວາ 2022;

5) ທ່ານ ແກ້ວຈະເລີນ ເຊ່ຍຢີ້ງຢ່າງ, ຮອງປະທານກຳມາທິການບັນດາເຜົ່າ ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ChengSue Vang, ຮອງປະທານອາວຸໂສ ບໍລິສັດ NutraSpace LLC/CEO NutraSpace Asia ພ້ອມດ້ວຍ ຄະນະນັກກິລາກ໋ອຟ ຄົນເຊື້ອຊາດລາວເຜົ່າມົ້ງ ຈາກລັດມິນນີໂຊຕາ ແລະ ລັດວິສຄອນຊີນ ສ.ອາເມລິກາ ຈຳນວນ 35 ທ່ານ ໃນໂອກາດມາເຄື່ອນໄຫວຢ້ຽມຢາມ ແລະ ແຂ່ງຂັນກິລາກ໋ອຟມິດຕະພາບ ຢູ່ ສປປ ລາວ, ໃນວັນທີ 8 ທັນວາ 2022;

ເດືອນ 1. 2023

• ທ່ານ ປອ.ໄຊສົມພອນ ພົມວິຫານ, ປະທານສະພາແຫ່ງຊາດ ແຫ່ງ ສປປ ລາວ ພົບປະສອງຝ່າຍ ກັບ ທ່ານ ຟາມ ມິງ ຈິງ, ນາຍົກລັດຖະມົນຕີ ແຫ່ງ ສສ.ຫວຽດນາມ, ເນື່ອງໃນ ໂອກາດທີ່ມາຢ້ຽມຢາມ ສປປ ລາວ ຢ່າງເປັນທາງການ ໃນວັນທີ 11 ມັງກອນ 2023.
• ທ່ານ ສົມມາດ ພົລເສນາ, ຮອງປະທານສະພາແຫ່ງຊາດ,​ຕ້ອນຮັບການເຂົ້າຢ້ຽມຂ່ຳນັບອຳລາ ຂອງທ່ານ pratito Soehary, ເອກອັກຄະລັດຖະທູດ ແຫ່ງ ອີນໂດເນເຊຍ;

3) ທ່ານ ລີເບີ ລີບົວປາວ ຕ້ອນຮັບ ຄະນະຜູ້ແທນຣາດຊະດອນ ແຫ່ງ ຣາຊະອານາຈັກໄທ ນຳໂດຍທ່ານ ສົມສັກ ຄຸນເງິນ, ປະທານກຳມາທິການການເງິນ, ການຄັງສະຖາບັນການເງິນ ແລະ ການຕະຫຼາດການເງິນ, ຢ້ຽມຢາມ ແລະ ເຮັດວຽກ ຢູ່ ສປປ ລາວ ໃນລະຫວ່າງ 21-24 ມັງກອນ 2023.

4) ທ່ານ ພົຕ. ປອ ວົງສັກ ພົນທະວົງ ຕ້ອນຮັບ ສຳເລັດການກະກຽມຮອບດ້ານ ໃນການຕ້ອນຮັບ ຄະນະຜູ້ແທນ ຄະນະມິດຕະພາບລັດຖະສະພາມົງໂກລີ-ລາວ ມາຢ້ຽມຢາມ ແລະ ເຮັດວຽກ ຢູ່ ສປປ ລາວ, ໃນລະຫວ່າງວັນທີ 28 ມັງກອນ – 03 ກຸມພາ 2023.

