ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

(ສພຊ) ເພື່ອທົດລອງນໍາໃຊ້ຮ່າງຄູ່ມື ການຕິດຕາມກວດກາການປະເມີນການຈັດຕັ້ງປະຕິບັດກົດໝາຍ; ຕິດ ຕາມກວດກາ ແລະ ຊຸກຍູ້ ການປະເມີນການຈັດຕັ້ງປະຕິບັດກົດໝາຍຂົງເຂດຍຸຕິທໍາ ຈໍານວນ 4 ສະບັບຄື: ກົດໝາຍວ່າດ້ວຍສານປະຊາຊົນ, ກົດໝາຍວ່າດ້ວຍອົງການໄອຍະການປະຊາຊົນ, ກົດໝາຍວ່າດ້ວຍການດຳເນີນຄະດີແພ່ງ ແລະ ກົດໝາຍວ່າດ້ວຍການດຳເນີນຄະດີອາຍາ; ລົງເກັບກຳຂໍ້ມູນ, ຮັບຟັງຄໍາຄິດຄໍາເຫັນຂອງການນໍາທ້ອງຖິ່ນ ແລະ ຄຳເຫັນຂອງປະຊາຊົນ ຕໍ່ບັນຫາທີ່ພົ້ນເດັ່ນ ໃນຂົງເຂດຍຸຕິທໍາ ໂດຍສະເພາະບັນຫາທີ່ກ່ຽວຂ້ອງກັບຄໍາຮ້ອງຂໍຄວາມເປັນທໍາຂອງປະຊາຊົນ; ສະຫຼຸບຕີລາຄາການຈັດຕັ້ງປະຕິບັດ 4 ກົດໝາຍ ເພື່ອລາຍງານຕໍ່ກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີ IX ພິຈາລະນາຮັບຮອງ ແລະ ສະຫຼຸບຖອດຖອນບົດຮຽນ ໃຫ້ແກ່ການຕິດຕາມກວດກາການປະເມີນການຈັດຕັ້ງປະຕິບັດກົດໝາຍຂົງເຂດຕ່າງໆໃນຕໍ່ໜ້າ. ລະຫວ່າງວັນທີ 24-25 ຕຸລາ 2022 ທີ່ຫ້ອງປະຊຸມແຜນ ການ ແລະ ການລົງທຶນແຂວງສະຫວັນນະເຂດ ໄດ້ມີກອງປະຊຸມການຈັດຕັ້ງປະຕິບັດນໍາໃຊ້ປຶ້ມຄູ່ມື ໃນການຕິດຕາມກວດກາ ການປະເມີນການຈັດຕັ້ງປະຕິບັດກົດໝາຍ (ຂົງເຂດຍຸຕິທໍາ 4 ສະບັບ) ໂດຍການເປັນປະທານຮ່ວມຂອງທ່ານ ສີສູນທອນ ສ.ພາບມີໄຊຍ໌ ຮອງປະທານກຳມາທິການຍຸຕິທຳ ສະພາແຫ່ງຊາດ ແລະ ທ່ານ ນາງ ຫຼິງທອງ ແສງຕາວັນ ຮອງເຈົ້າແຂວງໆສະຫວັນນະເຂດ ເຂົ້າຮ່ວມມີຮອງປະທານກຳມາທິການ, ຮອງປະທານສະພາປະຊາຊົນແຂວງ, ປະ ທານ-ຮອງປະທານຄະນະກຳມະການຍຸຕິທຳ ແລະ ປ້ອງກັນຊາດ-ປ້ອງກັນຄວາມສະຫງົບ ສະພາປະຊາຊົນແຂວງ, ຫົວໜ້າສານປະຊາຊົນພາກໃຕ້, ຫົວໜ້າອົງການໄອຍະການປະຊາຊົນພາກໃຕ້ ຈາກ 3 ແຂວງຄື: ຄໍາມ່ວນ, ສະຫວັນນະເຂດ ແລະ ຈຳປາສັກ; ຮອງປະທານກວດກາລັດແຂວງ, ພະນັກງານຈາກພະແນກຍຸຕິທຳແຂວງ, ຫ້ອງການສະພາທະນາຍ ຄວາມ ປະຈຳແຂວງ, ອົງການກວດກາລັດແຂວງ, ກອງບັນຊາການປ້ອງກັນຄວາມສະຫງົບແຂວງ, ຄະນະກົມ, ຄະນະພະແນກ ພ້ອມດ້ວຍພະນັກງານ-ວິຊາການທີ່ກ່ຽວຂ້ອງ.

