ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

     ທ່ານ ຄຳ​ມະ​ນີ ໄຊ ດວງ​ຕາ ສະ​ມາ​ຊິກ​ສະ​ພາ​ແຫ່ງ​ຊາດ ຊຸດທີ IX ປະຈໍາເຂດເລືອກຕັ້ງ ທີ 04 ແຂວງອຸດົມໄຊ, ​ປະ​ທານ​ຄະ​ນະ​ກຳ​ມະ​ການ​ວັດ​ທະ​ນະ​ທຳ-ສັງ​ຄົມ ແລະ ບັນ​ດາ​ເຜົ່າ ​ສພຂ ເຂົ້າ​ຮ່ວມກອງ​ປະຊຸມວິ​ສາ​ມັນ ກຳ​ມາ​ທິ​ການ​ວັດ​ທະ​ນະ​ທຳ-ສັງ​ຄົມ ສພຊ (ຜ່ານ​ລະ​ບົບ​ທາງ​ໄກ).
ໃນ​ຕອນເຊົ້າຂອງວັນຈັນ, ວັນ​ທີ 23 ພຶດ​ສະ​ພາ 2022 ທີ່​ຫ້ອງ​ປະ​ຊຸມ​ສະ​ພາ​ແຫ່ງ​ຊາດ ພາຍ​ໃຕ້​ການ​ເປັນ​ປະ​ທານ​ຂອງ​ທ່ານ ນາງ​ ທຸມ​ມາ​ລີ ​ວົງ​ພະ​ຈັນ ປະ​ທານ​ກຳ​ມະ​ທິ​ການ​ວັດ​ທະ​ນະ​ທຳ-ສັງ​ຄົມ ສພຊ, ມີ​ບັນ​ດາ​ທ່ານສ​ະ​ມາ​ຊິກ​ສະ​ພາ​ແຫ່ງ​ຊາດ ທີ່​ສັງ​ກັດ​ຢູ່ກຳ​ມາ​ທິ​ການ​ ວັດ​ທະ​ນະ​ທຳ-ສັງ​ຄົມ ສພຊ 18 ເຂດ​ທົ່ວ​ປະ​ເທດເຂົ້າ​ຮ່ວມ.
ກອງປະຊຸມພາຍຫລັງໄດ້ຮັບຟັງການລາຍງານ ແລະ ປະ ກອບຄໍາຄິດຄໍາເຫັນ ທ່ານ ນາງ ທຸມ​ມາ​ລີ ວົງ​ພະ​ຈັນ ​ປະ​ທານກອງ​ປະ​ຊຸມ​ໄດ້​ຮຽກ​ຮອງ ໃຫ້​ແຕ່​ລະ​ເຂດ​ເອົາ​ໃຈ​ໃສ່​ໃນ​ການ​ຕິດ​ຕາມກວດ​ກາ, ການ​ຈັດ​ຕັ້ງ​ປະ​ຕິ​ບັດ​ທ່ອງ​ທ່ຽວ​ສີ​ຂຽວ, ການ​ເປີດ​ປະ​ເທດ​ຕິດ​ພັນ​ກັບ​ການ​ປ້ອງ​ກັ​ນ ແລະ ຮັບ​ມື​ການ​ແຜ່​ລະ​ບາດ​ພະ​ຍາດ​ໂຄວິດ-19 ແລະ ​ໃຫ້​ແຕ່​ລະ​ເຂດ​ທົ່ວ​ປະ​ເທດຕ້ອງ​ຈັດ​ກອງ​ປະ​ຊຸມ​ຮ່ວມກ​ັບພະ​ແນກກ​ານ, ຂະ​ແໜງ​ການ​ທີ່​ກ່ຽວ​ຂ້ອງ​ໂດຍ​ສະ​ເພາະແມ່ນ: ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19, ​ພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ​, ສະ​ພາ​ການ​ຄ້າ ແລະ ສະ​ມາ​ຄົ​ມທຸ​ລະ​ກິດ​ບໍ​ລິ​ຫານ ໃຫ້​ໄດ້​ຂໍ້​ມູນ​ຊັດ​ເຈນ​ທີ່​ສຸດເພື່ອ​ລາຍງານ​ຕໍ່​ກອງ​ປະ​ຊຸມ​ຄະ​ນະ​ປະ​ຈຳ​ສະ​ພາ​ແຫ່ງ​ຊາດ.
ພາບ-ຂ່າວ: ແສງພອນ ອິນນະລົງ.