5) ທ່ານ ປອ. ຈະເລີນ ເຢຍປາວເຮີ, ຮອງປະທານສະພາແຫ່ງຊາດ, ປະທານກຳມາທິການກົດໝາຍ ຕ້ອນຮັບການເຂົ້າຢ້ຽມຂໍ່ານັບ ຂອງທ່ານ ຈອງຊຸງ ລິມ (Jong-Seoung Lim),ສະມາຊິກສະພາແຫ່ງຊາດ ແຫ່ງ ສ. ເກົາຫຼີ, ຫົວໜ້າຝ່າຍການເງິນ ຂອງຄະນະກຳມະການທີ່ປຶກສາດ້ານນ້ຳຂອງເອຊີ ພ້ອມດ້ວຍຄະນະ, ໃນວັນທີ 16 ມັງກອນ 2023;

6) ທ່ານ ສົມມາດ ພົລເສນາ, ຮອງປະທານສະພາແຫ່ງຊາດ, ຕ້ອນຮັບການເຂົ້າຢ້ຽມຂໍ່ານັບອຳລາ ຂອງທ່ານ Dr. Pratito Soeharyo, ເອກອັກຄະລັດຖະທູດ ແຫ່ງ ສ. ອິນໂດເນເຊຍ, ໃນວັນທີ 20 ມັງກອນ 2023.