ກອງປະຊຸມ ໄດ້ຮັບຟັງການສະເໜີບົດລາຍງານຂອງສານປະຊາຊົນພາກ, ແຂວງ ກ່ຽວກັບຜົນການປະເມີນກົດໝາຍ ວ່າດ້ວຍສານປະຊາຊົນ ແລະ ກົດໝາຍວ່າດ້ວຍການດໍາເນີນຄະດີແພ່ງ ຈາກສານປະຊາຊົນພາກໃຕ້ ແລະ ສານປະຊາຊົນແຂວງຄຳມ່ວນ, ສະຫວັນນະເຂດ ແລະ ຈຳປາສັກ; ສະເໜີບົດລາຍງານ ຂອງອົງການໄອຍະການປະຊາຊົນພາກ, ແຂວງ ກ່ຽວກັບຜົນການປະເມີນກົດໝາຍວ່າດ້ວຍອົງການໄອຍະການປະຊາຊົນ ແລະ ກົດໝາຍວ່າດ້ວຍການດໍາເນີນຄະດີອາຍາ ຈາກອົງການໄອຍະການປະຊາຊົນພາກໃຕ້ ແລະ ອົງການໄອຍະການປະຊາຊົນແຂວງຄຳມ່ວນ, ສະຫວັນນະເຂດ ແລະ ຈຳປາສັກ; ຈາກນັ້ນ, ປະທານກອງປະຊຸມມີຄຳຖາມເຈາະຈີ້ມ ເພື່ອໃຫ້ຜູ້ເຂົ້າຮ່ວມກອງປະຊຸມໄດ້ປະ ກອບຄຳຄິດຄຳເຫັນໃສ່ບັນດາບົດລາຍງານດັ່ງກ່າວ; ພ້ອມນັ້ນ, ກອງປະຊຸມຍັງໄດ້ຮັບຟັງຄຳເຫັນຈາກພາກສ່ວນທີ່ກ່ຽວ ຂ້ອງ.


ໂອກາດດັ່ງກ່າວ, ທ່ານ ສີສູນທອນ ສ.ພາບມີໄຊຍ໌ ໄດ້ມີຄຳເຫັນກ່າວເປີດກອງປະຊຸມວ່າ: ຄະນະປະຈຳສະພາແຫ່ງຊາດ ໄດ້ຮ່າງປຶ້ມຄູ່ມືໃນການຕິດຕາມກວດກາການຈັດຕັ້ງການປະເມີນກົດໝາຍ ສຳເລັດໂດຍພື້ນຖານ ເພື່ອເປັນການທົດລອງການນຳໃຊ້ຄູ່ມືດັ່ງກ່າວ ເພື່ອເປັນການຕິດຕາມກວດກາການປະເມີນກົດໝາຍໃນຂົງເຂດຍຸຕິທຳນັ້ນ. ກອງປະຊຸມຄັ້ງນີ້ ຈຶ່ງໄດ້ດຳເນີນຂຶ້ນເພື່ອຮັບຟັງການລາຍງານການປະເມີນການຈັດຕັ້ງປະຕິບັດກົດໝາຍ 4 ສະບັບ ໃນຂົງເຂດຍຸຕິທຳຄື: ກົດໝາຍວ່າດ້ວຍສານປະຊາຊົນ, ກົດໝາຍວ່າດ້ວຍອົງການໄອຍະການປະຊາຊົນ, ກົດໝາຍວ່າດ້ວຍການດຳເນີນຄະດີແພ່ງ ແລະ ກົດໝາຍວ່າດ້ວຍການດຳເນີນຄະດີອາຍາ; ດັ່ງນັ້ນ ເພື່ອຮັບປະກັນເຮັດໃຫ້ການທົດລອງນຳໃຊ້ປຶ້ມຄູ່ມືການລາຍງານ ແລະ ແລກປ່ຽນຄຳຄິດຄຳເຫັນຕໍ່ກັບການປະເມີນການຈັດຕັ້ງປະຕິບັດກົດໝາຍໄດ້ຮັບຜົນດີ; ພ້ອມນັ້ນ, ທ່ານຍັງໄດ້ຮຽກຮ້ອງມາຍັງບັນດາທ່ານຜູ້ແທນກອງປະຊຸມ ຈົ່ງພ້ອມກັນສຸ່ມໃສ່ຄົ້ນຄວ້າ ແລະ ແລກປ່ຽນຄຳຄິດຄຳເຫັນ ຢ່າງກົງໄປກົງມາ ດ້ວຍຄວາມຮັບຜິດຊອບ ແລະ ຍົກໃຫ້ເຫັນຂໍ້ສະດວກ ແລະ ຂໍ້ຫຍຸ້ງຍາກຜ່ານມາ ແນໃສ່ເຮັດໃຫ້ກົດໝາຍ ແລະ ນິຕິກຳທີ່ກ່ຽວຂ້ອງ ໄດ້ຮັບການຈັດຕັ້ງປະຕິບັດ ແລະ ມີຜົນສັກສິດ ປະກອບສ່ວນເຂົ້າໃນການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມ ດ້ວຍກົດໝາຍ ໃຫ້ດີຂຶ້ນເປັນກ້າວໆ.
ກອງປະຊຸມໄດ້ຮັບການສະໜັບສະໜູນດ້ານງົບປະມານຈາກມູນນິທິເວສມິນສະເຕີ ເພື່ອປະຊາທິປະໄຕ (WFD) ແລະ ງົບປະມານສົມທົບຈາກຄະນະເລຂາທິການສະພາແຫ່ງຊາດ.

 

 

(ພາບ ແລະ ຂ່າວ: ນາງ ກຸກກິກ ບຸດດາໄຊ)