ເດືອນ 2. 2023

• ທ່ານ ພົນໂທ ສຸວອນ ເລືອງບຸນມີ, ປະທານຄະນະມິດຕະພາບລັດຖະສະພາລາວ-ລັດເຊຍ, ຮອງປະທານສະພາແຫ່ງຊາດຕ້ອນຮັບຄະນະຜູ້ແທນຂັ້ນສູງ ນຳໂດຍ ທ່ານ ນາງ ປາເວວ ຕາຣາການົບ, ສະມາຊິກກໍາມາທິການງົບປະມານ ແລະ ການເງິນການຕະຫຼາດ, ປະທານຄະນະມິດຕະພາບ ລັດຖະສະພາຣັດເຊຍ-ລາວ ຂອງສະພາສູງ ແຫ່ງ ສະຫະພັນ ຣັດເຊຍ ພ້ອມດ້ວຍຄະນະ ໃນລະຫວ່າງ ວັນທີ 6-10 ກຸມພາ 2023;
• ການມາຢ້ຽມຂໍ່ານັບ ທ່ານ ຮອງປະທານກຳມາທິການແຜນການ, ກາເງິນ ແລະ ການກວດສອບ ຂອງຄະນະກອງທຶນການເງິນສາກົນ IMF ໃນວັນທີ 8 ກຸມພາ 2023;
• ທ່ານ ສັນຍາ ປຣະເສີດ, ປະທານກໍາມາທິການການຕ່າງປະເທດ ແລະ ທ່ານ ທັນຕາ ກອງຜາລີ, ຮອງປະທານກໍາມາທິການແຜນການ, ການເງິນ ແລະ ການກວດສອບ, ຕ້ອນຮັບການຢ້ຽມຂໍ່ານັບ ຄະນະຜູ້ແທນຂອງໜ່ວຍງານຮັບຜິດຊອບອາຊຽນ ຈາກລັດຖະສະພາເຢຍລະມັນ ນໍາໂດຍທ່ານ Gabriele KATZMAREK, ພ້ອມດ້ວຍຄະນະຕິດຕາມ ຈໍານວນ 5 ທ່ານ ໃນວັນທີ 20 ກຸມພາ 2023;
• ທ່ານ ນາງ. ປິ່ງຄຳ ລາຊະສີມມາ, ເລຂາທິການສະພາແຫ່ງຊາດ ຕ້ອນຮັບ ຄະນະຜູ້ແທນມົງໂກລີ ນໍາໂດຍ ທ່ານ ນາງ ເອີນຊີໄຊຄັງ ລົບຊັງດໍຣຈ (Ulziisaikhan) ເລຂາທິການໃຫຍ່ ສະພາຄູຣານໃຫຍ່ ແຫ່ງ ມົງໂກລີ ພ້ອມດ້ວຍຄະນະ, ໃນລະຫວ່າງ ວັນທີ 23 ກຸມພາ ຫາ ວັນທີ 1 ມີນາ 2023;
• ພະນະທ່ານ ປອ. ໄຊສົມພອນ ພົມວິຫານ, ປະທານສະພາແຫ່ງຊາດລາວ ຕ້ອນຮັບການເຂົ້າຢ້ຽມຂໍ່ານັບ ສະຫາຍ ເລຮວາຍຈຸງ, ກໍາມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກ ກອມມູນິດຫວຽດນາມ ໃນວັນທີ 22 ກຸມພາ 2023;
• ທ່ານ ສັນຍາ ປຣະເສີດ, ປະທານກໍາມາທິການຕ່າງປະເທດ ຕ້ອນຮັບການເຂົ້າຢ້ຽມຂໍ່ານັບທ່ານ Uladzimir Baravikou, ເອກອັກຄະລັດຖະທູດ ແຫ່ງ ສາທາລະນະລັດ ເບລາຣຸດຊ ປະຈໍາ ສປປ ລາວ, ຊຶ່ງມີສໍານັກງານສະຖານເອກອັກຄະລັດຖະທູດຕັ້ງຢູ່ ຮ່າໂນ້ຍ ສສ. ຫວຽດນາມ ໃນວັນທີ 23 ກຸມພາ 2023;
• ສໍາເລັດການກະກຽມຮອບດ້ານ ໃຫ້ແກ່ ທ່ານ ປອ.ນາງ ສູນທອນ ໄຊຍະຈັກ, ຮອງປະທານສະພາແຫ່ງຊາດ ຕ້ອນຮັບການເຂົ້າຢ້ຽມຂໍ່ານັບ ຂອງທ່ານ ນາງ ເອີນຊີໄຊຄັງ ລົບຊັງດໍຣຈ (L Ulzianikhun ), ເລຂາທິການໃຫຍ່ສະພາຄູຣານ ໃຫຍ່ ແຫ່ງ ມົງໂກລີ ພ້ອມດ້ວຍຄະນະ, ໃນວັນທີ 24 ກຸມພາ 2023;
• ທ່ານ ສັນຍາ ປຣະເສີດ, ປະທານກໍາມາທິການການຕ່າງປະເທດ ຕ້ອນຮັບການເຂົ້າຢ້ຽມຂໍ່ານັບ ຂອງທ່ານ Oliver Cadic, ຮອງປະທານກຳມາທິການການຕ່າງປະເທດ, ຄະນະກຳມະການປ້ອງກັນຊາດ-ກອງທັບ, ສະພາສູງຝຣັ່ງ ແລະ ຄະນະມິດຕະພາບຝຣັ່ງ-ລາວ ແລະ ກຳປູເຈຍ, ສະພາສູງຝຣັ່ງ, ໃນວັນທີ 27 ກຸມພາ 2023;
• ທ່ານ ຮສ.ປອ. ລິນຄຳ ດວງສະຫວັນ, ປະທານກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ຕ້ອນຮັບ ການເຂົ້າຢ້ຽມຂ່ຳນັບ ຂອງບໍລິສັດອິນດູຈີນ ກຣຸບ ຈຳກັດ ແລະ ກຸ່ມບໍລິສັດ ອຸດສາຫະກຳ ເມືອງ Young Gwang, ໃນວັນທີ 28 ກຸມພາ
• ທ່ານ ໄຊສົມພອນ ພົມວິຫານ, ປະທານສະພາແຫ່ງຊາດ ຕ້ອນຮັບການເຂົ້າຢ້ຽມຂ່ຳນັບ ຂອງທ່ານ ເລ ຮວາຍ ຈຸງ, ກຳມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກ ກອມມູນິດຫວຽດນາມ ໃນວັນທີ 22 ກຸມພາ 2023; ແລະ ທ່ານ ອີ ແທງ ຮ້າ ນຽກ ເກີດຳ, ກຳມະການສູນກາງພັກກອມມູນິດຫວຽດນາມ ພ້ອມດ້ວຍຄະນະ ໃນວັນທີ 6 ມີນາ 2023;

ເດືອນ 4.2023

• ພ​ະ​ນະທ່ານ ປອ. ໄຊສົມພອນ ພົມວິຫານ, ປະທານສະພາແຫ່ງຊາດລາວ ຕ້ອນຮັບການຢ້ຽມພົບປະ ຂອງ​ພະ​ນະທ່ານ ຫວໍ ວັນ ເຖືອງ, ປະທານປະເທດ ແຫ່ງ ສສ. ຫວຽດນາມ ພ້ອມດ້ວຍຄະນະຜູ້ແທນຂັ້ນສູງ ພັກ-ລັດ ຫວຽດນາມ ໃນໂອກາດເດີນທາງມາຢ້ຽມຢາມ ສປປ ລາວ ຢ່າງເປັນທາງການ ໃນລະຫວ່າງ ວັນທີ 10-11 ເມສາ 2023;
• ທ່ານ ນາງ ປອ.ສູນທອນ ໄຊຍະຈັກ, ຮອງປະທານ ສະພາແຫ່ງຊາດ ຕ້ອນຮັບການເຂົ້າຢ້ຽມຂໍ່ານັບ ຂອງສະຫາຍ ນາງ ຟັງ ທິ ຫຶງ ຮ່າ, ກຳມະການປະຈໍາພັກ, ຮອງປະທານສະພາປະຊາຊົນ ນະຄອນຫຼວງຮ່າໂນ້ຍ ພ້ອມດ້ວຍຄະນະ ຈຳນວນ 11 ທ່ານ, ໃນວັນທີ 21 ເມສາ 2023;
• ທ່ານ ປອ. ລີເບີ ລີບົວປາວ, ກຳມະການສູນກາງພັກ, ປະທານກຳມາທິການແຜນການ, ການເງີນ ແລະ ການກວດສອບ ຕ້ອນຮັບການເຂົ້າຢ້ຽມຂໍ່ານັບ ຂອງທ່ານ ຟານ ຈີ ຫຽວ, ປະທານສະຖາບັນດິດວິທະຍາສາດສັງຄົມ ຫວຽດນາມ ໃນວັນທີ 30 ມີນາ 2023;
• ທ່ານ ສັນຍາ ປຣະເສີດ, ປະທານກຳມາທິການການ ຕ່າງປະເທດ, ສະພາແຫ່ງຊາດ ຕ້ອນຮັບການຢ້ຽມຂໍ່ານັບຂອງ ທ່ານ ນາງ Enna Esther Viant Valdes, ເອກອັກຄະລັດຖະທູດ ແຫ່ງ ສາທາລະນະລັດ ກູບາ ປະຈໍາ ສປປ ລາວ ໃນວັນທີ 23 ເມສາ 2023;
• ທ່ານ ສັນຍາ ປຣະເສີດ, ປະທານກຳມາທິການການ ຕ່າງປະເທດ, ສະພາແຫ່ງຊາດ ຕ້ອນຮັບການຢ້ຽມຂໍ່ານັບ ຂອງທ່ານ ນາງ La MARCILLIONYTE, ເອກອັກຄະລັດຖະທູດ ແຫ່ງ ສະຫະພາບເອີຣົບ ປະຈຳ ສປປ ລາວ ໃນທ້າຍເດືອນ ເມສາ 2023.

ເດືອນ 9.2023

• ການນຳຂັ້ນສູງສະພາແຫ່ງຊາດລາວ ຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ຮອງປະທານສະພາແຫ່ງຊາດ ອຳນາດປະຊາຊົນ ກູບາ ໃນວັນທີ 11 ກັນຍາ 2023
• ທ່ານເລຂາທິການໃຫຍ່ AIPA ພ້ອມດ້ວຍຄະນະ ເດີນທາງມາຢ້ຽມຢາມ ແລະ ເຮັດວຽກ ຢູ່ ສປປລາວ ໃນລະຫວ່າງວັນທີ 17-21 ກັນຍາ 2023.